ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

باس شۋجي شي جينپيڭنىڭ وڭتۇستىكتىڭ سۋىن سولتۇستىككە جەتكىزۋدىڭ سوڭعى ينجەنەرياسىنىڭ جوعارى ساپالى دامۋىن ىلگەرىلەتۋ جونىندەگى اڭگىمە ماجىلىستە سويلەگەن ماڭىزدى ٴسوزى كۇشتى اڭىس قوزعادى

来源:جۇڭگو قازاق راديو تورابى     |责编:阿依娜古丽|     发布日期: 2021-05-16 16:56

 

ٴوز حابارىمىز. باس شۋجي شي جينپيڭ جۋىقتا وڭتۇستىكتىڭ سۋىن سولتۇستىككە جەتكىزۋدىڭ سوڭعى ينجەنەرياسىنىڭ جوعارى ساپالى دامۋىن ىلگەرىلەتۋ جونىندەگى اڭگىمە ماجىلىستە مىنالاردى باسا دارىپتەدى: وڭتۇستىكتىڭ سۋىن سولتۇستىككە جەتكىزۋ ينجەنەرياسى ستراتەگيالىق جالپى جاعدايعا، ۇزاق بولاشاقتىق دامۋعا، حالىقتىڭ باقىتىنا سايادى. وڭتۇستىكتىڭ سۋىن سولتۇستىككە جەتكىزۋ ينجەنەرياسى ٴدوپ كەلگەن جاڭا جاعدايعا، جاڭا مىندەتكە ىشكەرىلەي تالداۋ جاساپ، ينجەنەريا جوباسى قۇرىلىسىن عىلمي ىلگەرىلەتىپ، سۋ بايلىعىن شوعىرلى، ۇنەمدى پايدالانۋ دەڭگەيىن جوعارىلاتۋ كەرەك.


    قالىڭ كادرلار مەن بۇقارا باس شۋجيدىڭ تاپسىرماسىن ەستە بەرىك ساقتاپ، وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ حاۋىپسىزدىگىن باسقارۋ، ورنالاستىرۋدى باسقارۋ سياقتى قىزمەتتەردى ويداعىداي ىستەپ، «تۇنىق سۋدى سولتۇستىككە جەتكىزۋگە» ۇلەس قوساتىندىقتارىن ٴبىلدىردى.


    وسى رەتكى اڭگىمە ماجىلىستەن بۇرىن، باس شۋجي شي جينپيڭ تاۋچا توعانى وزەكتى ينجەنەرياسى مەن دانجياڭكوۋ سۋ قويماسىنا ىلگەرىندى-كەيىندى بارىپ قىزمەت تەكسەردى. ول مىنالاردى باسا دارىپتەدى: وڭتۇستىكتىڭ سۋىن سولتۇستىككە جەتكىزۋ ينجەنەرياسى-كەلەلى ستراتەگيالىق نەگىزدىك قۇرىلعى، ەڭبەگى قازىرگىگە، پايداسى بولاشاققا ٴتان. جان تامىردى قورعاۋ ساياسي تۇرعىسىنان وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ حاۋىپسىزدىگىن، سۋمەن قامداۋ حاۋىپسىزدىگىن، سۋ ساپاسىنىڭ حاۋىپسىزدىگىن شىنايى قورعاۋ كەرەك.


    حىنان ولكەسى وڭتۇستىكتىڭ سۋىن سولتۇستىككە جەتكىزۋ ورتا جەلىسى توعاننىڭ ەكولوگيالىق ورتاسىن باقىلاۋ-تەكسەرۋ ورتالىعىنىڭ ورىنباسار مەڭگەرۋشىسى حۋاڭ جين بىلاي دەدى: باس شۋجيدىڭ ٴسوزى بىزگە زور شابىت بەردى، ٴبىز، ٴسوز جوق، وڭتۇستىكتىڭ سۋىن سولتۇستىككە جەتكىزۋ ورتا جەلىسىنىڭ سۋ ساپاسىن باقىلاۋ-تەكسەرۋ، ساقتاندىرۋ، ساقتانۋ-تىزگىندەۋ قىزمەتىن ويداعىداي ىستەپ، تۇنىق سۋدىڭ سولتۇستىككە ىركىلىسسىز جەتكىزىلۋىن قامتاماسىزداندىرامىز.

 
    شيچۋان اۋداندىق پارتكومنىڭ شۋجيى لۋ حانۋي بىلاي دەدى: جاسىل دامۋ تانىمىن جەتەكشى ەتىپ، ەكولوگيالىق قۇرىلىس پەن كاسىپ سالاسىنىڭ دامۋىن ۇزدىكسىز ىلگەرىلەتۋ كەرەك. شيچۋانداعى ٴار ٴبىر كادر، ٴاربىر بۇقارا ٴوندىرىس، تۇرمىس ٴتاسىلىن، كاسىپ ەكولوگياسىن، ەكولوگيانى كاسىپ سالالاندىرۋ جاقتارىنان ەكونوميكانى دامىتۋمەن بىرگە، ەكولوگيالىق ورتانى دا ويداعىداي قورعايدى.


