ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي جانشۋ بەلورۋسسيا حالىقتىق كەڭەسى رەسپۋبليكا كەڭەسىنىڭ توراعاسىمەن كەڭەس وتكىزدى

来源:جۇڭگو قازاق راديو تورابى     |责编:古丽美热|     发布日期: 2021-06-09 10:37

 

ٴوز حابارىمىز. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 6- ايدىڭ 8- كۇنى بەيجيڭدەگى حالىق سارايىندا بەلورۋسسيا حالىقتىق كەڭەسى رەسپۋبليكا كەڭەسىنىڭ ٴتوراعاسى كوچانوۆامەن، ۋاكىلدەر كەڭەسىنىڭ ٴتوراعاسى اندرەچەنكومەن بەينە ەكران ارقىلى كەڭەس وتكىزدى. 

    لي جانشۋ بىلاي دەدى: ٴتوراعا شي جينپيڭ مەن پرەزيدەنت لۋكاشەنكونىڭ ستراتەگيالىق جەتەكشىلىگى مەن تىكەلەي جەبەۋىندە، جۇڭگو-بەلورۋسسيا قاتىناسى باستان-اياق اقاۋسىز، ورنىقتى دامىدى. جۇڭگو بەلورۋسسيا مەن بىرگە ەكى ەل باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، ەكى جاقتى قاتىناستىڭ ۇزدىكسىز تىڭ ساتىعا كوتەرىلۋىن جەبەۋدى قالايدى. 

    لي جانشۋ مىنالاردى اتاپ كورسەتتى: كەلەر جىلى ەكى ەل ديپلوماتيالىق قاتىناس ورناتقاندىعىنىڭ 30 جىلدىعىن قارسى الادى. ەكى جاق ساياسي جاقتا ٴوزارا قولداۋدى ۇزدىكسىز كۇشەيتىپ، ٴبىر-ٴبىرىنىڭ وزەكتى مۇددەسى مەن كوڭىل ٴبولىپ وتىرعان كەلەلى ىستەرىن ۇزدىكسىز باتىل قولداۋى قاجەت. ۆاكسينانى قامتىعان ىندەتكە قارسى تۇرۋ سەلبەستىگىن كۇشەيتۋى كەرەك. ” ءبىر بەلدەۋ، ءبىر جول “ دى بىرگە قۇرۋى جانە ءار سالاداعى سەلبەستىكتى كۇش سالا ىلگەرىلەتۋى كەرەك. وقۋ-اعارتۋ، عىلىم-تەحنيكا، مادەنيەت، جاستار، جەرگىلىكتى ورىندار سياقتىلاردىڭ جان-جاقتى بارىس-كەلىسىن ۇزدىكسىز كەڭەيتۋى كەرەك. ادامزاتتىڭ تاعدىرلاس ورتاق تۇلعاسى تانىمىن بەرىك ۇستانىپ، كوپ جاقتى سەلبەستىكتى كۇشەيتىپ، تۋى ايقىن تۇردە كوپ جاقتىلىقتى قولداپ، بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيەنى باتىل قورعاپ، حالىقارالىق زاڭدى نەگىز ەتكەن حالىقارالىق ٴتارتىپتى باتىل قۋاتتاپ، سىڭار جاقتىلىققا، زورەكەرلىك ارەكەتتەرگە قارسى تۇرىپ، كەيبىر ەلدەردىڭ ٴجونسىز كيلىگۋىنە، جازالاۋىنا، تەجەۋىنە قارسى تۇرىپ، حالىقارالىق ادىلدىك پەن ادىلەتتىلىكتى بىرگە قورعاۋى كەرەك. 

    لي جانشۋ مىنالاردى باسا دارىپتەدى: جۇڭگو مەملەكەتتىك حالىق قۇرىلتايى مەن بەلورۋسسيا حالىقتىق كەڭەسى ۇزاق ۋاقىت دوستىق بارىس-كەلىستى ساقتادى. ەكى جاق اۋىس-كۇيىستى، سەلبەستىكتى ۇزدىكسىز كۇشەيتىپ، ەكى ەل باسشىلارى كەلىسكەن ماڭىزدى ورتاق تانىم مەن ەكى جاقتى سەلبەستىك كەلىسىمىن تياناقتاندىرۋدى ىلگەرىلەتىپ، سالالار بويىنشا اۋىس-كۇيىس جاساپ، ەكى جاقتى قاتىناستىڭ دامۋىنا ٴتيىمدى زاڭدىق قۇجاتتاردى دەر كەزىندە بەكىتۋى جانە وعان وزگەرىس ەنگىزۋى، زاڭ شىعارۋ، باقىلاۋ جانە ەل باسقارۋ تاجىريبەلەرىن ٴوزارا ۇيرەنۋى، ٴوزارا ۇلگى الۋى قاجەت. 

    كوچانوۆا، اندرەچەنكو بىلاي دەدى: جۇڭگونىڭ جۇقپالى اۋرۋعا بىرگە قارسى تۇرۋ جانە ەكونوميكالىق، قوعامدىق دامۋدى جەبەۋ سياقتى جاقتاردا بەلورۋسسياعا ماڭىزدى قولداۋ كورسەتكەنىنە العىس ايتامىز. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتايمىز. بەلورۋسسيا ٴبىر جۇڭگو ساياساتىنا تاباندى بولىپ، بارلىق سىرتقى كيلىگۋگە قارسى تۇرادى. بەلورۋسسيا حالىقتىق كەڭەسى جۇڭگو مەملەكەتتىك حالىق قۇرىلتايىمەن اۋىس-كۇيىستى، سەلبەستىكتى كۇشەيتىپ، بەلورۋسسيا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ دامۋىن جەبەۋگە ۇلەس قوسۋدى قالايدى. 


       اۋدارعان: سەرىك راقىم ۇلى 

中央广播电视总台 央广网 版权所有

لي جانشۋ بەلورۋسسيا حالىقتىق كەڭەسى رەسپۋبليكا كەڭەسىنىڭ توراعاسىمەن كەڭەس وتكىزدى

بەلورۋسسيا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ دامۋىن جەبەۋگە ۇلەس قوسۋدى قالايدى