ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەيىك» گانسۋ ولكەسىندەگى دۇڭشياڭ ۇلتى اۆتونوميالى اۋدانىنىڭ كەدەيلىكتەن ارىلۋ جولى

来源:جۇڭگو قازاق راديو تورابى     |责编:达吾力别克 |     发布日期: 2020-09-15 10:08

گانسۋ ولكەسى ەلىمىزدىڭ كەدەيلىكتەن ارىلتۋدان قامال الۋداعى نەگىزگى شايقاس مايداندارىنىڭ ءبىرى. ليۋپانشان، چينباشان سياقتى كەدەيلىك جايلاعان جەرلەردىڭ ۇلاسۋى وسى جەرلەردى كەدەيلەر شوعىرلانعان، كەدەيلىكتەن ارىلتۋ قيىن، وزىندىك قۇنى جوعارى قيىن قامالعا اينالدىردى. «كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋ. كەدەيلىك قالپاعى الىنباعان اۋداندارداعى قامال الۋ شايقاسىن باقىلاۋ» تاقىرىبىنداعى جەلىلەس تىلشىلىك ارنايى حابارىندا بۇگىن گانسۋ ولكەسى لينشيا حۋيزۋ اۆتونوميالى وبلىسىنىڭ دۇڭشياڭ ۇلتى اۆتونوميالى اۋدانى تىلگە تيەك ەتىلەدى. ەندەشە وسى جەلىلەس حاباردىڭ «گۇل جازيرا» دەگەن مازمۇنىنا نۇڭىلىڭىز


لينشيا حۋيزۋ اۆتونوميالى وبلىسىنىڭ دۇڭشياڭ ۇلتى اۆتونوميالى اۋدانى- ەلىمىزدەگى دۇڭشياڭ ۇلتىن نەگىز ەتكەن بىردەن-ء بىر اۋدان بولىپ، قۋاڭ سارى توپىراقتى ءۇستىرت قاتپارىنا ىرگە تەپكەن. وسى سارى توپىراقتى مەكەن ەتكەندەر اسقاق اۋەندى «گۇلدەر» دەگەن حالىق ءانىن جازىپ شىرقاپ كەلەدى. الايدا قۇنارسىز جەردە ەگىستىك قايتىپ جايقالسىن، سودان سىرت جەرگە بارىپ جۇمىس ىستەپ، كىرىس كوزىن تابۋ كوپتەگەن دۇڭشياڭ جاستارىنىڭ تالعامىنا اينالدى. 28 جاستاعى ما يۇيچياڭ كەزىندە سولاردىڭ ءبىرى بولاتىن.


وڭتۇستىك پەن سولتۇستىكتى ارالاپ، تالاي جىلدار بويى جەر-جەردى پانالاپ جۇرگەن ما يۇيچياڭ ىلعي دا كىرىسى تومەن، حاۋىپ-قاتەرى جوعارى، قامتاماسىزداندىرۋى از دەنە ەڭبەگىمەن شۇعىلدانىپ كەلدى. دۇڭشياڭ اۋدانى بەرتىنگى جىلداردان بەرى كاسىپتىك شەبەرلىككە تەگىن باۋلۋدى بار كۇشپەن ىلگەرىلەتىپ، ارحيۆ تۇرعىزىلىپ، كارتچكا بەرىلگەن كەدەي وتباسىلار مەن جاس-ورتا جاس ەڭبەككۇشتەردىڭ ءبىر ونەر يگەرۋىنە كومەكتەستى. ما يۇيچياڭ قۋانىشى قوينىنا سيماي، دەرەۋ كوجە كۋرسىسىنا تىزىمدەلدى.


