گۇڭ جىڭ بىلاي دەدى: 2021-جىلى شاڭحاي قالاسى ەل ىشىندەگى ٴىرى اينالىمدى وزەك ەتۋ، ەل ٴىشى مەن حالىقارالىق قوس اينالىمدى ستىراتەگيالىق توعىستىرۋعا كۇش سالىپ، ٴۇزىندىك ابزالدىقتاردان ٴۇتىمدى پايدالانىپ، ەلىمىز شارۋاشىلىعىنىڭ دۇنيەنىڭ شاراۋشىلىق جۇيەسىمەن جالپى بەتتىك توعىسۋىنا دەم بەرەدى. چاڭجياڭ اتىراۋى ابزالدىعىن ساۋلەلەندىرىپ، ولقىلىقتاردى تولىقتاپ، ىقپالداسىپ دامۋدى جەبەپ، جياديڭ، چيڭپۋ، سۇڭجياڭ، فىڭشيان، نانحۇي قاتارلى بەس قالانىڭ ٴوندىرس قۋاتى توعىسقان، فۋنكتسيالىق رولى تولىق، كاسىپ جاراتۋ جانە قونستانۋ جاعدايى تەڭدىكتى ساقتاعان، قونستانۋعا جايلى، قاتىناسى قولايلى دەبەرس ۆەنەرسال قالا ەتىپ قۇرىپ شىعۋعا كۇش سالامىز.

    شاڭحاي قالاسى دامۋدى وزەك ەتىپ سىتىرتقى ورتاداعى تۇراقسىز فاكتورلارعا توتەپ بەرىپ، شارۋاشىلىق قوعام دامۋىندا تىك بەلەستەردى باعىندىرىپ، قالانىڭ دامۋىنىڭ جالىندى بەينەسىن ايگىلەدى. جەر شارىندىق كورمە وتكىزۋ ىندەت جاعدايىنىڭ ىقپالىنا ۇشىراپ توقىرعاندا، ٴبىز جەلىدە جانە جەلىدەن تىسقارى اۋماقتا حالىقارالىق سيپاتتى كورمەنى وتكىزىپ، ساۋدا سومامىز وتكەن كەزەكتەگىدەن %2.1 ارتتى،وسى ارقىلى تۇتاس دۇنيە جۇزىنە جۇڭگونىڭ رەفورما جاساپ ەسىك اشۋ جولىنان اۋتىقىمايتىن بەكىمى مەن سەنىمىن تولىق ايگىلەدىك.

    ىندەت سالدارىنان دۇنيە ٴجۇزىنىڭ كاسىپ تىزبەگى، قامداۋ تىزبەگى، قۇن تىزبەگى السىرەگەن جاعدايدا، شاڭحاي حالىقارالىق كاپيتال مەن ەل اتتاعان سەرىكتىكتەردىڭ ىرگە تەبۋدى قالايتىن باستى كوزدەيدەيتىن جەرلەرىنىڭ بىرىنە اينالىپ كەلەدى. وتكەن جىلى ناقتى پايدالانعان شەتەل قارجىسى 20 ميلليارد امەريكا دوللارىنان اسىپ، تاريحتاعى جاڭا ورەنى جاراتتى. جاڭادان قۇرىلعان ەل اتتاعان سەرىكتىكتەردىڭ شاڭحايداعى باس شتابى 51 گە، شەتەل قارجىلى زەرتتەۋ وزەگى 20 عا جەتىپ، ٴار ٴبىر زەرتتەۋ وزەگى باۋراعان عىلىم تەحنيكا دارىندىلارى 220 ادامىنان استى. بۇل شاڭحاي قالاسىنىڭ عىلىم تەحنيكادا جاڭالىق جاراتۋ وزەگىن قۇرۋداعى ماڭىزدى تىرەكتى كۇشى سانالادى.

    شاڭحاي جونىنەن العاندا قالانى سىفرلاندىرۋعا بۇرىلىس جاساۋ جالپى جاعدايعا، ۇزاق بولاشاقتىق نساناعا ساياتىن كەلەلى ستىراتەگيا ٴارى تۇلعالىق بۇرىلىس جاساۋ سانالادى. تاياۋدا شاڭحاي قالالىق پارتكومىنىڭ جالپى ماجىلىسىندە «قالانى سيفرلاندىرۋعا بۇرىلىس جاساۋ» نساناسى العا قويىلىپ، حالىقارادا ىقپالعا يە حالىقارالىق سيفرلانعان قالا قۇرۋعا كۇش سالۋ دارىپتەلدى. ٴبىز سيفرلانعان ٴوندىرىس پەن كاسىپتى سيفرلاندىرۋدى باعدار ەتىپ، شارۋاشىلىقتى دامىتۋدىڭ جاڭا كۇيىن سومداپ، حالىقارالىق سيفرلى ەكونوميكا تورابىنىڭ ماڭىزدى تورابىنا اينالۋعا كۇش سالامىز.

اۋدارعان: سەرىك راقىم ۇلى