ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

شي جينپيڭنىڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە-جاڭا ورايلاردى جەتىلدىرىپ، جاڭا جاعداي قالىپتاستىرۋ. يۇننان ولكەسى: جاسىل دامۋ ارقىلى ەكونوميكانىڭ دامۋ فورماسىنا بۇرىلىس جاساۋعا كۇش سالدى

来源:جۇڭگو قازاق راديو تورابى     |责编:古丽美热|     发布日期: 2020-06-26 18:58

 

ٴوز حابارىمىز. بيىل 1-ايدا، باس شۋجي شي جينپيڭ يۇنناندا قىزمەت تەكسەرگەندە مىنانى اتاپ كورسەتتى: ەكونوميكانىڭ جوعارى ساپالى دامۋىن ىلگەرىلەتۋدە ەكونوميكانى الدىمەن بۇلدىرىپ، سوڭىنان بارىپ جونگە سالۋدىڭ كونە جولىمەن جۇرۋگە استە بولمايدى. ەكولوگيانى الدىمەن ەسكەرۋگە جانە جاسىل دامۋعا تاباندى بولىپ، قاجىماي ـ تالماي قۇلشىنىس جاساپ، ۇزاق ۋاقىتتىق ونىمدىلىككە قول جەتكىزەتىن بولساق، تۇنىق سۋ، جاسىل تاۋدى، ءسوز جوق، باعالى بايلىققا اينالدىراتىن بولامىز.

باس شۋجيدىڭ تالابى بويىنشا يۇننان ولكەسى تۇنىق سۋ، جاسىل تاۋدى قورعاۋمەن بىرگە، جاسىل دامۋعا ەرەكشە ٴمان بەرىپ، ەكونوميكانىڭ دامۋ فورماسىنا بۇرىلىس جاساپ، جوعارى ساپالى دامۋدى ىلگەرىلەتۋگە كۇش سالدى.

يۇننان كولىنىڭ 1-دارەجەلى قورىق رايونى بولعان ساۋحاي-بەي سولتۇستىك رايونىندا، بىرنەشە كۇننەن بەرى، جۇزدەن استام جۇمىسشى قاربالاس جۇمىس ىستەپ، بۇرىنعى يەن دالانى 200 مىڭ شارشى مەتردەن استام سازدىق باقشاعا اينالدىرۋعا كۇش سالۋدا.

تۇنىق سۋ، جاسىل تاۋ- بۇقارانىڭ ارمان تىلەگى، ونان دا ماڭىزدىسى، بۇل باس شۋجي شي جينپيڭ باستان اياق كوڭىل ٴبولىپ كەلگەن ماڭىزدى تۇيىندەردىڭ ٴبىرى. بيىل 1-ايدا، باس شۋجي يۇنناندا قىزمەت تەكسەرگەندە بىلاي دەدى: «يۇنناننىڭ ەكولوگيالىق ورنى ماڭىزدى، وزىندىك ارتىقشىلىعى بار، مۇنداعى تەتىك قورعاۋ مىندەتىن ويداعىداي اتقارۋدا. قايتكەندە ويداعىداي قورعاۋعا بولادى؟ كەزەكتە، يۇننان ولكەسى ەڭ قيىن ماسەلەلەردى شەشۋگە كىرىستى. يۇننان كولى ورنالاسقان كۇنميڭ قالاسىنىڭ جيننيڭ رايونىندا، فوسفور حيميا ونەركاسىبى جەرگىلىكتى ورىننىڭ ەكونوميكالىق تىرەكتى كاسىبى سانالادى، ال بۇل ماسەلە ۇزاق جىلداردان بەرى يۇننان كولىنىڭ ەكولوگياسىنا اۋىر قاتەر توندىرىپ كەلگەن كاسىپ ٴتۇرى بولماق.

ولشەمگە تولمايتىن كەن رايوندارىن جاۋىپ جانە توقتاتىپ، مەشەۋ ٴوندىرىس جابدىقتارىن قاتاردان قالدىرىپ، اشىلعان جەرلەردى دەر كەزىندە قالپىنا كەلتىرىپ جانە جاسىلداندىرىپ، ٴبىرسىپىرا قاتاڭ شارالار بىرتىندەپ ورىستەتىلدى. حيميا ونەركاسىبى سياقتى مەشەۋ ٴوندىرىس قۋاتى كاسىپورىندارى جونىندە ” كىم لاستاسا، سول جاۋاپتى بولۋ “ ؛ ورتانى بۇلدىرگەن ورىندار مەن جەكەلەرگە «ءبىر رەت زاڭعا قايشى ارەكەت جاساسا، بازاردان ماڭگى شىعارىپ تاستاۋ» قاتارلى جازا شارالارى بەرىلەتىن بولدى.

جاسىل دامۋ ارقىلى ەكونوميكانىڭ دامۋ فورماسىنا بۇرىلىس جاساۋ قىزمەتى تەزدەتىلدى. مەشەۋ ٴوندىرىس قۋاتىن ىعىستىرۋ ٴادىسىن قولدانۋمەن بىرگە، جەرگىلىكتى ورىن جوعارى دەڭگەيلى جابدىق جاساۋ، بيولوگيالىق ٴدارى ـ دارمەك سياقتى جاڭادان گۇلدەنگەن كاسىپتەرگە ەرەكشە قولداۋ كورسەتتى. تەحنيكا زەرتتەپ اشۋدان قوسىمشا زەرتتەپ اشۋ بازالارىن دامىتۋ ارقىلى كەزەكتە، مىڭعا جۋىق جوعارى، جاڭا كاسىپورىن كۇنميڭ قالاسىنا ىرگە تەپتى. بيىل جەرگىلىكتى ورىن تاعى دا 58 ميلليارد يۋان قارجى شىعارىپ، 5G، جاساندى زەردە كاسىبى قاتارلى 400 دەن استام نىساندى دامىتۋعا كۇش سالدى.

