ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

100 جىلدىق كۇرەس جولىندا جاڭا ساپارعا اتتانۋ _ جۇڭگو مىنە وسىنداي _ گۇيجوۋ ولكەسى: ٴىرى ساندى مالىمەت ارقىلى جاڭالىق اشا دامۋعا جەتەكشىلىك ەتىپ، ىشكى قۇرلىقتى اشىق ۇستاۋدىڭ جاڭا بيىگىن قالىپتاستىردى

来源:جۇڭگو قازاق راديو تورابى     |责编:古丽美热|     发布日期: 2021-06-08 10:34

 

ٴوز حابارىمىز. «جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋعا ارنالعان جەرگىلىكتى جەتىستىكتەردى تانستىراتىن،جۇڭگو مىنە وسىنداي» اتتى حابارىمىزدىڭ بۇگىنگى كەزەگىندە گۇيجوۋ ولكەسى ٴىرى ساندى مالىمەتتەردى جەتەكشى ەتىپ، جاڭالىق اشۋ ارقىلى دامۋعا دەم بەرۋدى ىلگەرىلەتىپ، سيفرلى ەكونوميكاعا ايرىقشا ٴمان بەرىپ، ىشكى قۇرلىقتاعى اشىق ۇستالعان ەكونوميكانىڭ جاڭا بيىگىن كۇش سالا قالىپتاستىردى،-دەگەن مازمۇنعا توقتالامىز. 

    بىرنەشە كۇننەن بەرى گۇيجوۋدا جاڭبىر كوپ جاۋىپ، اتىزدا سۋ جينالىپ قالۋ جاعدايى جيى تۋىلدى. زۇن-ي قالاسى شينپۋ جاڭا رايونى شينجوۋ قالاشىعى گۋانتيان قىستاعىنىڭ تۇرعىنى تاڭ ياۋ قول تەلەفونىنا جىبەرىلگەن قىزىل بۇرىش ەگىلگەن جەرگە سۋ ىعىستىرۋ مىندەتىن تاپسىرىپ الدى. بۇل مىندەتتى جەرگىلىكتى ورىن جالپىلاستىرىلىپ قولدانىلىپ جاتقان «قىزىل بۇرىش بۇلت» تەكشەسى اۆتوماتتى جىبەرگەن بولاتىن. 

    قىزىل بۇرىش كاسىبى گۇيجوۋدىڭ ەرەكشە ابزال كاسىبى. الايدا گۇيجوۋدىڭ ەگىس داقىلدارى بىتىراندى ەگىلگەندىكتەن، اۋىل شارۋاشىلىعىنىڭ دامۋىنا تۇساۋ بولدى. گۇيجوۋ ولكەسى «قىزىل بۇرىش بۇلت» تەكشەسىن ورتاعا قويىپ، قىزىل بۇرىش كاسىبىنىڭ كولەمدەنۋىن، ولشەمدەنۋىن، جۇيەلىلەنۋىن ىلگەرىلەتۋگە جەتەكشىلىك ەتتى. 

    مەملەكەتتىك ٴىرى ساندى مالىمەت ۋنيۆەرسال سىناق رايونى رەتىندە، گۇيجوۋدىڭ سيفرلى ەكونوميكاسىنىڭ ارتۋ قارقىنى ٴۇرتىس 6 جىل مەملەكەت بويىنشا 1-ورىندى يەلەدى. گۇيجوۋ ولكەلىك ٴىرى ساندى مالىمەتتەردى دامىتۋ-باسقارۋ مەكەمەسىنىڭ ورىنباسار باستىعى حۋ جيانحۋا: گۇيجوۋ «ٴىرى ساندى مالىمەت پەن شىعىس پەن باتىس بولىكتىك سەلبەستىگىن ۇشتاستىرۋداي» جاڭا ۇلگىنى ورناتۋ جونىندە ىزدەنىس جاساۋدا-دەپ كورسەتتى.


اۋدارعان:سەرىك راقىم ۇلى 


中央广播电视总台 央广网 版权所有

100 جىلدىق كۇرەس جولىندا جاڭا ساپارعا اتتانۋ _ جۇڭگو مىنە وسىنداي _ گۇيجوۋ ولكەسى: ٴىرى ساندى مالىمەت ارقىلى جاڭالىق اشا دامۋعا جەتەكشىلىك ەتىپ، ىشكى قۇرلىقتى اشىق ۇستاۋدىڭ جاڭا بيىگىن قالىپتاستىردى

گۇيجوۋ ولكەسى «قىزىل بۇرىش بۇلت» تەكشەسىن ورتاعا قويىپ، قىزىل بۇرىش كاسىبىنىڭ كولەمدەنۋىن، ولشەمدەنۋىن، جۇيەلىلەنۋىن ىلگەرىلەتۋگە جەتەكشىلىك ەتتى