    باس شۋجي شي جينپيڭ بىلاي دەپ اتاپ كورسەتتى: سۋ ۇنەمدەۋدى الدىمەن ويلاستىرۋعا تاباندى بولىپ، سۋ ۇنەمدەۋدى سۋ قابىلدايتىن ٴوڭىردىڭ ٴتۇبىرلى شىعار جولى ەتىپ، سۋ ۇنەمدەۋ قىزمەتىن ۇزاق ۋاقىت ىشكەرىلەي جاقسى ىستەپ، سۋ بايلىعىنىڭ كوتەرىمدىلىك قۋاتىنا ساي، قالانىڭ كەڭىستىك ورنالاسۋىن، كاسىپ قۇرىلىمىن، حالىق سانى كولەمىن ساپالاندىرۋ كەرەك.


    حىنان ولكەسىنىڭ پيڭديڭشان قالاسى-وڭتۇستىكتىڭ سۋىن سولتۇستىككە جەتكىزۋ ورتا جەلىسى ينجەنەرياسى نانياڭنان وتكەننەن كەيىنگى جەتكىزىلەتىن سۋدان يگىلىكتەنەتىن قالا، دانجياڭ سۋى پيڭديڭشان قالاسىنىڭ ٴبىر ٴبولىم اۋدان، رايوندارىنىڭ نەگىزگى سۋ قاينارىنا اينالدى. پيڭديڭشان قالاسى سۋدان پايدالانۋدى، سۋ ۇنەمدەۋدى باسقارۋ كەڭسەسىنىڭ مەڭگەرۋشىسى حۋ حۇڭلي بىلاي دەدى: باس شۋجيدىڭ ٴسوزىنىڭ رۋحىن جاپپاي دايەكتىلەندىرىپ، تياناقتاندىرىپ، ٴار سالادا سۋ ۇنەمدەۋدى كۇش سالا ىلگەرىلەتەمىز. مەملەكەتتىڭ سۋ ۇنەمدەۋ ارەكەتىن كۇش سالا اتقارىپ، «پيڭديڭشان قالاسىنىڭ سۋدى ۇنەمدەپ پايدالانۋ ەرەجەسىن» جەدەل شىعارىپ، سۋ بايلىعىنىڭ سارىپ بولۋ جالپى مولشەرى مەن كۇشەمەلىلىگىن بىردەي مەڭگەرۋ، باسقارۋ قىزمەتىن كۇشەيتىپ، سۋ بايلىعىن جاپپاي ۇنەمدەپ، جان-جاقتى پايدالانامىز.


    باس شۋجي شي جينپيڭ بىلاي دەپ باسا دارىپتەدى: سۋ جەتكىزۋ ينجەنەرياسىن ۇزدىكسىز عىلمي ىلگەرىلەتىپ، سۋ ۇنەمدەۋدى جاپپاي كۇشەيتۋ، سۋ بايلىعىنىڭ قاتاڭ تەجەمىن كۇشەيتۋ العى شارتىندا، قاجەتسىنۋ مەن قامداۋدى باسقارۋدى ٴبىر تۇتاس كۇشەيتۋ كەرەك. سۋ يگىلىگى مينيسترلىگى وڭتۇستىكتىڭ سۋىن سولتۇستىككە جەتكىزۋ مەكەمەسىنىڭ باستىعى لي پىڭچىڭ بىلاي دەدى: سۋ ۇنەمدەۋدى اناعۇرلىم كورنەكتى ورىنعا قويىپ، وسىزاماندانعان باسقارۋ دەڭگەيىن كۇشەيتىپ، وڭتۇستىكتىڭ سۋىن سولتۇستىككە جەتكىزۋ سيفرلانعان قۇرىلىسىن جەدەلدەتۋ؛ سۋ بايلىعىن ورنالاستىرۋدى ۇزدىكسىز ساپالاندىرىپ، سوڭعى ينجەنەريالاردىڭ جوعارى ساپالى دامۋىن سايكەستى ىلگەرىلەتۋ؛ وڭتۇستىك پەن سولتۇستىكتىڭ ەكونوميكالىق اينالىمنىڭ جاڭا جاعدايىن قالىپتاستىرۋعا دەم بەرۋ كەرەك.


اۋدارعان: گۇلنۇر قابىلقاق قىزى

中央广播电视总台 央广网 版权所有

باس شۋجي شي جينپيڭنىڭ وڭتۇستىكتىڭ سۋىن سولتۇستىككە جەتكىزۋدىڭ سوڭعى ينجەنەرياسىنىڭ جوعارى ساپالى دامۋىن ىلگەرىلەتۋ جونىندەگى اڭگىمە ماجىلىستە سويلەگەن ماڭىزدى ٴسوزى كۇشتى اڭىس قوزعادى

وڭتۇستىكتىڭ سۋىن سولتۇستىككە جەتكىزۋ ينجەنەرياسى ستراتەگيالىق جالپى جاعدايعا، ۇزاق بولاشاقتىق دامۋعا، حالىقتىڭ باقىتىنا سايادى. وڭتۇستىكتىڭ سۋىن سولتۇستىككە جەتكىزۋ ينجەنەرياسى ٴدوپ كەلگەن جاڭا جاعدايعا، جاڭا مىندەتكە ىشكەرىلەي تالداۋ جاساپ، ينجەنەريا جوباسى قۇرىلىسىن عىلمي ىلگەرىلەتىپ، سۋ بايلىعىن شوعىرلى، ۇنەمدى پايدالانۋ دەڭگەيىن جوعارىلاتۋ كەرەك.