جاسىل ەكونوميكانىڭ ومىرشەڭدىك كۇشى تاسقىنداپ، جاسىل ەكولوگيانىڭ تابىسى ارت-ارتىنان جارىققا شىقتى. كەزەكتە يۇننان كولىندەگى سازدىق وسىمدىكتەرىنىڭ ٴتۇرى 290 عا، بالىق ٴتۇرى 23 گە جەتىپ، قالپىنا كەلتىرىلگەن سۋ ايدىنىنىڭ اۋماعى 11.51 شارشى كيلومەتردەن استى.

5 جىلدىڭ ىشىندە، باس شۋجي شي جينپيڭ يۇننانعا ەكى رەت بارىپ ەكولوگيالىق قۇرىلىس جونىندە ماڭىزدى نۇسقاۋ بەردى. باس شۋجي بىلاي دەدى: قاجىماي ـ تالماي كۇرەس جۇرگىزىپ، ۇزاق ۋاقىتتىق ونىمدىلىككە قول جەتكىزۋ كەرەك. كوپ جىلداردان بەرى، يۇننان ولكەسى «تۇنىق سۋ، جاسىل تاۋدى باعالى بايلىققا اينالدىرۋ» وي جەلىسىن ارقاۋ ەتىپ ٴتۇرلى جاقتاردان ورنالاستىرۋ جاسادى. يۇيشي قالاسى كول ايدىنىن اينالىپ قونىستان 30 مىڭنان استام ادامدى باسقا وڭىرگە كوشىرىپ ورنالاستىرىپ، جوعارى ٴونىمدى اۋىل شارۋاشىلىعىن دامىتتى ؛ چۇيجيڭ قالاسى كومىر كەننەن مىڭعا تاياۋىن جاۋىپ، ەنەرگيانى كوپ سارىپ ەتەتىن كاسىپورىنداردىڭ تيپىن وزگەرتۋدى ىلگەرىلەتتى؛ دالي قالاسى ارحاي كول جاعاسىنا سالىنعان ساۋلەتتى ۇيلەردى بۇزىپ، ساياحات كاسىبىنىڭ ساپاسىن جوعارىلاتتى.

جاسىل دامۋ تانىمى قارجى قوسۋشىلاردى ٴونىمدى باۋرادى. 6 ـ ايدىڭ باسىندا بۇكىل ەلدەگى تۇڭعىش 5 G زەردەلى زات اينالىمى جابدىقتارىن زەرتتەپ اشۋ، ٴوندىرۋ باقشا رايونى يۇننان ولكەسىنە ىرگە تەپتى ؛ 10 مىڭنان استام كاسىپورىن جۇڭگو (يۇننان) ەركىن ساۋدا سىناق رايونىندا تىزىمگە الىنىپ، تىزىمگە الدىرعان كاپيتال مولشەرى 23 ميلليارد يۋاننان استى. كەزەكتە، يۇنناندا جوعارى دەڭگەيلى، ينفورماتسيالانعان، جاسىلدانعان وسى زامانعى كاسىپ جۇيەسى العاشقى ادىمدا قالىپتاستى.

كەلەسى قادامدا يۇننان ولكەسى «جاسىل ەكونوميكانى» جالعاستى ويداعىداي دامىتۋعا كۇش سالىپ، ۇستىرتتەگى ەرەكشە وسى زامانعى اۋىل شارۋاشىلىعىن نەگىز ەتكەن «جاسىل ازىق-تۇلىك»، ەكولوگيالىق بايلىقتى باسىمدىققا يە جاسىل ساياحاتقا اينالدىرۋ قاتارلى كاسىپتەردى ٴۇرتىس دامىتىپ، تۇنىق سۋ مەن جاسىل تاۋدى يۇنليڭ دالاسىنىڭ جوعارى ساپالى دامۋىنىڭ نەگىزى ەتىپ قۇرىپ شىعۋعا كۇش سالماقشى.


اۋدارعان: نازار ٴارىپ ۇلى

中央广播电视总台 央广网 版权所有

شي جينپيڭنىڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە-جاڭا ورايلاردى جەتىلدىرىپ، جاڭا جاعداي قالىپتاستىرۋ. يۇننان ولكەسى: جاسىل دامۋ ارقىلى ەكونوميكانىڭ دامۋ فورماسىنا بۇرىلىس جاساۋعا كۇش سالدى

باس شۋجيدىڭ تالابى بويىنشا يۇننان ولكەسى تۇنىق سۋ، جاسىل تاۋدى قورعاۋمەن بىرگە، جاسىل دامۋعا ەرەكشە ٴمان بەرىپ، ەكونوميكانىڭ دامۋ فورماسىنا بۇرىلىس جاساپ، جوعارى ساپالى دامۋدى ىلگەرىلەتۋگە كۇش سالدى