ورتالىق راديو-تەلەۆيزيا باس ستانسياسىنىڭ پارتيا قۇرىلعاندىعىنىڭ 100 جىلدىعىن قۇتتىقتاۋ تاقىرىبىنداعى راديو تەاترى جاريالاندى
ٴوز حابارىمىز. ورتالىق راديو ـ تەلەۆيزيا باس ستانسياسى جوبالاپ جاساعان «جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ تاقىرىبىنداعى راديو تەاترى» بولعان «يان ـ انعا بارايىق»، «دالياڭشان تاۋى»، «قۇتقارۋ»، «اننيدىڭ گۇل تەڭىزى» اتتى راديو تەاترلار 6 ـ ايدىڭ 16 ـ كۇنى بەيجيڭدە تۇڭعىش رەت جەلىگە شىعارىلدى. ورتالىق ۇگىت ٴبولىمىنىڭ ورىنباسار باستىعى، ورتالىق راديو ـ تەلەۆيزيا باس ستانسياسىنىڭ باستىعى، باس رەداكتور شىن حايشيۇڭ سالتقا قاتىناستى ٴارى ٴسوز سويلەدى.
«يان-انعا بارايىق» اتتى راديو تەاتردا ٴبىر توپ وتانشىل، العاباسار جاستاردىڭ يان-انعا بارىپ، ەڭ سوڭىندا بەرىك پرولەتاريات توڭكەرىستىك جاۋىنگەرى بولىپ جەتىلگەندىگى باياندالعان. «دالياڭشان تاۋى» اتتى راديو تەاتردا سىچۋان ولكەسى لياڭشان وبلىسىنىڭ كەدەيلىكتەن قۇتىلدىرۋدان قامال الۋ شايقاسىن ارتقى كورىنىس ەتىپ، كەدەيلەردى سۇيەمەلدەيتىن ٴار دارەجەلى كادرلاردىڭ اۋىلداستاردى باستاپ قاجىرلىلىقپەن يگىلىك جاراتىپ، كەدەيلىكتەن قۇتىلىپ، كەدەيلىك قالپاعىن الىپ تاستاعان كۇرەس حيكاياسى شىنايى بەينەلەنگەن. «قۇتقارۋ» اتتى تەاتردە 1941-جىلدىڭ سوڭىندا جاپونيانىڭ شاپقىنشى ارمياسى شياڭگاڭعا شابۋىل جاساعاننان كەيىن، جۇڭگو كوممۋنيستىك پارتياسى شياڭگاڭدا قامالىپ قالعان نەشە ٴجۇز وتانشىل دەموكرات قايراتكەر مەن مادەنيەت قايراتكەرلەرىن جاسىرىن قۇتقارعان ۇلى ٴىسى بايىمدالعان. «اننيدىڭ گۇلى تەڭىزى» اتتى راديو تەاترىندە شياڭگاڭدىق جاس لياڭ انليدىڭ مەملەكەتتىڭ كۇن سايىن جاقسارعان دامۋ وزگەرىسى مەن وتاننىڭ شياڭگاڭعا تيىمدىلىك جاساۋ ساياساتىنىڭ شابىتتاندىرۋىندا گۇيجوۋدىڭ تاۋلى رايونىنا بارىپ كەدەيلەردى سۇيەمەلدەۋ، شارۋاشىلىق قۇرۋ جونىندەگى ناقتى اڭگىمەسى باياندالعان.
اۋدارعان: نازار ٴارىپ ۇلى
