عاسىرلىق كۇرەس-جاڭا جورىق: وركەنيەتتى قالا قۇرۋدىڭ تىڭ داستانى-شاڭحاي قالاسى توڭكەرىس قان تامىرىن ىركىلىسسىز ۇلاستىرىپ، رۋحاني مەكەندى ويداعىداي قورعادى
ٴوز حابارىمىز. سوڭعى جىلدارى شاڭحاي قالاسىنىڭ حۋاڭپۋ رايونى توڭكەرىستىك تاريحي استار ابزالدىلىعىن بەلسەنە ساۋلەلەندىرىپ، توڭكەرىستىك گەندى قالا رايونى قىزمەتتەرىنىڭ جان تامىرىمەن توعىستىرىپ، پارتيا قۇرۋ اۋەلگى ماقساتىنان كوزجازباي، پارتيا قۇرۋ رۋحىن ساۋلەلەندىرىپ، حالىق رازى بولاتىن وركەنيەتتى قالا رايونىن قۇرۋعا بارىنشا كۇش سالدى.
شاڭحاي قالاسىنداعى ۇزدىك ورتا مەكتەپ وقۋشىلارىنىڭ نازاريا ۇيرەنۋ ۇيىمى سانالاتىن ٴبىلىم ارداقتاۋ قوعامى قۇرىلعان 24 جىلدان بەرى، وقۋشىلاردىڭ ساياسي يدەياسى مەن نازاريالىق ورەسىن جوعارىلاتۋ جاعىندا بەلسەندى رول اتقاردى.
جۇڭگو كوممۋنيستىك پارتياسىنىڭ 1 ـ قۇرىلتايى اشىلعان جەر رەتىندە، شاڭحاي حۋاڭپۋ رايونى توڭكەرىستىك رۋحاني بايلىقتان تولىق پايدالانىپ، ازامات جاسىنا تولماعانداردىڭ جان الەمىن توڭكەرىستىك رۋحتىڭ قاينار بۇلاعى ارقىلى سۋاردى.
تاريحي سەبەپتەرگە بايلانىستى، شاڭحاي حۋاڭپۋ رايونىنداعى ٴتۇرلى كونە ۇيلەر وتە تىعىز ورنالاسقان جاعداي ۇزاق ۋاقىت وزگەرمەدىٴارى ۇيلەردىڭ ساپاسى ناشارلاۋ بولدى. شاڭحاي حۋاڭپۋ رايونى « 1 + 1 + X » پارتيا قۇرىلىسى قيمىلىنىڭ بىرلەسىپ قۇرۋ قىزمەت ۇلگىسىن جاڭالىق جاراتا العا قويىپ، كونە قۇرىلىستاردى وزگەرتۋ ۇلگى قىزمەتىن بۇقارانىڭ جۇرەگىنە ۇيالاتتى. ناتيجەدە، سوڭعى جىلداردان بەرى، شاڭحاي حۋاڭپۋ رايونىندا كونە رايونداردى وزگەرتۋ قادامى ۇزدىكسىز تەزدەپ، تۇرعى ٴۇي جاڭالاعان وت باسىلارى بىلتىر 21 مىڭ وتباسىعا جەتتى.
اۋدارعان: قاناتبەك جۇماباي ۇلى
