ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

سىچۋان ولكەسى ليڭشان يزۋ اۆتونوميالى وبلىسىنىڭ وقۋ-اعارتۋ جاعىنان كەدەيلەردى سۇيەمەلدەۋ حيكاياسى

来源:جۇڭگو قازاق راديو تورابى     |责编:达吾力别克 |     发布日期: 2020-09-14 10:26

ءوز جابارىمىز. وقۋ ـ اعارتۋدى دامىتۋ — كەدەيلىكتىڭ ۇرپاقتان ـ ۇرپاققا جالعاسۋىن توسۋدىڭ ءتۇبىرلى شاراسى. وقۋ - اعارتۋدىڭ باعدارى قالاي بولسا، ەرتەڭىمىز سولاي بولادى. بۇگىن سىچۋان ولكەسى لياڭشان يزۋ اۆتونوميالى وبلىسىنىڭ وقۋ - اعارتۋدان قامال الۋ بارسىنا ايالدايمىز
8- ايدىڭ سوڭىندا لياڭشان يزۋ اۆتونوميالى وبلىسى ميگۋ اۋدانى لۇڭمىن اۋىلى تاعا قىستاعىنداعى بالالار باقشاسى رەسمي اشىلدى. 5 جاستاعى يزۋ ٴبۇلدىرشىن جيحوۋۋگان جونىنەن العاندا، بۇل ۇزاققا بارماي اق ەسىك الدىندا ءبىلىم ۇيرەنەتىن تاماشا ورىنعا اينالدى. ءتىل دۇنيەگە باستايتىن كىلت. تاقا قىستاعىنداعى بالالار باقشاسىندا وقۋشىلار وقۋ بىتىرگەن كەزدە نەگىزىنەن ورتاق تىلدى «ءتۇسىنۋ، سويلەۋ، سويلەۋگە باتىلدىق ەتۋ، قولدانا ءبىلۋ » نىساناسىنا جەتەدى.


وقۋ ـ اعارتۋدان قامال الۋ لياڭشان تاۋلى وڭىرىندە تۇتاس تۇلعالىق اۋىر كەدەيلىك ماسەلەسىن شەشىپ، كەدەيلىكتىڭ ۇرپاقتان ـ ۇرپاققا جالعاسۋىن توسۋداعى ءتۇبىرلى شارا. 2018 ـ جىلى 7 ـ ايدا، لياڭشان وبلىسى بۇكىل ولكە بويىنشا «ءبىر قىستاقتا ءبىر بالالار باقشاسى بولۋ» تاربيەسىن تۇيىندە سىناق ەتۋدى الدىمەن اتقارىپ، «مەكتەپكە تۇسۋدەن ىلگەرى ورتاق ءتىلدى ۇيرەنۋ» قيمىلىن باستادى. قازىر بۇكىل وبلىستا 3895 بالالار باقشاشى سالىنىپ، بالالار باقشاسى تۇگەلدەي جالپىلاسىپ،270 مىڭنان استام بالا مەكتەپكە تۇسۋدەن بۇرىنعى تاربيەنىڭ يگىلىگىنە كەنەلدى.


ساندى مالىمەتتە كورسەتىلۋىنشە، سوڭعى 5 جىلدان بەرى لياڭشان وبلىسى وقىتۋ شارت- جاعدايىن جاقسارتۋعا 9 ميلليارد 75 ميلليون يۋان قارجى اجىراتىپ، لياڭشان وبلىسىندا، مەيلى اۋدان قالاشىعىندا، الدە اۋىل قالاشىقتاردا بولسىن، ەڭ جاقسى سالىنعان ۇيلەر مەكتەپ بولدى. مىسالى، يۋەشي اۋداندىق ۋىنچاڭ ورتا مەكتەبىندە تاجىريبەحانا، كىتاپحانا، كوپ مەديالى جابدىقتار تۇگەل تولىق. ۋىنچاڭ ورتا مەكتەبىنىڭ مەڭگەرۋشىسى شىن دىپيڭ تانىستىرىپ بىلاي دەدى: مەكتەپتە 3317 وقۋشى وقيدى، مۇندا قينشىلىعى بار وتباسىلاردىڭ بالالارى %80 تەن استامىن ۇستايدى. مەكتەپتەر «ءبىردى انىقتاۋ، ەكىدەن ساقتانۋ، ءۇش جاقتاعى اۋەسىن قوزعاۋ، ءتورتتى ءسۇيۋ، بەس جاۋاپكەرشىلىكتى» اتقارۋ ارقىلى وقۋعا تيىستىلەرىنىڭ تۇگەل وقۋىنا، كومەك بەرۋگە تيىستىلەرىنە مۇمكىندىكتىڭ بارىنشا كومەكتەسۋگە كەپىلدىك ەتتى.


