ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

شەتەلدىڭ جازالاۋىنا قارسى تۇرۋ زاڭى جوباسىنىڭ 2-رەت قارالاتىن نۇسقاسى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا تاپسىردى

来源:جۇڭگو قازاق راديو تورابى     |责编:古丽美热|     发布日期: 2021-06-08 10:18

 

ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ 29-ٴماجىلىسى 6-ايدىڭ 7-كۇنى تۇستەن كەيىن ٴبىرىنشى جالپى ٴماجىلىسىن وتكىزىپ، مەملەكەتتىك حالىق قۇرىلتايى نەگىزگى زاڭ جانە زاڭ كوميتەتىنىڭ ورىنباسار مەڭگەرۋشى مۇشەسى شىن چۇنياۋدىڭ «جۇڭحۋا حالىق رەسپۋبليكاسىنىڭ شەتەلدىڭ جازالاۋىنا قارسى تۇرۋ زاڭى جوباسىن» قاراۋ ناتيجەسى جونىندەگى بايانداماسىن تىڭدادى. 

    ٴتىلشىنىڭ مەملەكەتتىك حالىق قۇرىلتايى تۇراقتى كوميتەتى زاڭ-ٴتۇزىم قىزمەتى كوميتەتىنىڭ مالىمدەمەشىسى كەڭسەسىنەن ۇعىسۋىنشا، ٴبىر مەزگىلدەن بەرى، كەيبىر باتىس ەلدەرى ساياسي ارەكەت قاجەتى مەن يدەيالوگيالىق سىڭار جاقتى كوزقاراستان پايدالانىپ، شينجياڭعا، شياڭگاڭعا ساياتىن ٴتۇرلى سىلتاۋلارمەن جۇڭگو جونىندە وسەك-اياڭ تاراتىپ، جالا جاۋىپ، جۇڭگونى شاۋجايلاپ، تىزەسىن باتىرماق بولدى، اسىرەسە، حالىقارالىق زاڭ مەن حالىقارالىق قاتىناستىڭ نەگىزگى ولشەمىنە قايشىلىق جاساپ، ٴوز ەلىنىڭ زاڭىنا نەگىزدەلىپ، جۇڭگونىڭ قاتىستى مەملەكەت ورگاندارىنا، ۇيىمدارىنا جانە مەملەكەت قىزمەتكەرلەرىنە ايتىلمىش ”جازا“ قولدانىپ، جۇڭگونىڭ ىشكى ىسىنە دورەكىلىكپەن كيلىكتى، جۇڭگو ۇكىمەتى مۇنداي زورەكەرلىك ارەكەتتەردى قاتاڭ جازعىردى، قوعامنىڭ ٴار سالاسىنداعى قايراتكەرلەر دا ىزا-كەگىن ٴبىلدىردى. مەملەكەتتىڭ يەلىك ۇقىعىن، بەدەلىن جانە وزەكتى مۇددەسىن باتىل قورعاپ، باتىستىڭ زورەكەرلىگى مەن وكتەمدىك ساياسيىنا قارسى تۇرۋ ٴۇشىن، بيىل جىل باسىنان بەرى جۇڭگو ۇكىمەتى قاتىستى ەلدەردىڭ ناقتى تۇلعاسى مەن جەكەلەرىنە سايكەستى قارسى شارالار اتقاراتىندىعىن تالاي رەت جاريالاپ، شەتەلدىڭ «ٴوز ىستەگەنىن وزىنە ىستەۋدى» ۇيعاردى. 

