ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ەمدەلۋ قامسىزداندىرۋ رەفورماسىنان چاڭجياڭ اتىراۋىنداعى تۇرعىندار يگىلىككە كەنەلدى

来源:جۇڭگو قازاق راديو تورابى     |责编:古丽美热|     发布日期: 2020-01-13 16:53

 

ٴوز حابارىمىز. 2018-جىلى 9-ايدان باستاپ، چاڭجياڭ اتىراۋى رايونىندا ٴبىر تۇتاس جوسپارلانعان العاشقى توپتاعى 8 سىناق ٴتۇيىن رايونى اشىلىپ، چاڭجياڭ اتىراۋى رايونىنىڭ سىرت جەردە ەمدەلگەندەردىڭ ەسەبىن تىكەلەي جابۋىن جەبەدى. قازىرگە دەيىن، جياڭسۋ، جىجياڭ، انحۇي ولكەلەرىندەگى 40 قالا شاڭحاي قالاسىمەن ەمدەلۋ قامسىزداندىرۋىن ٴبىر تۇلعالاندىرىپ، جياڭسۋدىڭ بارلىق ٴبىر تۇتاس جوسپارلانعان رايوندارى مەن جىجياڭنىڭ ٴبىر ٴبولىم سىناق ٴتۇيىنى رايوندارى ٴوزارا ۇشتاستىرىلدى.


60 جاستاعى ساۋ لين حانىم جاس كەزىندە جياڭسۋدىڭ ٴشۇيجوۋ قالاسىندا قىزمەتكە قاتىناسقان، زەينەتكە شىققاننان كەيىن شاڭحايعا قونىستاندى. اۋىرسا شاڭحايدا ەمدەلەدى، ال ەمدەلۋ قامسىزداندىرۋى شۇيجوۋدا. ول بىلاي دەدى: بۇرىن شاڭحايدا ەمدەلىپ، سوڭىنان ٴبىر سپىرا اقى تالونىن، اۋرۋ تاريحىن الىپ شۇيجوۋعا بارىپ ەسەپتەن كوتەرتەتىنمىن. قازىر شاڭحايدا امبالاتورياعا بارسام ەمدەلۋدى قامسىزداندىرۋ كارتچكاسىن ىستەتەمىن، بۇل ماعان قاتتى قولايلى بولدى.


شاڭحاي قالالىق ەمدەلۋدى قامتاماسىزداندىرۋ مەكەمەسىنىڭ باستىعى شيا كىجيا بىلاي دەدى: چاڭجياڭ اتىراۋىنداعى جەرلەردىڭ امبالاتوريادا سىرت جەر ناۋقاسىنىڭ ەسەبىن تىكەلەي جابۋى- 3 ولكە، 1 قالانىڭ ەمدەلۋدى قامسىزداندىرۋى مەن دەنساۋلىق ساقتاۋ تاراۋلارىنىڭ نىسان ارقىلى ٴبىر تۇلعالانۋدى جەبەۋدەگى ٴتيىمدى سىناعى، الەۋمەتتىك قىزمەت وتەۋدى ٴبىر تۇلعالاندىرۋ ارقىلى بۇقارانىڭ تابىس سەزىمىن كۇشەيتكەندىگىنىڭ ايعاعى.
جياڭسۋ ولكەلىك ەمدەلۋدى قامتاماسىزداندىرۋ مەكەمەسىنىڭ باستىعى جوۋ يىڭ بىلاي دەدى: حالىق بۇقاراسىنىڭ تىلەگى ەمدەلۋ قامسىزداندىرۋىندا ساقتالىپ كەلگەن دامۋ مەن قامتاماسىزداندىرۋدىڭ بىركەلكىسىز، تولىق بولماۋ، ادىلەتسىزدىك، ۇلاسپالىلىقتى ساقتاۋداعى قيىنشىلىق سياقتى ماسەلەلەردى بەلگىلى دارەجەدە اڭىس ەتىپ، حالىق بۇقاراسىنىڭ ەمدەلۋىن قامسىزداندىرۋداعى تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋدى شۇعىل قاجەت ەتەدى.


جىجياڭ ولكەلىك ەمدەلۋدى قامتاماسىزداندىرۋ مەكەمەسى رەفورما-دامۋ باسقارماسىنىڭ باستىعى ني حۋپيڭ بىلاي دەدى: ەمدەلۋدى قامسىزداندىرۋ رەفورماسى ٴسوزسىز الەۋمەتتىك ەمدەۋگە قىزمەت وتەۋ ٴتۇزىمى، وسىزامانعى دوحتىرحانا باسقارۋ ٴتۇزىمى، ٴدارى – دارمەكپەن قامداۋدى قامتاماسىزداندىرۋ ٴتۇزىمى سياقتىلارمەن ٴوزارا ۇشتاستىرىلىپ، ەمدەلۋدى قامسىزداندىرۋ مەن ەمدەۋ، ٴدارى -دارمەكتەر اراسىنداعى جاراسىمدى دامۋدى، ٴتارتىپتى تەپە – تەڭدىكتى ىلگەرىلەتۋ كەرەك.

 


اۋدارعان: امانتاي مۇسايىپ ۇلى 

中央广播电视总台 央广网 版权所有

ەمدەلۋ قامسىزداندىرۋ رەفورماسىنان چاڭجياڭ اتىراۋىنداعى تۇرعىندار يگىلىككە كەنەلدى

ەمدەلۋدى قامسىزداندىرۋ مەن ەمدەۋ، ٴدارى -دارمەكتەر اراسىنداعى جاراسىمدى دامۋدى، ٴتارتىپتى تەپە – تەڭدىكتى ىلگەرىلەتۋ كەرەك.