مەملەكەتتىك دەنساۋلىق ساقتاۋ، سالاماتتىق كوميتەتى اۋدان، اۋىل، قىستاق 3 دارەجەلى قولباسشىلىق جۇيەسىن قۇردى
ٴوز حابارىمىز. مەحانيزمى وسى ايدىڭ 13-كۇنى اقپارات جاريالاۋ جيىنىن اشىپ، تاياۋداعى جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتىنەن ساقتانۋ-تىزگىندەۋگە جانە ەمدەۋ-قۇتقارۋعا قاتىستى احۋالداردى تانىستىردى. سالماقتى ناۋقاستاردى ەمدەۋ-قۇتقارۋ قىزمەتى قازىر تۇلعالىق جاقتان ٴبىرشاما ورنىقتى جۇرگىزىلۋدە. مەملەكەتتىك دەنساۋلىق ساقتاۋ، سالاماتتىق كوميتەتى قاتىستى تاراۋلارمەن بىرلەسىپ اۋدان، اۋىل، قىستاق 3 دارەجەلى قولباسشىلىق جۇيەسىن قۇرىپ، ىندەتتەن ساقتانۋ-تىزگىندەۋدە قاراستى جەر جاۋاپكەرلىگىن قاتاڭداستىردى.
ىندەت ٴبىر ٴبولىم رايونداردا كوپتەپ تارالۋدا جانە بەلەڭ بەرۋدە. جۇڭگو اۋرۋدى تىزگىندەۋ وزەگىنىڭ ورىنباسار مەڭگەرۋشىسى فىڭ زىجيان بىلاي دەدى: قىس-كوكتەم ماۋسىمدارىندا ىندەتتىڭ قايتا ورشۋىنەن ساقتانۋدىڭ ٴتۇرلى شارالارى ورنالاستىرىلدى، وسى شارالار ويداعىداي تياناقتانسا ىندەتتىڭ بەلەڭ بەرمەۋىنە جانە كەڭ كولەمدە ورشىمەۋىنە كەپىلدىك ەتۋگە بولادى. شىجياجۋاڭداعى ىندەت جاعدايىن الدىڭعى بىرنەشە رەتكى شوعىرلى تارالۋ جايىتىمەن سالىستىرعاندا جۇعىمدالعان ادام سانى كوپ بولىپ ٴارى ٴبىرشاما تەز تارالۋدا. كەزەكتە ٴتۇرلى شارالار اتقارىلۋدا. بىلتىر ٴبىرجايلى ەتىلگەن كوپ رەتكى شوعىرلى تارالۋ جايىتىنە نەگىزدەلگەندە، 1 اۋرۋ ادامنىڭ تۇڭعىش رەت بايقالىپ مالىمدەلگەننەن باستاپ سوڭعى دياگنوزى تۇراقتاندىرىلعان ادامعا دەيىن جايشىلىقتا 2~3 اپتا ۋاقىت كەتەدى، ٴتۇرلى ساقتانۋ-تىزگىندەۋ شارالارىن تيتتەي دە بوساڭسىتپاي مىقتى ۇستاعاندا عانا، ىندەت تىزگىندەلەتىن بولادى.
اۋدارعان: امانتاي مۇسايىپ ۇلى
