شى جياجۋاڭ قالاسىنىڭ ورىنباسار باستىعى مىڭ شياڭحۇڭ بىلاي دەدى: قوناقجايلاردى اۋاشالاۋ مايدانى رەتىندە پايدالانىپ، اۋاشالاۋ تۇيىندەرىندە «3 رايون، 2 وتكەل» جوباسىن اتقارىپ، ادام، زات، تەحنيكا جاقتارىندا جالپى بەتتىك قورعانۋدى كۇشەيتۋ شارالارىن اتقاردىق. سالاماتتىق تەكسەرۋ، حاۋپسىزدىكتى ساقتاۋ، ديزەنفەكسيالاۋ، مەديتسينالىق قوقىر قوقىسىقتاردى شوعىرلى ٴبىر جايلى ەتۋ سىياقتى قىزمەتتەردىڭ تالابى قاتاڭ تىياناقتاندىرىلىپ، مەملەكەتتىك دەنساۋلىق ساقتاۋ سالاماتتىق كوميتەتىنىڭ ماماندارى توراپ ارقىلى اۋاشالاۋ تۇيىندەرىندەگى قىزمەتكەرلەرگە جەتەكشىلىك ەتتى.

    شىجياجۋاڭ قالالىق اۋرۋدى تىزگىندەۋ ورتالىعى ميكروبيولوگيا ورنىنىڭ باستىعى گاۋ ۋيلي بىلاي دەدى: جاڭا ٴتيپتى ايدارشا ۆيرۋسى ۇزاق ۋاقىتتىق، كۇردەلىلىك، قايتالانبالىق ەرەكشەلىكتەرگە يە. شىجياجۋاڭ قالاسىندا الداعى مەزگىلدە جۇعىمدالۋ قاتەرى جوعارى، ورتاشا جانە تومەن رايوندار بىردەي ٴومىر ٴسۇرۋ جاعدايى ورىن الۋى مۇمكىن. اۋرۋ بەلگىسى جوق جۇعىمدالۋشىلار، شەتەلدەن كىرگەن جۇعىمدالۋشىلار، توڭازىتىلعان ازىق تۇلىكتەرمەن قاتىستى جۇعىمدالۋشىلار سىياقتى فاكتورلاردى بۇكىلدەي جوققا شىعارۋعا كەلمەيدى، حاۋپ-قاتەر ٴالى دە ٴومىر سۇرەدى.

    شيڭتاي قالاسىنىڭ نانگۇڭنان تىس 19 قالا، اۋدانىندا 1-ايدىڭ 12-كۇنىنەن باستاپ بارلىق ادامنىڭ نۋكلەيىن قىشقىلىن 2-رەت جالپى بەتتىك تەكسەرۋ جۇمىسى ورىستەتىلىپ، 1-ايدىڭ 13-كۇنى ساعات 12 گە دەيىن، ميلليون 795 مىڭ 79 ادامنىڭ نۋكلەيىن قىشقىلى تەكسەرىلىپ، تۇگەلدەي بولىمسىز ناتيجە كورسەتتى.

    حيلۇڭجياڭ ولكەسى 1-ايدىڭ 13-كۇنى كەشتە مىنانى حابارلاندىردى: 1-ايدىڭ 13-كۇنى ساعات 0 دەن 19 عا دەيىن، حيلۇڭجياڭ ولكەسىندە دياگنوزى تۇراقتى 40 ناۋقاس، اۋرۋ بەلگىسى جوق 50 جۇعىمدالۋشى تىڭنان بايقالدى. 1-ايدىڭ 10-كۇنى حيلۇڭجياڭ ولكەسىنىڭ ۋاڭ كۇي اۋدانىندا تۇڭعىش ناۋقاس بايقالعاننان 1-ايدىڭ 13-كۇنى ساعات 19 عا دەيىن، تۇتاس ولكەدە دياگنوزى تۇراقتانعان ناۋقاس 57 گە جەتتى. ونىڭ 50 ى ۋاڭ كۇي اۋدانىندا. اۋرۋ بەلگىسى جوق جۇعىمدالۋشى 91 گە جەتتى.

اۋدارعان: شالقار قازەز ۇلى