ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

حان جىڭ رەسەيدىڭ ءبىرىنشى ورىنباسار زۇڭليى بەلوۋسوۆپەن بىرگە جۇڭگو-رەسەي قارجى قوسۋ سەلبەستىك كوميتەتىنىڭ 7-رەتكى ءماجىلىسىن باسقاردى

来源:جۇڭگو قازاق راديو تورابى     |责编:达吾力别克 |     发布日期: 2020-11-18 19:18

ءوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، جۇڭگو-رەسەي قارجى قوسۋ سەلبەستىك كوميتەتىنىڭ جۇڭگو جاق ءتوراعاسى حان جىڭ 11-ايدىڭ 17-كۇنى رەسەيدىڭ ءبىرىنشى ورىنباسار زۇڭليى، جۇڭگو-رەسەي قارجى قوسۋ سەلبەستىك كوميتەتىنىڭ رەسەي جاق ءتوراعاسى بەلوۋسوۆپەن بىرگە بەينە ەكران ارقىلى جۇڭگو-رەسەي قارجى قوسۋ سەلبەستىك كوميتەتىنىڭ 7-رەتكى ءماجىلىسىن باسقاردى. ەكى جاق ەكى ەلدىڭ قارجى قوسۋ سەلبەستىگىنىڭ اياق الىسىن قورىتىندىلادى جانە سارالادى. ەكى جاق: ىندەتتىڭ ىقپالىن كۇش سالا جەڭىپ، ەكى ەلدىڭ قارجى قوسۋ سەلبەستىگىن جەدەلدەتىپ، ءوندىرىستى، جۇمىستى تەز قالپىنا كەلتىرىپ، اناعۇرلىم كوپ ناقتى جەتىستىكتەرگە قول جەتكىزۋگە ءبىر اۋىزدان قوسىلدى.


حان جىڭ بىلاي دەدى: ەكى ەل باسشىلارىنىڭ ستراتەگيالىق جەتەكشىلىگىندە، جۇڭگو مەن رەسەيدىڭ قارجى قوسۋ سەلبەستىگى باستان-اياق تاماشا دامۋ جاعدايىن ساقتاپ كەلەدى. بيىل جىل باسىنان بەرى، ءتوراعا شي جينپيڭ مەن پرەزيدەنت پۋتين ىلگەرىندى-كەيىندى 4 رەت تەلەفوندا سويلەسىپ، ىندەتكە بىرگە توتەپ بەرۋ، جۇڭگو-رەسەي قارىم-قاتىناسىنىڭ دامۋىن جەبەۋ جانە ەكى ەلدىڭ ناقتى سەلبەستىگىن ىلگەرىلەتۋ جونىندە ءبىرسىپىرا ماڭىزدى ورتاق تانىمعا كەلدى. جۇڭگو رەسەيمەن بىرگە ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ەكى ەلدىڭ قارجى قوسۋ سەلبەستىگىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتىپ، جۇڭگو مەن رەسەيدىڭ جاڭا داۋىردەگى جان-جاقتى ستراتەگيالىق سەلبەستىك سەرىكتەستىك قاتىناسىنىڭ مازمۇنىن بايىتۋدى قالايدى.


حان جىڭ بىلاي دەدى: تىڭ ورايدى مىقتى يگەرىپ، ەكى ەل كاسىپورىندارىن سيفرلى ەكونوميكا جانە ىندەتكە قارسى تۇرۋ سياقتى سالالارداعى سەلبەستىكتى ورىستەتۋگە شابىتتاندىرۋ؛ جۇڭگو مەن رەسەيدىڭ عىلىم-تەحنيكادا جاڭالىق اشۋ جىلىن وراي ەتىپ، جوعارى تەحنيكا، ينفورماتسيا، حابارلاسۋ، بيولوگيالىق حاۋىپسىزدىك سياقتى سالالاردا قارجى قوسۋ سەلبەستىگىن كۇشەيتۋ؛ جەرگىلىكتى ورىنداردىڭ سەلبەستىگىن تەرەڭدەتىپ، ورتا، شاعىن كاسىپورىنداردى سەلبەستىكتى كۇشەيتۋگە جەتەكتەۋ جانە شابىتتاندىرۋ؛ فينانستا جاڭالىق جاراتۋعا دەم بەرىپ، اقى تولەۋ جانە ەسەپ جابۋ كولەمىن كەڭەيتۋگە قولداۋ كورسەتىپ، فينانستىق قىزمەت وتەۋدىڭ قارجى قوسۋ سەلبەستىگىندەگى تىرەكتىك رولىن ساۋلەلەندىرۋ؛ ءادىل، ورنىقتى تيجارات-ساۋدا ورتاسىن بىرگە قالىپتاستىرىپ، قارجى قوسۋشىلاردىڭ سەنىمىن ۇزدىكسىز سەرپىلتۋ كەرەك.


بەلوۋسوۆ بىلاي دەدى: ىندەتكە توتەپ بەرۋ بارىسىندا، رەسەي مەن جۇڭگو ءوزارا كومەكتەسىپ، تىعىز سايكەسىپ، ءتۇيىندى قارجى قوسۋ سەلبەستىك نىساندارىن ورنىقتى ىلگەرىلەتتى. رەسەي-جۇڭگو قاتىناسى مەملەكەتتەر اراسىنداعى ءوزارا قۇرمەت ەتۋدىڭ، ءوزارا ءتيىمدى سەلبەستىكتىڭ جارقىن ۇلگىسىنە اينالدى. رەسەي جۇڭگومەن بىرگە ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، قيىنشىلىقتاردى بىرگە جەڭىپ، ەكى جاقتى قارجى قوسۋ سەلبەستىك مەحانيزمىنىڭ ابزالدىعىن تولىق ساۋلەلەندىرىپ، ناقتى سەلبەستىكتە تىڭ ىلگەرىلەۋشىلىككە قول جەتكىزۋدى قالايدى.


اۋدارعان: شالقار قازەز ۇلى

中央广播电视总台 央广网 版权所有

حان جىڭ رەسەيدىڭ ءبىرىنشى ورىنباسار زۇڭليى بەلوۋسوۆپەن بىرگە جۇڭگو-رەسەي قارجى قوسۋ سەلبەستىك كوميتەتىنىڭ 7-رەتكى ءماجىلىسىن باسقاردى

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، جۇڭگو-رەسەي قارجى قوسۋ سەلبەستىك كوميتەتىنىڭ جۇڭگو جاق ءتوراعاسى حان جىڭ 11-ايدىڭ 17-كۇنى رەسەيدىڭ ءبىرىنشى ورىنباسار زۇڭليى، جۇڭگو-رەسەي قارجى قوسۋ سەلبەستىك كوميتەتىنىڭ رەسەي جاق ءتوراعاسى بەلوۋسوۆپەن بىرگە بەينە ەكران ارقىلى جۇڭگو-رەسەي قارجى قوسۋ سەلبەستىك كوميتەتىنىڭ 7-رەتكى ءماجىلىسىن باسقاردى.