ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

حۋاڭحى سازدىعىنداعى قۇس قورعاۋشىنىڭ جاڭا جىلدىق ارمانى

来源:جۇڭگو قازاق راديو تورابى     |责编:阿依娜古丽|     发布日期: 2021-02-19 10:20

 

ٴوز حابارىمىز. حىناننىڭ لوياڭ قالاسىنداعى مىڭجين حۋاڭحى سازدىعى جاراتىلىستىق قورىعىندا 20 مىڭنان استام جىل قۇسى تىرشىلىك ەتەدى، قۇس زەرتتەرمەنى ما چاۋحۇڭنىڭ جاڭا جىلدىق ارمانى ەلدەن وزگەشە.


    «كوكتەم مەرەكەسىندە نەگىزگى ساتىعا بارۋ» اتتى باعدارلامامىزدىڭ كەزەكتى بەرىلىمىندە « حۋاڭحى سازدىعىنداعى قۇس قورعاۋشىنىڭ جاڭا جىلدىق ارمانى» دەگەن مازمۇندى تىڭدايسىزدار.


    حۋاڭحى وزەنىنىڭ مىڭجين بولەگىنىڭ ورتا تۇسىنداعى سازدىق جاسىل القاپتا قۇستار كۇننىڭ شۇلەن شۇعىلاسىندا ازىق ىزدەپ، سايران سالىپ،سامعاپ ۇشىپ جۇر. حۋاڭحى وزەنىنىڭ جاعاسىندا ما چاۋحۇڭ تەلەسكوپپەن قۇستاردىڭ بەتالىسىن الىستان باقىلاۋدا.


    ما چاۋحۇڭ لوياڭ مىڭجين مەملەكەت دارەجەلى حۋاڭحى سازدىق جاراتىلىستىق قورىعىنداعى قۇستاردى زەرتتەۋشى مامان ٴارى حۋاڭحى سازدىعىن قورعاۋشىلاردىڭ ۇرپاعى. اكەسى ما شۋجاۋ وسى سالادا 22 جىل ەرشىمدى ەڭبەك ەتكەن.


    جالپى اۋدانى 15 مىڭ گەكتار كەلەتىن مىڭجين حۋاڭحى سازدىعىندا، قۇس قورعاۋشىلار كۇنى بويى 10 نەشە جىڭ اۋىرلىقتاعى باقىلاۋ جابدىقتارىن ارقالاپ، جەردى ادىمداپ ولشەپ، ٴبىر كۇندە 20 - 30 مىڭ ادىم جول جۇرەدى. ما چاۋحۇڭ: 20 جىلدىڭ الدىنداعىمەن سالىستىرعاندا، قازىر كوپ جەڭىلدەپ قالدىق.-دەدى.


    تۇستەن بۇرىن ساعات 10 نان 17 مينۋت وتكەندە، 5 اق قۇتان، 21 قىزىل كەندىر ۇيرەگى، 300 دەن استام قاز ەستەلىككە الىندى ... قورىقتىڭ ىشىندەگى باقىلاۋ ـ تەكسەرۋ تۇيىنىندە ما چاۋحۇڭ جىلجىمالى تەرمينال اسپابىندا وسى ەڭ جاڭا ساندى مالىمەتتەردى ەستەلىككە الدى. كەزەكتە مىڭ جين حۋاڭحى سازدىق قورىق رايونىندا قۇستاردىڭ 262 ٴتۇرى ەستەلىككە الىندى. بۇكىل جەر شارىندا سانى 3000 عا جەتپەيتىن قارا تىرنانىڭ ەڭ كوپ بولعاندا ٴبىر جولدا 84 ى كوزگە شالىندى.


    ما چاۋحۇڭ جانە ونىڭ ساپتاستارىنىڭ قۇلشىنۋىندا، سازدىقتا قۇس اۋلاۋ ارەكەتى وتە از كەزدەسەدى، جاقىن ماڭداعى قىستاق تۇرعىندارى مەن ساياحاتشىلاردىڭ قۇستاردى قورعاۋ تانىمى نەداۋىر جوعارى. جاڭا جىلداعى ما چاۋحۇڭنىڭ ارمانى سازدىقتى ٴتىپتى دە كوپ ادامنىڭ تۇسىنۋىنە، قۇستاردى سانالى قورعاۋىنا مۇمكىندىك جاساۋ ەدى.


اۋدارعان: شالقار قازەز ۇلى

中央广播电视总台 央广网 版权所有

حۋاڭحى سازدىعىنداعى قۇس قورعاۋشىنىڭ جاڭا جىلدىق ارمانى

حىناننىڭ لوياڭ قالاسىنداعى مىڭجين حۋاڭحى سازدىعى جاراتىلىستىق قورىعىندا 20 مىڭنان استام جىل قۇسى تىرشىلىك ەتەدى، قۇس زەرتتەرمەنى ما چاۋحۇڭنىڭ جاڭا جىلدىق ارمانى ەلدەن وزگەشە.