ۋاڭ ياڭ مىنالاردى اتاپ كورسەتتى : مەملەكەتتىڭ ستراتەگيالىق عىلىم ـ تەحنيكالىق قۋاتىن كۇشەيتۋ _ _ شي جينپيڭ جولداستى ۇيتقى ەتكەن ج ك پ ورتالىق كوميتەتىنىڭ كەلەلى ورنالاستىرۋى، سونداي ـ اق ج ك پ ورتالىق كوميتەتى قاراپ بەكىتكەن 2021 ـ جىلعى ساياسي پارتيالار كەڭەسىنىڭ ماڭىزدى تاقىرىبى. پارتيا ـ توپتاردىڭ، ۇيىمداردىڭ تەكسەرۋ ـ زەرتتەۋ، كەڭەسۋ جەتىستىكتەرىنەن ويداعىداي پايدالانىپ، تەكسەرۋ ـ زەرتتەۋ بايانداماسىن ونان ارى كەمەلدەندىرىپ، ج ك پ ورتالىق كوميتەتىنىڭ عىلمي شەشىم جاساۋىنىڭ ٴونىمدى اتقارىلۋىن جەبەۋدى ٴۇمىت ەتەمىز. پارتيا ـ توپتار، ۇيىمدار دارىندىلار جانە اقىل ـ پاراسات شوعىرلانعان باسىمدىلىعىن تولىق ساۋلەلەندىرىپ، مەملەكەتتىڭ ستراتەگيالىق عىلىم ـ تەحنيكالىق قۋاتىن كۇشەيتۋگە، عىلىم ـ تەحنيكادا قۇدىرەتتى ەل قۇرۋدى جەدەلدەتۋگە اقىل ـ پاراسات جانە كۇش ـ قۋات ارناۋى كەرەك. قاتىستى جاقتار تەكسەرۋ ـ زەرتتەۋ، كەڭەسۋ اڭگىمە ٴماجىلىسىنىڭ ٴتارتىبى مەن ٴتاسىلىن ونان ارى جاقسارتىپ جانە كەمەلدەندىرىپ، كەڭەسۋ ساپاسىن جوعارىلاتىپ، ەلىمىزدىڭ جاڭاشا ساياسي پارتيا ٴتۇزىمىنىڭ ابزالدىلىعىن اناعۇرلىم ويداعىداي ايگىلەۋ كەرەك.

    جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ٴتوراعاسى ۋان ىشياڭ، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ٴتوراعاسى ساي دافىڭ، جۇڭگو شارۋالار ـ جۇمىسشىلار دەموكراتيالىق پارتياسى ورتالىق كوميتەتىنىڭ ٴتوراعاسى چىن جۋ، 3 ـ قىركۇيەك ٴىلمي قوعامى ورتالىق كوميتەتىنىڭ ٴتوراعاسى ۋ ۋيحۋا، مەملەكەتتىك ونەركاسىپ ساۋدا بىرلەستىگىنىڭ ٴتوراعاسى گاۋ يۇنلۇڭ اڭگىمە ماجىلىستە تەكسەرۋ ـ زەرتتەۋ جەتىستىكتەرىن تانىستىردى. كوپشىلىك ج ك پ 18 ـ قۇرىلتايىنان بەرى ەلىمىزدىڭ عىلىم ـ تەحنيكادا جاڭالىق اشۋ ىستەرىندە قول جەتكىزگەن تاريحي جەتىستىكتەرىنە جوعارى باعا بەرىپ، مەملەكەتتىڭ ستراتەگيالىق عىلىم ـ تەحنيكا قۋاتىن كۇشەيتۋدى ارقاۋ ەتە وتىرىپ ناقتى، ورىندى ساياساتتىق ۇسىنىستاردى ورتاعا قويدى.

    مەملەكەتتىك دامۋ جانە رەفورما كوميتەتىنىڭ، وقۋ ـ اعارتۋ مينيسترلىگىنىڭ، عىلىم ـ تەحنيكا مينيسترلىگىنىڭ، ٴادىليا مينيسترلىگىنىڭ، قازىنا مينيسترلىگىنىڭ، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ، مەملەكەتتىك ٴبىلىم مەنشىك ۇقىعى مەكەمەسىنىڭ جاۋاپتى جولداستارى پارتيا سىرتىنداعى قايراتكەرلەرمەن پىكىر اۋىستىردى.

اۋدارعان: نازار ٴارىپ ۇلى