ٴوز حابارىمىز: ٴبىر نيەت، ٴبىر تىلەكپەن ارماندى جۇزەگە اسىرىپ، كوركيەۋ ۇلى ىسىنە ورتاق ات سالىسىپ، ەكپىن قۋا العا باساتىن جاڭا جورىق باستالدى. جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 4 - ءماجىلىسى 3 - ايدىڭ 4 - كۇنى تۇستەن كەيىن حالىق سارايىندا اشىلدى. مەملەكەتتىك ساياسي كەڭەستىڭ 2100 دەن استام مۇشەسى ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن تىعىز توڭىرەكتەپ ، نازاردى« 14 ـ بەسجىلدىق» جوسپار پروگرامماسىن جاساۋعا جانە اتقارۋعا شوعىرلاندىرىپ، قىزمەت جاۋاپكەرشىلىكتى تىڭعىلىقتى اتقارىپ، بەلسەنە اقىل ـ كەڭەس بەرىپ، ورتاق تانىمدى كەڭىنەن ۇيىستىرىپ، جالپى بەتتىك سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋگە اقىل ـ پاراسات جانە كۇش ـ قۋات توپتايدى.

    مەملەكەتتىك ساياسي كەڭەستىڭ ٴتوراعاسى ۋاڭ ياڭ، مەملەكەتتىك ساياسي كەڭەس ٴتوراعاسىنىڭ ورىنباسارلارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ٴتوراعالار مىنبەسىنىڭ الدىڭعى قاتارىنان ورىن الدى.

    پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ٴتوراعالار مىنبەسىنەن ورىن الىپ، ٴماجىلىستىڭ اشىلعاندىعىن قۇتتىقتادى.

    ساياسي كەڭەس 13 ـ كەزەكتى مەملەكەتتىك كوميتەتىنىڭ 4 ـ ماجىلىسىنە قاتىناسۋعا ٴتيىستى مۇشە 2159 ادام ، ناقتى قاتىناسقان ادام 2106 ادام، بۇل بەلگىلەمەدەگى ادام سانىنا ۇيلەسەدى.

    جاڭ چيڭلي تۇستەن كەيىن ساعات 3 تە قۇرىلتايدىڭ اشىلعاندىعىن جاريالادى، بارلىق ادام ورىندارىنان تۇرىپ، مەملەكەت گيمىنىن شىرقادى.

    ماجىلىستە الدىمەن ساياسي كەڭەس 13 - كەزەكتى مەملەكەتتىك كوميتەتى 4 - ٴماجىلىسىنىڭ كەڭەس ٴتارتىبى قاراپ ماقۇلداندى. ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسادى.

    ۋاڭ ياڭ بىلاي دەپ انىق ايتتى: 2020 ـ جىل-جاڭا جۇڭگو تاريحىنداعى ەرەكشە ٴبىر جىل. ج ك پ ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى مەن ونىڭ تۇراقتى كوميتەتى شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، ىندەتتەن ساقتانۋ- تىزگىندەۋدى جانە ەكونوميكالىق، قوعامدىق دامۋدى ٴبىر تۇتاس جوسپارلاۋدى تىعىز توڭىرەكتەپ، مىندەتتى مۇقيات اتقارىپ ، جاۋاپكەرشىلىكتى ادا ەتىپ، قوعامدا قاداعالانىپ وتىرعان كەلەلى ىستەرگە قاداعالاي نازار اۋدارىپ، يدەيالىق ـ ساياسي جەتەكشىلىكتى كۇشەيتىپ، ارناۋلى كەڭەس قۇرىلىمى ٴتۇزىمى قۇرىلىسىن مىقتى يگەرىپ، قىزمەت ونىمدىلىگىن ارتتىرىپ،« 13 ـ بەسجىلدىق» نىسانانى جۇزەگە اسىرۋعا بەلسەندى ۇلەس قوسىپ، ارناۋلى كەڭەس مەحانيزىمى قۇرىلىسىندا تىڭ بەينە جاراتىپ، وزەكتى مىندەتكە قىزمەت وتەۋدە تىڭ ناتيجەلەرگە قول جەتكىزدى، قالىڭ ساياسي كەڭەس مۇشەلەرى وسىناۋ ەرەكشە جىلدا مۇشەلەرگە جۇكتەلگەن ەرەكشە مىندەتتى ايتارلىقتاي ورىندادى.

