ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

حان جىڭ 7-رەتكى مەملەكەت جان سانىن جاپپاي تەكسەرۋ تەلەۆيزور-تەلەفون ماجىلىسىنە قاتىناستى

来源:     |责编:努丽霞提|     发布日期: 2020-07-30 17:49

 

ٴوز حابارىمىمىز: 7 - كەزەكتى مەملەكەت جان سانىن جاپپاي تەكسەرۋ تەلەۆيزور-تەلەفون ٴماجىلىسى 7- ايدىڭ 29 - كۇنى تۇستەن كەيىن بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، مەملەكەتتىك كەڭەستىڭ 7 ـ رەتكى مەملەكەت جان سانىن جاپپاي تەكسەرۋ باسشىلىق گرۋپپاسىنىڭ باستىعى حان جىڭ ماجىلىسكە قاتىناستى ٴارى ٴسوز سويلەدى.

 

حان جىڭ بىلاي دەپ باسا دارىپتەدى : مەملەكەت جان سانىن جاپپاي تەكسەرۋ قىزمەتى ماڭىزدى كەزەڭگە ٴوتتى، ماسەلەنى باعدار ەتۋگە، نىسانانى باعدار ەتۋگە تاباندى بولىپ، قاراجاتتى، زاتتىق ماتەريالداردى قامتاماسىز ەتۋ، « جان سانىن جاپپاي تەكسەرۋ قىزمەتىنە جەتەكشىلىك ەتۋشىلەر مەن تەكسەرۋشىلەردى » تاڭداپ تاربيەلەۋ، نوپوس رەتتەۋ، جان سانى تەكسەرىلەتىن رايونداردىڭ كارتاسىن سىزۋ قاتارلى قىزمەتتەردى شىن مانىندە جاقسى ىستەپ، جاپپاي تەكسەرۋدى، تىزىمگە الۋدى ورىستەتۋگە بەرىك نەگىز قالاۋ كەرەك. ساندى مالىمەت ساپاسىنىڭ تومەنگى شەگىن بەرىك ساقتاپ، جاپپاي تەكسەرۋ جوباسىن قاتاڭ اتقارىپ، ەلەكتروندى جولمەن توپتاۋدى جالپى بەتتىك قولدانىپ، اكىمشىلىك ساندى مالىمەتتەن ٴونىمدى پايدالانىپ، ناق مايداندا تىزىمدەۋدى مۇقيات ۇيىمداستىرىپ، جاپپاي تەكسەرۋ ساندى مالىمەتتەرىنىڭ شىنايى، دۇرىس بولۋىنا بار كۇشپەن كەپىلدىك ەتۋ كەرەك. زاڭ بويىنشا جاپپاي تەكسەرۋدى كۇشەيتىپ، جاپپاي تەكسەرۋ مالىمەتتەرىنە كيلىگەتىن ٴتۇرلى ارەكەتتەردى باتىل تەجەپ، جاپپاي تەكسەرۋ وبيەكتىلەرىنىڭ جەكە ينفورماتسياسىن قاتاڭ قورعاۋ كەرەك. جاپپاي تەكسەرۋ ۇگىتىن جاقسى ىستەپ، ونىڭ ماقساتى، ٴمانى جانە رولىن تەرەڭ ٴتۇسىندىرىپ، « بارشا جۇرتقا ۇعىندىرىپ، بارلىق ادامنىڭ قولداۋىنا يە بولۋى “ كەرەك. « مەملەكەت بويىنشا ءبىر تۇتاس باسشىلىق ەتۋ، تاراۋلار جۇمىستى ءبولىسىپ الىپ سەلبەسۋ، جەرگىلىكتى ورىندار دارەجە بويىنشا جاۋاپتى بولۋ، ءار جاق بىرگە قاتىناسۋ » تالابى بويىنشا، ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن ناقتىلاندىرىپ، تىعىز سەلبەسىپ جانە سايكەسىپ، قىزمەتتىڭ ٴساتتى اتقارىلۋىن جەبەۋ كەرەك.

 

مەملەكەتتىك ساناق مەكەمەسىنىڭ جاۋاپتىسى 7 ـ رەتكى مەملەكەت جان سانىن جاپپاي تەكسەرۋگە دايىندالۋ جانە قىزمەتتەردى ورنالاستىرۋ جاعدايىنان مالىمەت بەردى، ورتالىق ۇگىت ٴبولىمى، قوعام حاۋىپسىزدىگى مينيسترلىگى، دەنساۋلىق ساقتاۋ - سالاماتتىق كوميتەتى جانە بەيجيڭ قالاسى، جياڭسۋ ولكەسى، فۋجيان ولكەلىك حالىق ۇكىمەتىنىڭ قاتىستى جاۋاپتىلارى ٴسوز سويلەدى.

 

اۋدارعان: نازار ٴارىپ ۇلى

中央广播电视总台 央广网 版权所有

حان جىڭ 7-رەتكى مەملەكەت جان سانىن جاپپاي تەكسەرۋ تەلەۆيزور-تەلەفون ماجىلىسىنە قاتىناستى

حان جىڭ 7-رەتكى مەملەكەت جان سانىن جاپپاي تەكسەرۋ تەلەۆيزور-تەلەفون ماجىلىسىنە قاتىناستى