ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

100 جىلدىق كۇرەس، جاڭا ساپار-ۇلت ارداگەرلەرى سۋنيڭ، لين ٴجۇندى

来源:جۇڭگو قازاق راديو تورابى     |责编:古丽美热|     发布日期: 2021-06-08 10:16

 

ٴوز حابارىمىز. «100 جىلدىق كۇرەس، جاڭا ساپار-ۇلت ارداگەرلەرى» دەگەن ەرەكشە ايداردا بۇگىن مەملەكەت قورعانىسىن وسىزامانداندىرۋعا ٴوزىن ارناعان ۇلگىلى كادر سۋ نيڭ، مەملەكەت قورعانىسى عىلىم-تەحنيكا ىستەرىنە ٴوزىن ارناعان ۇزدىك عالىم لين ٴجۇندىنىڭ ىزگى ىستەرى باياندالادى. 

    سۋنيڭ 1953-جىلى 12-ايدا نانجيڭدە دۇنيەگە كەلگەن. 1969-جىلى 2-ايدا اسكەري قوسىنعا قاتىناسىپ، 1973-جىلى 3-ايدا جۇڭگو كوممۋنيستىك پارتياسىنا مۇشە بولعان. 1981-جىلدان 1991-جىلعا دەيىن سۋنيڭ 162 ٴتۇرلى رەفورما نىسانىن دەربەس ورىنداپ جانە زەرتتەپ جاساۋعا قاتىناسىپ، ونىڭ ٴبىر ٴتۇرى بۇكىل ارميانىڭ ۇقساتپالى اسپاپتار 2-دارەجەلى سيلىعىنا يە بولدى، 6 ٴتۇرىن باس شتاپ، اسكەري رايون ورگانى تۇراقتاندىردى جانە جالپىلاستىردى. سۋنيڭ كومپيۋتەر قوسىمشا شەشىم جاساۋ جۇيەسىن جاساپ، زەڭبىرەكشى اسكەرلەردىڭ نىسانا اتۋىنا كومەكتەسۋدى ويلاعان ەدى، ساپتاستارى ونىڭ باتىل ويىنا تاڭ قالادى، تالاي ۇيقىسىز تۇندەردى باستان كەشىرگەن سۋنيڭ قاجىماي-تالماي قۇلشىنىپ، «ورىنداۋعا بولمايتىن» وسى مىندەتتى ورىندادى. ول حاربين ونەركاسىپ ۋنيۆەرسيتەتىنىڭ پروفەسسورىمەن بىرگە لازەر نۇرى ارقىلى جىلدامدىقتى ولشەۋ جۇيەسىن زەرتتەپ جاساپ، زەڭبىرەك وعىنىڭ العاشقى جىلدامدىعىن لازەر نۇرى ارقىلى سىنايدى. 

    سۋنيڭ وسىزاماندانۋ جولىمەن ۇزدىكسىز العا باسقان كەزدە، ادامدى اشىندىراتىن توسىن جاعداي تۋىلدى. 

    1991-جىلى 3-ايدىڭ 21-كۇنى سۋنيڭ ناق مايداندا قۇرىلىمدىق لياننىڭ گرانات لاقتىرۋ جاتتىعۋىنا قولباسشىلىق ەتتى. ٴبىر گرانات لاقتىرۋشى بىلەگىن قاتتى سەرمەگەندىكتەن، گرانات ٴبىر مەترگە جەتپەيتىن ارالىقتاعى باقىلاۋشىنىڭ اياعىنا تۇسەدى دە، گراناتتان اق ٴتۇتىن بۋداقتاي باستايدى. وسىنداي شۇعىل كەزەڭدە، سۋ نيڭ باقىلاۋشىنى يتەرىپ، گراناتتى ۇستاي الىپ، لاقتىرعان ساتتە گرانات جارىلادى. ونىڭ ەكى جاۋىنگەر سەرىگى امان قالىپ، سۋ نيڭ اۋىر جارالانىپ، قۇتقارۋ ٴونىم بەرمەي، 38 جاسىندا داڭقپەن قۇربان بولادى. 

    لينٴجۇندى ەلىمىزدىڭ يادرولىق سىناق، قوپارىلىس مەحانيكاسىنىڭ كوشباسشىسى، جۇڭگو قۇرىلىس عىلىمى اكادەمياسىنىڭ اكادەميگى، 1938-جىلى تۋىلعان، 1955-جىلى جىجياڭ ۋنيۆەرسيتەتىنىڭ مەحانيكا فاكۋلتەتىنە قابىلدانعان، 1960-جىلى اسكەرگە قاتىناسىپ، جاڭا جۇڭگونىڭ يادرولىق سىناق عىلمي زەرتتەۋ قوسىنىنىڭ ٴبىر مۇشەسىنە اينالعان. 

    1964-جىلى 10-ايدىڭ 16-كۇنى ساعات 15 تە لوپنۇردا جويقىن داۋىس شىعىپ، ساڭىراۋ قۇلاق ٴتارىزدى بۇلت كوككە كوتەرىلدى. لين ٴجۇندى زەرتتەپ جاساعان قىسىمدى وزدىگىنەن ەستەلىككە الۋ اسپابى ەلىمىزدىڭ تۇڭعىش يادرولىق قوپارىلىس سىناعىندا العاش رەت ەڭبەك ٴسىڭىردى. وسىدان باستاپ، بۇل ٴار ٴتۇرلى جوعارى وزىق قارۋ-جاراق سىناعىنا ىستەتىلىپ، ٴارقايسى تاجىريبە الاڭدارىندا قولدانىلدى. 

    لين ٴجۇندى ۇنەمى: عىلمي تاجىريبەمەن شۇعىلدانۋدا جانسەبىل بولۋ كەرەك،ـ دەيدى. ول مەملەكەت قورعانىسى عىلمي زەرتتەۋىنىڭ 10 نەشە ٴتۇرلى وزىق تاقىرىبىن زەرتتەۋ مىندەتىن ۇستىنە الىپ، جىلىنا 300 نەشە كۇندى قۇمدى شولدە، ٴشول دالادا، تاجىريبە الاڭىندا وتكىزدى. 

    2012-جىلى 5-ايدىڭ 4-كۇنى لين ٴجۇندىعا ٴوت جولى راگىنىڭ سوڭعى مەزگىلى دەپ دياگنوز قويىلسادا، ول مەملەكەت قورعانىسى كەلەلى عىلمي زەرتتەۋ نىسانىمەن قاربالاس بولىپ، ٴومىرىنىڭ سوڭعى ساتىنە دەيىن ٴوزىن مەملەكەت قورعانىسىنا ارنادى.


    اۋدارعان: گۇلنۇر قابىلقاق قىزى

中央广播电视总台 央广网 版权所有

100 جىلدىق كۇرەس، جاڭا ساپار-ۇلت ارداگەرلەرى سۋنيڭ، لين ٴجۇندى

سۋنيڭ وسىزاماندانۋ جولىمەن ۇزدىكسىز العا باسقان كەزدە، ادامدى اشىندىراتىن توسىن جاعداي تۋىلدى