ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

حۋنان ەكولوگيانى الدىمەن ەسكەرۋگە تاباندى بولىپ، حۋنان ولكەسىنىڭ جوعارى ساپالى دامۋ نەگىزىن بەكەمدەدى

来源:جۇڭگو قازاق راديو تورابى     |责编:阿依娜古丽|     发布日期: 2021-06-17 11:05

 

ٴوز حابارىمىز. 2020-جىلى 9-ايدا باس شۋجي شي جينپيڭ حۋناندا قىزمەت تەكسەرگەندە: تۇنىق سۋ، جاسىل تاۋ-باعالى بايلىق تانىمىن بەرىك ورناتىپ، ەكولوگيالىق وركەنيەت قۇرىلىسىندا تىڭ ناتيجە جاراتۋ كەرەك،-دەپ باسا دارىپتەدى. حۋنان ولكەسى شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، ەكولوگيالىق وركەنيەت قۇرىلىسىن باستان-اياق دامۋ جالپى جاعدايىنىڭ كورنەكتى ورنىنا قويىپ، ەكولوگيانى الدىمەن ەسكەرۋ، جاسىل دامۋ جولىمەن بۇلجىماي ٴجۇرىپ، ادام مەن تابيعاتتىڭ جاراسىمدى قاتار ٴومىر ٴسۇرۋىن جەبەۋدە ۇزدىكسىز تىڭ تابىستارعا قول جەتكىزىپ، جوعارى ساپالى دامۋدا اناعۇرلىم كوركەم نەگىزگە، اناعۇرلىم مىعىم سەنىمگە يە بولدى.


    6-ايدىڭ باسىندا، حۋناننىڭ جۋجوۋ قالاسى چيڭشۇيتاڭ اۋماعىنداعى قالا باقشاسىنىڭ تۇلعالىق ينجەنەرياسى نەگىزىنەن سالىنىپ بولدى، جالپى اۋدانى 140 مىڭ شارشى مەترلىك جاساندى كول تۇنىق سۋمەن تولتىرىلىپ، حوش ٴيىستى كامفورا، ٴدارشىن گۇلى سياقتى قالامشالاردان تىرشىلىك تىنىسى جالىندادى.


    بۇل جاسىل اۋماق وڭاي-وسپاق قولعا كەلمەگەن. جۋجوۋ چيڭشۇيتاڭ بايىرعى ونەركاسىپ رايونىنا نەشە جۇزدەگەن مەتال قورىتۋ، حيميا ونەركاسىپ زاۆودى شوعىرلانىپ، جىلدىق ٴونىم قۇنى 30 ميلليارد يۋاننان اسادى. كوك اسپاندى، تۇنىق سۋدى قالپىنا كەلتىرۋ ٴۇشىن، جەرگىلىكتى ورىن حيميا ونەركاسىپ، مەتال قورىتۋ كاسىبىن جانە وعان قاتىستى 261 كاسىپورىندى جاپتى ٴارى ەكولوگيالىق ورتانى جونگە سالۋدى، قالپىنا كەلتىرۋدى بەلسەنە ورىستەتتى.


    2013-جىلى حۋنان ولكەسى شياڭجياڭدى قورعاۋ مەن جونگە سالۋدى ەڭ باستى ينجەنەريا ەتىپ، ٴۇش تۇردەگى 3 جىلدىق ارەكەت جوسپارىن اتقاردى. 8 جىلدان بەرى شياڭجياڭ وزەنى جاعالاۋىنداعى لاستانعان وڭىرلەر شىت جاڭا بەينەگە ەندى. حۋنان ولكەسى شياڭجياڭ وزەنىن قامال الۋ ٴتۇيىنى ەتىپ، «ٴبىر ٴداريا، ٴبىر كول، ٴتورت وزەندى» بىرلەسىپ جونگە سالۋدى ۇزدىكسىز ىلگەرىلەتتى.


    حۋناننىڭ يۋەياڭ قالاسى شياڭيىن اۋدانىنداعى كەزىندە بۇتا-بۇرگەندى ياڭشا كولى قازىر سۋى تۇنىق، ٴشوبى شۇيگىن، سۋىندا بالىقتار تۋلاعان سازدىققا اينالدى.


    سازدىق ەكولوگيالىق جۇيەسى جوعارى اعارداعى اۋىل شارۋاشىلىق لاس سۋىن ٴونىمدى تازارتىپ، جەرگىلىكتى بالىق بايلىعىن كۇن سايىن مولايتىپ، سۋ قۇستارىنىڭ تىرشىلىك ورتاسىن قالپىنا كەلتىردى. ەگىستىككە اينالعان ورماندى قالپىنا كەلتىرۋ، سازدىقتى قالپىنا كەلتىرۋ، ەكولوگيانى جونگە سالۋ دۇڭتيڭحۋ كولى سۋ جۇيەسىندەگى ورگانيزمدەردىڭ الۋان تۇرلىلىگىن كورنەكتى جوعارىلاتتى.


    ساندى مالىمەتتە كورسەتىلۋىنشە، حۋنانداعى 211 مىڭ 800 شارشى كيلومەتر اۋماقتا ورمان، ٴشوپ، سازدىق بۇكىل ولكە جالپى جەر كولەمىنىڭ %71.67 ىن ۇستاعان. 2020-جىلعا دەيىن، حۋناننىڭ ورمانمەن كومكەرىلۋ مولشەرى %59.96كە جەتىپ، بۇكىل ەل بويىنشا الدىڭعى قاتارعا ٴوتتى. جاسىل ٴتۇس حۋناننىڭ جوعارى ساپالى دامۋىنداعى كوركەم كارتيناعا اينالدى.


اۋدارعان: گۇلنۇر قابىلقاق قىزى

中央广播电视总台 央广网 版权所有

حۋنان ەكولوگيانى الدىمەن ەسكەرۋگە تاباندى بولىپ، حۋنان ولكەسىنىڭ جوعارى ساپالى دامۋ نەگىزىن بەكەمدەدى

2020-جىلى 9-ايدا باس شۋجي شي جينپيڭ حۋناندا قىزمەت تەكسەرگەندە: تۇنىق سۋ، جاسىل تاۋ-باعالى بايلىق تانىمىن بەرىك ورناتىپ، ەكولوگيالىق وركەنيەت قۇرىلىسىندا تىڭ ناتيجە جاراتۋ كەرەك،-دەپ باسا دارىپتەدى.