    ۋاڭ ياڭ مەملەكەتتىك ساياسي كەڭەستىڭ وتكەن ءبىر جىلداعى قىزمەتتەرىن 5 جاقتان قورىتىندىلادى. ٴبىرىنشى، نازاريا ۇيرەنۋ تەرەڭدەتىلىپ، مۇشەلەردىڭ كىتاپ وقۋ قيمىلى ىشكەرىلەي ورىستەتىلىپ، «ٴتورت تانىمدى» كۇشەيتۋ، «ٴتورت سەنىمدى » بەكەمدەۋ، « ەكىنى قورعاۋ» يدەيالىق نەگىزى اناعۇرلىم بەكەمدەلدى. ەكىنشى، ساياسي جولمەن كەڭەسۋ فۋنكتسياسى ىشكەرىلەي اتقارىلىپ، ٴتۇرلى كەڭەسۋ فورمالارىنان ۇتىمدى پايدالانىلىپ، توراپتا ۇكىمەت ٴىسىن كەڭەسۋ ابزالدىلىعى ساۋلەلەندىرىلىپ، ىندەتتەن ساقتانۋ- تىزگىندەۋدى ۇدايىلانعان جاعدايدا مىندەت اتقارۋ قيمىلىنىڭ بوساڭسىماۋىنا، بىلىقپاۋىنا، ۇزىلمەۋىنە كەپىلدىك ەتۋىلدى. ٴۇشىنشى، مۇشەلەر لەكسياحاناسى، كەلەلى ارناۋلى قىزمەت مۇشەلەرىنىڭ ۇگىت ـ لەكسيا ۇيىرمەسى، سىرلاسۋ-اڭگىمەلەسۋ سياقتى دانەكەر تەكشەلەر ۇزدىكسىز كەمەلدەندىرىلىپ، پارتيا ىشىنەن پارتيا سىرتىنا، مۇشەلەردەن ٴار سالاداعى بۇقاراعا دەيىن ورتاق تانىم قالىپتاستىرۋ قىزمەت جاعدايى اقاۋسىز كەمەلدەندىرىلىپ، ىنتىماق پەن سەلبەستىككە وڭ ەنەرگيا توپتالدى. ٴتورتىنشى، ساياسي كەڭەستىڭ قىزمەت ٴتۇزىمى جۇيەسى كەمەلدەندىرىلىپ، ورتالىقتىڭ ساياسي كەڭەس قىزمەتى ٴماجىلىسىنىڭ رۋحىن دايەكتەندىرۋ ىشكەرىلەي، ناقتى جۇرگىزىلدى. بەسىنشى، وزىندىك قۇرىلىس كۇشەيتىلىپ، ارناۋلى كوميتەتتەردىڭ سالالارمەن، مۇشەلەرمەن بايلانىس جاساۋ رولى ساۋلەلەندىرىلىپ، ساياسي كەڭەس قىزمەتىنىڭ ساپاسى مەن ورەسى جوعارىلاتىلدى.

    ۋاڭ ياڭ بىلاي دەپ باسا دارىپتەدى : 2021 ـ جىل-جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جالپى بەتتىك سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالعان ٴبىرىنشى جىل. حالىق ساياسي كەڭەسى شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ج ك پ 19 ـ قۇرىلتايىنىڭ جانە ج ك پ 19 ـ كەزەكتى ورتالىق كوميتەتىنىڭ ەكىنشى، ٴۇشىنشى، ٴتورتىنشى، بەسىنشى جالپى ماجىلىستەرىنىڭ رۋحىن جالپى بەتتىك دايەكتەندىرىپ، جاڭا دامۋ كەزەڭىن تياناق ەتىپ، جاڭا دامۋ تانىمىن دايەكتەندىرىپ، جاڭا دامۋ جاعدايىن قالىپتاستىرۋ؛ ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، ج ك پ ورتالىق كوميتەتىنىڭ كەلەلى باعىت ـ ساياساتتارىن جانە شەشىم ـ ورنالاستىرۋلارىن دايەكتى تياناقتاندىرۋدى تىعىز توڭىرەكتەپ، ۇكىمەت ىسىنە اقىل ـ كەڭەس بەرۋ جانە ورتاق تانىم ۇيىستىرۋ قىزمەتىن ويداعىداي ىستەپ، جوعارى دەڭگەيدە مىندەت اتقارىپ، جوعارى ساپالى دامۋعا قىزمەت ەتىپ، «14 ـ بەسجىلدىقتا » جاقسى باستاما كوتەرىپ، كوپتىڭ اقىل ـ پاراسات توپتاپ ، كوپتىڭ كۇش قۋاتىن شوعىرلاندىرۋ كەرەك.