2015-جىلدان بەرى، دۇڭشياڭدىق 10 مىڭنان استام تۇرعىن تەگىن كۋرستارعا كىرىپ، كوجە جاساۋ، توكپەن دانەكەرلەۋ، اۆتوكولىك جوندەۋدەي تەحنيكالاردى ۇيرەندى. كاسىپتىك مەكتەپتەن تەحنيكا تەتىگىن يگەرگەندەردىڭ اراسىندا تاعى دۇڭشياڭ بويجەتكەندەرى دە بار. ءتىلشى ما چيڭدى العاش كورگەن كەزىندە ول وتاۋ قۇرىپ، نەكە زالىنا كىرۋ الدىنداعى ءبىر جاس كەلىندى اجارلاندىرىپ جاتقان بولاتىن. كەستەشىلىك، توقىماشىلىق، اجارلاندىرۋ، شاش ساندەۋ سياقتى ساباقتارعا تەگىن قاتىناسقان كوپتەگەن جەلەكتى وشاق قاسىندا ومالىپ وتىرعانىن قويىپ، كىرىس كوزىن تاۋىپ، ەرلەرمەن تەڭ وتباسىنىڭ اۋىرتپالىعىن ارقالادى. ما چيڭ بىلاي دەدى: ەرەكشە اسەرلەندىم، قازىرگى شۇعىلدانعان كاسىبىم قىز بالالاردىڭ ارمانى.


تارامىس-تارامىس اڭعارلاردىڭ اراسىندا گۇلدەر جايناپ تۇر. ەرلەردىڭ قولىنا قاراپ كۇنەلتۋدەن، وزدەرىنىڭ قوس قولىنا سۇيەنىپ ءومىرىن ورنەكتەپ، تاماشا تىرلىككە تالپىنعان دۇڭشياڭ جەلەكتىلەرى قولدارىنداعى ينە-ءجىپ، قالام-قاعاز ارقىلى ادەمى كەستە، تاماشا سۋرەتتەر سىزىپ، وسىدان وتباسىنىڭ وتىن سوندىرمەي، مازداتا ءتۇستى. ما چيڭ ارمانىنا تاعى ءبىر قادام جاقىنداپ قالعانىن سەزىندى.


ما يۇيچياڭنىڭ دا ءبىر ارمانى بار. ول كۋرسقا قاتىناسقان جىگىتتەرمەن: قانە كىم الدىمەن سيىر ەتى كەسپەسى اسحاناسىن جىجياڭ، شاڭحايلاردا اشادى ەكەن، دەپ ءباس تىكتى. ما يۇيچياڭ بىلاي دەدى: وسى ونەردى يگەرگەننەن كەيىن الدىمەن ءبىر سيىر ەتى كەسپەسى اسحاناسىنا بارىپ اسپاز بولىپ، ءبىراز اقشا جيناپ، سوڭىنان ءوزىمنىڭ لانجوۋ كەسپەسى اسحانامدى اشسام دەيمىن. تيجاراتىم جاندانسا تۋىس-تۋعان، دوس-جاراندارىمدى كومەككە شاقىرامىن، بارلىعىمىز دوڭگەلەك داۋلەتتى تۇرمىسقا قادام تاستايمىز.


اۋدارعان: امانتاي مۇسايىپ ۇلى

中央广播电视总台 央广网 版权所有

«كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەيىك» گانسۋ ولكەسىندەگى دۇڭشياڭ ۇلتى اۆتونوميالى اۋدانىنىڭ كەدەيلىكتەن ارىلۋ جولى

لينشيا حۋيزۋ اۆتونوميالى وبلىسىنىڭ دۇڭشياڭ ۇلتى اۆتونوميالى اۋدانى- ەلىمىزدەگى دۇڭشياڭ ۇلتىن نەگىز ەتكەن بىردەن-ء بىر اۋدان بولىپ، قۋاڭ سارى توپىراقتى ءۇستىرت قاتپارىنا ىرگە تەپكەن. وسى سارى توپىراقتى مەكەن ەتكەندەر اسقاق اۋەندى «گۇلدەر» دەگەن حالىق ءانىن جازىپ شىرقاپ كەلەدى. الايدا قۇنارسىز جەردە ەگىستىك قايتىپ جايقالسىن، سودان سىرت جەرگە بارىپ جۇمىس ىستەپ، كىرىس كوزىن تابۋ كوپتەگەن دۇڭشياڭ جاستارىنىڭ تالعامىنا اينالدى. 28 جاستاعى ما يۇيچياڭ كەزىندە سولاردىڭ ءبىرى بولاتىن.