شىن دىپيڭ بىلاي دەدى: ءبىردى انىقتاۋ وقىتۋشىلارىمىزدان ءاربىر وقۋشىنىڭ وتباسى جاعدايىن انىقتاۋدى كورسەتەدى. ەكىدەن ساقتانۋدا وقىتۋشىلاردىڭ ءار وتباسىلارىنا بارىپ، جاعداي ۇعىسۋ قىزمەتىن جاقسى ىستەۋىن مەڭزەيدى. ءۇش جاقتاعى اۋەسىن قوزعاۋ دەگەنىمىز مەكتەبىمىز وقۋشىلارعا يزۋ كەستەسى، حاتكەرلىك، مۋزيكا ساباقتارىن اشىپ، بالالاردىڭ وسى جاقتاعى اۋەسىن قوزعاۋدى مەڭزەيدى. ءتورتتى سۇيۋ وقىتۋشىلارمەن وقۋشىلار ءبىر- بىردەن جۇپ قۇراپ،باعىتتامالى تاربيەنى كۇشەيتىپ، كەدەي وقۋشىلارعا كومەكتەسۋدى كورسەتەدى. بەس جاۋاپكەرشىلىك دەگەنىمىز وقىتۋشىلارىمىزدىڭ ساتىلار بويىنشا جاۋاپكەرلىك حاتىنا قول قويۋىن مەڭزەيدى.


وقۋ - اعارتۋدىڭ باعدارى قالاي بولسا، ەرتەڭىمىز سولاي بولادى. قازىر لياڭشان وبلىسىنداعى 1631 مەكتەپتە ءبىر ميلليون 225 مىڭ 900 وقۋشى وقيدى. «وقۋ جاسىنا تولعان وقۋشىلار تۇگەل مەكتەپتە وقۋى كەرەك» دەگەن ۇندەۋدىڭ ارقاسىندا، بولاشاق ۇرپاقتار بىرتىندەپ جەتىلىپ كەلەدى.

اۋدارعان: سەرىك راقىم ۇلى

中央广播电视总台 央广网 版权所有

سىچۋان ولكەسى ليڭشان يزۋ اۆتونوميالى وبلىسىنىڭ وقۋ-اعارتۋ جاعىنان كەدەيلەردى سۇيەمەلدەۋ حيكاياسى

وقۋ ـ اعارتۋدى دامىتۋ — كەدەيلىكتىڭ ۇرپاقتان ـ ۇرپاققا جالعاسۋىن توسۋدىڭ ءتۇبىرلى شاراسى. وقۋ - اعارتۋدىڭ باعدارى قالاي بولسا، ەرتەڭىمىز سولاي بولادى. بۇگىن سىچۋان ولكەسى لياڭشان يزۋ اۆتونوميالى وبلىسىنىڭ وقۋ - اعارتۋدان قامال الۋ بارسىنا ايالدايمىز 8- ايدىڭ سوڭىندا لياڭشان يزۋ اۆتونوميالى وبلىسى ميگۋ اۋدانى لۇڭمىن اۋىلى تاعا قىستاعىنداعى بالالار باقشاسى رەسمي اشىلدى.