    ۋاڭ بىلاي دەپ باسا دارىپتەدى: ارناۋلى ٴماسىليحات قۇرىلىمىنىڭ ۋنيۆەرسال ساياسي كەڭەستىك سيپاتى مەن ورنى مەملەكەتتى باسقارۋ جۇيەسىنىڭ ورگانيكالى قۇرامداس بولەگى. جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ، سوتسياليستىك دەموكراتيانى دامىتۋداعى، «جۇڭگو باسقارۋى» سىندى سارا جولدى اشۋىنداعى ماڭىزدى تۇزىمدىك جوباسى جانە دارالىققا يە باسقارۋ تۇعىرى. باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتەندىرىپ، ورتالىقتىڭ ساياسي كەڭەس قىزمەتى ٴماجىلىسىنىڭ رۋحىن جالپى بەتتىك تياناقتاندىرىپ، ارناۋلى ٴماسىليحات قۇرىلىمى قۇرىلىسىن كۇشەيتۋ، حالىق ساياسي كەڭەسى ٴتۇزىمىنىڭ ابزالدىلىعىن مەملەكەتتى باسقارۋ ونىمدىلىگىنە اناعۇرلىم ويداعىداي اينالدىرۋ كەرەك. ارناۋلى ٴماسىليحات قۇرىلىمىنىڭ تۇزىمدىك ابزالدىلىعىن تەرەڭ يگەرىپ، ىستەردى كەڭەسىپ شەشەتىن ، كوپتىڭ ٴىسىن كوپشىلىك اقىلداساتىن تۇزىمدەندىرۋ امالياتىن ۇزدىكسىز بايىتۋ كەرەك. ارناۋلى ٴماسىليحات قۇرىلىمىنىڭ قىزمەت ٴتۇزىمىن ۇزدىكسىز كەمەلدەندىرىپ، امالياتتى نىشان ەتۋگە تاباندى بولۋ، كەڭەس مادەنيەتىن جەتىلدىرۋ، ساياسي كەڭەستىڭ باسقا دا كەڭەس فورمالارىمەن بايلانىس ورناتۋىن، سايكەسۋىن جەبەۋ كەرەك. ارناۋلى ٴماسىليحات قۇرىلىمىنىڭ مىندەت اتقارۋ قابىلەتىن كۇش سالا جوعارىلاتۋ؛ مۇشەلەردىڭ كەڭەسۋ ەرەجەسىنەن اناعۇرلىم ويداعىداي پايدالانۋىن، تۇسىنىستىك ورناتۋ ٴادىسىن يگەرۋىن جەبەۋ؛ جاۋاپكەرشىلىكتى كوكەيگە ساقتاۋ، جاۋاپكەرشىلىكتى ارەكەتتە اتقارۋ، جاۋاپكەرشىلىكتى قىزمەتتەردە ادا ەتۋ؛ وتان ٴۇمىتىن اقتاۋ مۇراتىن، حالىق ٴۇشىن قىزمەت ىستەۋ ماقساتىن مىندەت وتەۋمەن اناعۇرلىم ويداعىداي ۇشتاستىرىپ، جاڭا جورىقتا ساياسي كەڭەس مۇشەلەرىنىڭ جاڭا جاۋاپكەرشىلىگىن ايگىلەۋ كەرەك.

    مەملەكەتتىك ساياسي كەڭەسٴتوراعاسىنىڭ ورىنباسارى گۋ شىڭزۋ ساياسي كەڭەس 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە ساياسي كەڭەس 13 - كەزەكتى مەملەكەتتىك كوميتەتىنىڭ 3 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. ساياسي كەڭەس مۇشەلەرى، ساياسي كەڭەسكە قاتىناسقان ورىندار 5974 ۇسىنىس جوبا قويدى ، 5044 ۇسىنىس جوبا ارحيۆكە الىندى. ۇسىنىس جوبالاردا ٴداۋىردىڭ كۇرە تامىرى مىقتى ۇستالىپ، وزەكتى قىزمەتكە نازار شوعىرلاندىرىلىپ ، حالىق ٴۇشىن قىزمەت ىستەۋ ماقساتى قامتىلىپ، مۇشەلەردىڭ جۇرەك قانى مەن اقىل ـ پاراساتى ٴسىڭىرىلدى، قالىڭ بۇقارانىڭ ارمانى مەن تىلەگى جۇكتەلدى. ۇسىنىستاردى ٴبىر جاقتى ەتۋگە جاۋاپتى ٴار قايسى ورىندار ىندەتتىڭ ىقپالىن جەڭىپ، جاۋاپكەرشىلىكتى ساتىلار بويىنشا ناقتىلاندىرىپ ، ٴبىر جاقتى ەتۋ، جاۋاپ قايتارۋ مولشەرىن %99.64 كە جەتكىزدى. ساياسي كەڭەستىڭ ۇسىنىس جوبا قىزمەتىندە پارتيا مەن مەملەكەت ىستەرىنىڭ دامۋىنا قىزمەت وتەۋگە بەلسەندى ۇلەس قوسىلدى.

    ج ك پ ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى ۇسىنىس بويىنشا اشىلۋ ماجىلىسىنە سىرتتاي قاتىناستى. شەتەلدىڭ جۇڭگودا تۇراتىن ەلشىلەرى قاتارلىلار ۇسىنىس بويىنشا اشىلۋ ماجىلىسىنە قاتىناستى.

اۋدارعان: قاناتبەك جۇماباي ۇلى