تەڭىز ارمياسى اۆياتسيا ۋنيۆەرسيتەتىنىڭ ۇشقىشى بەلگىلى تۇرپاتتى سوعىس ۇشاعىنىڭ قوس ماتورى اۋەدە تۇتقيىل ٴسونىپ قالۋ سىندى اۋىر قاتەرلى جاعدايدى ٴساتتى ٴبىر جاقتى ەتتى
ٴوز حابارىمىز. بىرنەشە كۇننىڭ الدىندا، تەڭىز ارمياسى اۆياتسيا ۋنيۆەرسيتەتىنىڭ بەلگىلى پولكى تۇندە ۇشۋ جاتتىعۋىن ورىستەتۋ بارىسىندا، ۇشۋ تاربيەشىسى ي شياۋۋي مەن ۇشقىش شۇي لەي ايداعان سوعىس ۇشاعىنىڭ قوس ماتورى اۋەدە تۇتقىيىل ٴسونىپ، وتە قاتەرلى جاعدايدا قالادى، قىسىلتاياڭ ساتتە، ەكەۋى شىرعالاڭدى بايىپتىلىقپەن ٴبىر جاقتى ەتىپ، ۇشاقتى دالمە ـ ٴدال مەڭگەرىپ، ۇشۋ بيىكتىگى 500 مەترگە جەتپەي تۇرىپ، موتوردى ٴساتتى تۇردە قايتادان ىسكە قوستى ٴارى ۇشاقتى حاۋىپسىز جەرگە قوندىرىپ، حالىق بۇقاراسىنىڭ ٴومىرى مەن مەملەكەتتىڭ مال ـ مۇلىك حاۋىپسىزدىگىن ەڭ جوعارى شەكتە قورعاپ قالدى.
بۇل سوعىس ۇشاعى قوس موتورلى ۇشاق بولىپ، ەكى موتوردىڭ ٴبىر ۋاقىتتا توقتاپ قالۋ جاعدايى وتە سيرەك كەزدەسەدى ياعني ۇشاقتىڭ قوزعاۋشى كۇشىنەن بۇكىلدەي ايىرىلعاندىعىن بىلدىرەدى. ي شياۋۋي: قوزعاۋشى كۇشتەن ايىرىلعان ايروپلان بەينە ٴبىر الىپ شويىن سەكىلدى، ىرا تومەن قۇلديلاپ، 2 مىڭ مەتر بيىكتىكتەن لەزدە 200 مەتر بىيىكتىككە تومەندەدى. -دەدى. وسىنداي شۇعىل ساتتە، ي شياۋۋي مەن شۇي لەي پاراشوتپەن سەكىرىپ جان ساۋعالاۋدى ويلاعان جوق، قايتا جەر بەتىندەگى بۇقارانىڭ حاۋىپسىزدىگىنە جانە قارۋ - جاراق حاۋپسىزدىگىنە جاۋاپتى بولۋ رۋحى بويىنشا، شۇعىل جاعداي موتورىن قايتا قايتا وتالدىرىپ، اقىرى ٴساتتى ىسكە قوسادى.
ٴدال وسى كەزدە سوعىس ۇشاعى جەر بەتىنەن نەبارى 483 مەتر قاشىقتىقتا ەدى، بۇل بيىكتىك مەيلى پاراشوتپەن سەكىرىپ جان ساۋعالاۋ بولسىن، الدە سوعىس ۇشاعىن قايتادان بىيىككە كوتەرۋ ٴۇشىن بولسىن، وتە قاتەرلى ەدى. بۇل ۇشاقتىڭ وسى بيىكتىكتە شۇعىل وتالۋىنىڭ ٴوزى ارميا تاريحىندا تۇڭعىش رەت بولىپ وتىر.
اۋدارعان: شالقار قازەز ۇلى
