ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

13-كەزەكتى مەملەكەتتىك حالىق قۇرىلتايىنىڭ 4 - ءماجىلىسى اقپارات جاريالاۋ ءماجىلىسىن وتكىزدى

来源:جۇڭگو قازاق راديو تورابى     |责编:阿依娜古丽|     发布日期: 2021-03-05 10:44



    ٴوز حابارىمىز. 13 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ اقپارات جاريالاۋ ٴماجىلىسى 3-ايدىڭ 4-كۇنى كەشتە بەيجيڭدە وتكىزىلدى، ٴماجىلىستىڭ مالىمدەمەشىسى جاڭ يەسۇي جۇڭگولىق، شەتەلدىك اقپارات قۇرالدارىنا ٴماجىلىستىڭ قاتىستى جاعدايلارىن تانىستىردى ٴارى تىلشىلەردىڭ سۇراۋىنا جاۋاپ بەردى.


    13 ـ كەزەكتى مەملەكەتتىك حالىق قۇرىلتايى 4-ٴماجىلىسىنىڭ مالىمدەمەشىسى جاڭ يەسۇي بىلاي دەدى: 13-كەزەكتى مەملەكەتتىك حالىق قۇرىلتايىنىڭ 3-ماجىلىسىنەن بەرى، مەملەكەتتىك حالىق قۇرىلتايى مەن ونىڭ تۇراقتى كوميتەتى 23 زاڭ شىعارىپ جانە زاڭدارعا وزگەرىس ەنگىزىپ، زاڭ ماسەلەسى مەن كەلەلى ماسەلەلەرگە قاتىستى 9 قاۋلى شىعاردى، بۇل الەۋمەتتىك دەنساۋلىق ساقتاۋ سالاسىنداعى زاڭداردى كەمەلدەندىرۋ، ٴتۇيىندى سالالارداعى مەملەكەت حاۋىپسىزدىگى جونىندە زاڭ شىعارۋدى جاپپاي ىلگەرىلەتۋ، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگى زاڭىن شىعارۋ سياقتىلاردى قامتيدى، ٴتۇرلى قىزمەتتەردە تىڭ ىلگەرىلەۋشىلىكتەرگە، تىڭ تابىستارعا قول جەتكىزدى.


    بۇل رەتكى ٴماجىلىستىڭ ٴبىر كۇن ٴتارتىبى «مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ٴتۇزىمىن كەمەلدەندىرۋ جونىندەگى قاۋلى جوباسىن» قاراۋ بولدى. جاڭ يەسۇي بىلاي دەدى: سوڭعى جىلداردان بەرگى جاعداي شياڭگاڭ ەرەكشە اكىمشىلىك رايونىنىڭ سايلاۋ ٴتۇزىمىنىڭ داۋىرمەن بىرگە العا باسىپ كەمەلدەنۋىن قاجەت ەتەتىندىگىن ايگىلەدى.


    تاياۋدا پارتيا ورتالىق كوميتەتى ەلىمىزدىڭ كەدەيلىكتەن قۇتىلدىرۋدان قامال الۋ شايقاسىندا جاپپاي جەڭىسكە جەتكەندىگىن سالتاناتپەن جاريالادى. قايتا كەدەيلەسۋدەن قالاي ساقتانۋعا بولادى؟ جاڭ يەسۇي بىلاي دەدى: كەلەسى قادامداعى ماڭىزدى ٴتۇيىن _ كەدەيلىكتەن قۇتىلدىرۋدان قامال الۋدىڭ جەتىستىكتەرىن بەكەمدەۋ، كەڭەيتۋ مەن اۋىل-قىستاقتى گۇلدەندىرۋدى ٴونىمدى ۇشتاستىرۋ قىزمەتتەرىن شىن مانىندە ويداعىداي ىستەۋ، جۇيەدەن، نەگىزگى سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاۋ، قايتا كەدەيلەسۋ، وڭاي كەدەيلەسۋ مۇمكىندىگى بار ادامداردى باقىلاۋدى كۇشەيتۋ، كەدەيلىكتەن قۇتىلعان وڭىرلەردىڭ كاسىپ سالاسىن ۇزاق ۋاقىت جەتىلدىرۋ جانە قولداۋ، كەدەيلەردى قونىس اۋدارىپ سۇيەمەلدەيتىن بۇقاراعا كەيىنگى كومەكتەسۋ ـ سۇيەمەلدەۋدى جاقسى ىستەۋ سياقتىلاردى قامتيدى، كولەم قالىپتاستىرماي قايتا كەدەيلەسۋدىڭ تومەنگى شەگىن باتىل ساقتاۋ كەرەك.


    تاياۋ جىلداردان بەرى جۇڭگونىڭ مەملەكەت قورعانىس شىعىسى ٴۇرتىس ارتىپ، اسكەري قۋاتى ۇزدىكسىز كۇشەيدى. جاڭ يەسۇي بىلاي دەدى: جۇڭگونىڭ مەملەكەت قورعانىسى شىعىسى جالپى تۇلعالىق جاقتان مەملەكەتتىڭ ەكونوميكالىق دامۋ ورەسىمەن سايكەسەدى، جۇڭگونىڭ مەملەكەت قورعانىسى قۇرىلىسىن كۇشەيتۋى ەشقانداي مەملەكەتكە باعىتتالمايدى، حاۋىپ توندىرمەيدى.


اۋدارعان: شالقار قازەز ۇلى

中央广播电视总台 央广网 版权所有

13-كەزەكتى مەملەكەتتىك حالىق قۇرىلتايىنىڭ 4 - ءماجىلىسى اقپارات جاريالاۋ ءماجىلىسىن وتكىزدى

13 ـ كەزەكتى مەملەكەتتىك حالىق قۇرىلتايى 4 ـ ٴماجىلىسىنىڭ اقپارات جاريالاۋ ٴماجىلىسى 3-ايدىڭ 4-كۇنى كەشتە بەيجيڭدە وتكىزىلدى، ٴماجىلىستىڭ مالىمدەمەشىسى جاڭ يەسۇي جۇڭگولىق، شەتەلدىك اقپارات قۇرالدارىنا ٴماجىلىستىڭ قاتىستى جاعدايلارىن تانىستىردى ٴارى تىلشىلەردىڭ سۇراۋىنا جاۋاپ بەردى.