ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ا ق ش-قا قارسى تۇرىپ، چاۋشيانعا كومەك بەرۋ سوعىسىنداعى ايەل قاھارمان- ۋ جيۇڭ

来源:جۇڭگو قازاق راديو تورابى     |责编:达吾力别克 |     发布日期: 2020-09-14 10:32

وتكەن عاسىردىڭ 50 - جىلدارىندا «شاڭگانليڭ» اتتى كينودا ەرىكتىلەر ارمياسى جاۋىنگەرلەرىنىڭ چاۋشيان سوعىس مايدانىنداعى قاھارماندىعى شىن مانىندە سۋرەتتەلگەن بولاتىن، ال فيلىمدەگى ۇڭگىر ىشىندە تەرەڭ سۇيىسپەنشىلىكپەن ءان ايتىپ، جارالى جاۋىنگەرلەردىڭ جۇرەگىن الديلەگەن الگى دەنساۋلىق ساقتاۋ قىزمەتكەرى ۋاڭ لان رەال ومىردە شىنىندا بولعان. فيلمدەگى وسى كەيىپكەردىڭ ناقتى ومىردەگى تۇلعالارىنىڭ ءبىرى- ا ق ش-قا قارسى تۇرىپ، چاۋشيانعا كومەك بەرۋ سوعىسىنداعى ايەل قاھارمان- ۋ جيۇڭ. سوعىس مايدانىندا ول اجالعا اراشا، جارالىعا مەدەت بولدى، ءومىرىنىڭ سوڭعى كەزىندە ول تاعى ءوزىن قالتقىسىز ارناعان ەرىكتىگە اينالدى.


تيانجيندە 60 نەشە جىل ءومىر سۇرگەنىمەن، ۋ جيۇڭ سىچۋاندىقتاردىڭ ازىقتانۋ ادەتى مەن اشىق - جارقىن قالپىن ءباز-باياعىسىنداي ساقتاپ كەلدى. قازىر 87 جاسقا كەلگەن ول 17 جاسىندا اسكەرگە تىزىمدەلگەن كەزىندەگى جاعدايدى ەسىنە الىپ، ءالى ەسىنەن كوتەرىلمەگەندىگىن ايتتى. اسكەري ءبولىم باسشىلارى ونى ءالى كىشكەنە دەپ ءبىلىپ، اسكەرگە قابىلداماعان. ال سول كەزدە ول بارماعىن ءتىلىپ، قانىمەن ءوتىنىش جازىپ بەكىمىن بىلدىرگەندە بارىپ باسشىلار ونىڭ تالابىنا قوسىلادى.


1951 - جىلى، ۋ جيۇڭ ەرىكتىلەر ارمياسى 15 - كورپۋسى 45 - ديۆيزياسى باقىلاۋ 1 - روتاسىنىڭ دارىگەرى رەتىندە، ا ق ش-قا قارسى تۇرىپ، چاۋشيانعا كومەك بەرۋ شايقاسىنىڭ الدىنعى شەبىنە بارادى. 1952 - جىلدىڭ سوڭىندا، قيانكەسكى شاڭگانليڭ شايقاسىندا، ۋ جيۇڭ ءورت شارپىپ بەت-اۋزى كۇيىپ تانۋعا كەلمەي قالعان ءبىر جاۋىنگەردىڭ ءتىرى ەكەندىگىن بىلگەنسوڭ قار سۋىن ەرىتىپ ونىڭ اۋىزىنا اقىرىن تامىزادى. 45 جىلدان كەيىن، شۇي دا ەسىمدى سول جاۋىنگەر سۇراۋ سالىپ ءجۇرىپ ۋ جيۇڭدى اقىرى ىزدەپ تابادى، كەۋدەلەرى اسكەري وردەنگە تولعان ەكى ساقا جاۋىنگەر ءبىرىن-ءبىرى اسەرلەنگەندەرىنەن اۋىزدارىنا ءسوز تۇسپەيدى. چاڭچۇن كينو ستۋدياسى 1954 - جىلى «شاڭگانليڭ» كينوسىن كەسكىنگە ءتۇسىردى، رەجيسسەرلەر ۋ جيۇڭ مەن ونىڭ ساپتاسى ۋاڭ چيڭجىننىڭ كەشىرمەلەرىنە نەگىزدەلە وترىپ ۋاڭ لاننىڭ وبرازىن جازىپ شىقتى. ۋ جيۇڭ بىلاي دەدى: ءار رەت وسى فيلمدى كورگەنىمدە، سوعىس جىلدارى ەسىمە ورالادى.


سوعىس جەڭىسكە جەتكەننەن كەيىن ىلگەرىندى - كەيىندى ەكى رەت 3 - دارەجەلى ەڭبەك، ءبىر رەت 2 - دارەجەلى ەڭبەك سىڭىرگەن ۋ جيۇڭ ۋحانداعى ءبىر اسكەري ءبولىم دوحتىرحاناسىنا جوتكەلىپ بارادى. كاسىپ اۋىستىرعاننان كەيىن ول كۇيەۋىمەن بىرگە تيانجينگە بارىپ قىزمەت ىستەيدى. 1989 - جىلى زەينەتكە شىققانىنا كوپ ۋاقىت بولماعان ۋ جيۇڭ تيانجين قالاسى بەيبىتشىلىك رايوندىق ەرىكتىلەر قوعامىنا تىزىمدەلىپ، تۇڭعىش توپتاعى ەرىكتىلەردىڭ بىرىنە اينالدى. سودان باستاپ، ادامدار شاشى اعارعان وسى قارتتىڭ ۇستىنە اق قالاتىن كيىپ، ءدارى ساندىعىن يىعىنا اسىپ الەۋمەتتىك اۋماقتاردا ارلى-بەرلى جۇرگەنىن ۇنەمى كورەتىن بولدى.


اۋدارعان: امانتاي مۇسايىپ ۇلى

中央广播电视总台 央广网 版权所有

ا ق ش-قا قارسى تۇرىپ، چاۋشيانعا كومەك بەرۋ سوعىسىنداعى ايەل قاھارمان- ۋ جيۇڭ

وتكەن عاسىردىڭ 50 - جىلدارىندا «شاڭگانليڭ» اتتى كينودا ەرىكتىلەر ارمياسى جاۋىنگەرلەرىنىڭ چاۋشيان سوعىس مايدانىنداعى قاھارماندىعى شىن مانىندە سۋرەتتەلگەن بولاتىن، ال فيلىمدەگى ۇڭگىر ىشىندە تەرەڭ سۇيىسپەنشىلىكپەن ءان ايتىپ، جارالى جاۋىنگەرلەردىڭ جۇرەگىن الديلەگەن الگى دەنساۋلىق ساقتاۋ قىزمەتكەرى ۋاڭ لان رەال ومىردە شىنىندا بولعان.