    بيىلعى مەملەكەتتىك «ەكى ٴماجىلىس» قارساڭىندا، ٴىشىنارا مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى جانە قوعامداعى ٴار سالا قايراتكەرلەرى ۇسىنىس-پىكىر بەرىپ، مەملەكەت شەتەلدىڭ جازالاۋىنا قارسى تۇرۋ ارناۋلى زاڭىن جاساپ، ەلىمىزدىڭ شەتەلدىڭ كەمسىتۋ سيپاتىندىق شارالارىنا زاڭ بويىنشا قارسى تۇرۋىنا پارمەندى زاڭدىق تىرەك جانە كەپىل ازىرلەۋى كەرەك دەپ قارادى. 13-كەزەكتى مەملەكەتتىك حالىق قۇرىلتايىنىڭ 4-ٴماجىلىسى بەكىتكەن «مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىنداعى» «بۇدان بىلايعى ٴبىر جىلداعى باستى مىندەتتەردە» مىنالار ايقىن العا قويىلدى: جازالاۋعا قارسى تۇرۋ، كيلىگۋگە قارسى تۇرۋ، ٴوز كولەمىنەن تىس باسقارۋعا قارسى تۇرۋ سياقتىلاردى ارقاۋ ەتىپ، سىن-سايىستارعا توتەپ بەرەتىن، حاۋىپ-قاتەردەن ساقتاناتىن زاڭدىق كەپىلدى تولىقتاۋ كەرەك. 

    قاتىستى قىزمەت ورنالاستىرۋىنا ساي، مەملەكەتتىك حالىق قۇرىلتايى تۇراقتى كوميتەتىنىڭ زاڭ-ٴتۇزىم قىزمەت كوميتەتى ٴارقايسى جاقتار العا قويعان زاڭ شىعارۋ ۇسىنىسىن مۇقيات زەرتتەپ، ەلىمىزدىڭ جازالاۋعا قارسى تۇرۋ امالياتى مەن قاتىستى قىزمەت ادىستەرىن قورىتىندىلاپ، شەتەلدىڭ قاتىستى زاڭ شىعارۋ احۋالىن رەتتەپ، ورتالىق پەن مەملەكەتتىڭ قاتىستى تاراۋلارىنىڭ پىكىرىن الىپ، «جۇڭحۋا حالىق رەسپۋبليكاسىنىڭ شەتەلدىڭ جازالاۋىنا قارسى تۇرۋ زاڭ جوباسىن» جازىپ شىقتى. بيىل 4-ايدا، مەملەكەتتىك حالىق قۇرىلتايى تۇراقتى كوميتەتىنىڭ كوميتەت باستىقتارى ٴماجىلىسى زاڭدا بەلگىلەنگەن ٴتارتىپ بويىنشا زاڭ شىعارۋ كەڭەس جوباسىن العا قويدى، 13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 28-ٴماجىلىسى شەتەلدىڭ جازالاۋىنا قارسى تۇرۋ زاڭ جوباسىن تۇڭعىش رەت قارادى. تۇراقتى كوميتەت قۇرامىنداعىلار شەتەلدىڭ جازالاۋىنا قارسى تۇرۋ زاڭىن جاساۋدى جاپپاي قۇپتادى، سونىمەن بىرگە كەيبىر كەمەلدى ۇسىنىس-پىكىرلەردى ورتاعا قويدى. مەملەكەتتىك حالىق قۇرىلتايىنىڭ نەگىزگى زاڭ جانە زاڭ كوميتەتى تۇراقتى كوميتەتتىڭ قاراۋ پىكىرىنە جانە ٴار جاقتىڭ پىكىرىنە ساي، شەتەلدىڭ جازالاۋىنا قارسى تۇرۋ زاڭى جوباسىنا وزگەرىس ەنگىزىپ، كەمەلدەندىرىپ، 13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 29-ماجىلىسىنە قاراۋ ناتيجەسى جونىندەگى بايانداما مەن جوبانىڭ 2-رەتكى قارالعان نۇسقاسىن زاڭ بويىنشا قاراۋىنا تاپسىردى.


اۋدارعان : گۇلنۇر قابىلقاق قىزى 

中央广播电视总台 央广网 版权所有

شەتەلدىڭ جازالاۋىنا قارسى تۇرۋ زاڭى جوباسىنىڭ 2-رەت قارالاتىن نۇسقاسى مەملەكەتتىك حالىق قۇرىلتايى تۇراقتى كوميتەتىنىڭ قاراۋىنا تاپسىردى

بيىل جىل باسىنان بەرى جۇڭگو ۇكىمەتى قاتىستى ەلدەردىڭ ناقتى تۇلعاسى مەن جەكەلەرىنە سايكەستى قارسى شارالار اتقاراتىندىعىن تالاي رەت جاريالاپ، شەتەلدىڭ «ٴوز ىستەگەنىن وزىنە ىستەۋدى» ۇيعاردى