ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جۇقپالى اۋرۋدان ساقتانۋ جانە ونى تىزگىندەۋ قىزمەتى ويداعىداي ىستەلىپ،2021-جىلعى جوعارى مەكتەپ ەمتيحانىنىڭ العاشقى كۇنى حاۋىپسىز، ورنىقتى بولدى

来源:جۇڭگو قازاق راديو تورابى     |责编:古丽美热|     发布日期: 2021-06-08 10:40

 

ٴوز حابارىمىز. 2021-جىلعى جوعارى مەكتەپ ەمتيحانى 6-ايدىڭ 7-كۇنى باستالىپ، مەملەكەت بويىنشا 10 ميلليون 780 مىڭ وقۋشى ەمتيحان مايدانىنا كىردى. جەر ـ جەر، تاراۋلار ٴتۇرلى شارالاردى قاتار قولدانىپ، ٴتۇرلى قىزمەت وتەۋدى قامتاماسىزداندىرۋ شارالارىن ەگجەي ـ تەگجەيلى تياناقتاندىرىپ، العاشقى كۇنگى ەمتيحاننىڭ ورنىقتى، ٴساتتى بولۋىنا كەپىلدىك ەتتى. 

   6-ايدىڭ 7-كۇنى تۇستەن بۇرىن گۋاڭجوۋ قالاسى ليۋان رايونىنداعى گۋاڭجوۋ قالالىق 1 ـ ورتا مەكتەپتە 1200 دەن استام وقۋشى دەنە تەمپەراتۋراسىن ولشەتكەننەن كەيىن ەمتيحان مايدانىنا كىردى. 

    جۇقپالى اۋرۋ جاعدايى ٴبىرشاما اۋىر گۋاڭجوۋ قالاسىندا حاۋىپ - قاتەرى جوعارى رايوندارداعى ەمتيحان بەرۋشىلەر ٴوز رايونىندا ەمتيحانعا قاتىناسادى، ورتا دارەجەلى حاۋىپ - قاتەر رايونىنداعى ەمتيحان بەرۋشىلەر حاۋىپ-قاتەرى جوعارى رايوندارعا بارىپ ەمتيحان بەرۋگە ورنالاستىرىلمايدى. گۋاڭجوۋ قالالىق 1-ورتا مەكتەپتە 2 ارناۋلى ەمتيحان مايدانى قۇرىلىپ، ورتا دارەجەلى حاۋىپ - قاتەر رايونىنداعى 26 وقۋشىنىڭ پايدالانۋىنا بەرىلدى. بۇل ەمتيحان بەرۋشىلەردى ارناۋلى ادام ارناۋلى اۆتوكولىكپەن ارناۋلى جەتكىزىپ، ارناۋلى جولمەن ٴجۇرەدى. 

    چيڭحايداعى جەر سىلكىنىس اپاتى تۋىلعان گولو رايوننىڭ «شاتىرلى ەمتيحان مايدانى» دا رەسمي ىسكە قوسىلدى. بارلىق ەمتيحان بەرۋشىلەر اۋرۋدىڭ الدىن الۋ گرۋپپاسىنىڭ تالابى بويىنشا 14 كۇن بۇرىن دەنساۋلىق تەكسەرۋ، تىزىمدەۋ سياقتى قاتىستى قىزمەتتەردى ىستەدى. سونىمەن بىرگە، چيڭحاي ولكەسىنىڭ دەنساۋلىق ساقتاۋ، سالاماتتىق تاراۋلارى اۋرۋدىڭ الدىن الۋ، تەكسەرۋ قىزمەتكەرلەرىن ۇستەمەلەپ،تەكسەرۋ ارنالارىن كوبەيتتى، چيڭحاي ولكەسى گولو وبلىستىق ۇلتتىق جوعارى دارەجەلى ورتا مەكتەپتىڭ ورىنباسار باستىعى لي شياۋلين بىلاي دەدى : وسى رەتكى جوعارى مەكتەپ ەمتيحانىنىڭ ٴاربىر ەمتيحان مايدانىندا 3 كاماسسيا بار، بارلىق ەمتيحان قىزمەتكەرلەرى تۇگەلدەي ۆاكسينا قويدىردى، سونداي ـ اق شۇعىل جاعدايعا توتەپ بەرۋ جوباسىن ورىنداپ، جوعارى مەكتەپ ەمتيحانىنىڭ ٴساتتى جۇرگىزىلۋىنە كەپىلدىك ەتتى. 

    بيىل جياڭسۋدا 359 مىڭ وقۋشى جوعارى مەكتەپ ەمتيحانىنا تىزىمدەلدى، بۇكىل ولكە بويىنشا 239 ەمتيحان ٴتۇيىنى، 976 زاپاس اۋاشالانعان ەمتيحان الاڭى قۇرىلىپ، ٴارقايسى ەمتيحان تۇيىندەرىنە جۇقپالى اۋرۋدان ساقتانۋ كومەكشى كاماسسياسى قوسىلدى. 

    6-ايدىڭ 8-كۇنى جەر – جەردەگى ەمتيحان بەرۋشىلەر شەتەل ءتىلى ەمتيحانىن تاپسىردى، فۋجيان، حۋبەي، جياڭسۋ، گۋاڭدۇڭ، حۋنان، حىبەي، لياۋنيڭ، چۇڭچيڭ قاتارلى ولكە، قالالارداعى ەمتيحان بەرۋشىلەر دە تۇڭعىش رەت «2+1+ 3» ۇلگىسى بويىنشا تاريح نەمەسە فيزيكا عىلىمى ەمتيحانىن تاپسىردى.


  اۋدارعان: كۇلان ىرىسباي قىزى 




中央广播电视总台 央广网 版权所有

جۇقپالى اۋرۋدان ساقتانۋ جانە ونى تىزگىندەۋ قىزمەتى ويداعىداي ىستەلىپ،2021-جىلعى جوعارى مەكتەپ ەمتيحانىنىڭ العاشقى كۇنى حاۋىپسىز، ورنىقتى بولدى

6-ايدىڭ 7-كۇنى تۇستەن بۇرىن گۋاڭجوۋ قالاسى ليۋان رايونىنداعى گۋاڭجوۋ قالالىق 1 ـ ورتا مەكتەپتە 1200 دەن استام وقۋشى دەنە تەمپەراتۋراسىن ولشەتكەننەن كەيىن ەمتيحان مايدانىنا كىردى