ورتالىق ۇگىت ٴبولىمى «حاۋىپسىزدىكتى قورعاۋ، ٴومىردى اۋەل باستان قورعاۋ» اتىنداعى جۇڭگولىق-شەتەلدىك تىلشىلەرمەن كەزدەسۋ ٴماجىلىسىن وتكىزدى
ٴوز حابارىمىز. ج ك پ ورتالىق كوميتەتىنىڭ ۇگىت ٴبولىمى 6-ايدىڭ 18-كۇنى شياۋ ۋىنرۋ، جياڭ حايكۇن، چىن جيان، حان يي-يي، ۋاڭ دىپىڭ قاتارلى شۇعىل جاعدايعا توتەپ بەرۋدى باسقارۋ جۇيەسىندەگى 5 تاڭداۋلى پارتيا مۇشەسى ۋاكىلىن ۇسىنىس ەتىپ، «حاۋىپسىزدىكتى قورعاۋ،ٴومىردى اۋەل باستان قورعاۋ تاقىرىبى» توڭىرەگىندە جۇڭگولىق، شەتەلدىك تىلشىلەرمەن كەزدەسۋ، پىكىر اۋىستىرۋ قيمىلىن ٴماجىلىسىن اشتى.
مەملەكەتتىك ٴوندىرىس حاۋىپسىزدىگىن باسقارۋ، شۇعىل جاعدايعا توتەپ بەرۋ، قۇتقارۋ ورتالىعى مەڭگەرۋشىسىنىڭ ورىنباسارى، باس ينجەنەر شياۋ ۋىنرۋ قىزمەت ىستەگەن 38 جىلدان بەرى، 700 دەن استام كەن شىرعالاڭىنداعى قۇتقارۋ-كومەكتەسۋ قىزمەتىنە قاتىناستى. بيىل 1-ايدا شاندۇڭ ولكەسىنىڭ چيشيا قالاسىنداعى ميشان تاۋى التىن كەنىندە قوپارىلىس تۋىلعاندا، ول جاۋىنگەر سەرىكتەرىمەن بىرگە 14 كۇن جاپالى شايقاس جاساپ، 600 مەتردەن استام تەرەڭدىكتەگى جەر استى كەن رايونىندا قامالىپ قالعان 11 كەن جۇمىسشىسىن ٴساتتى قۇتقارىپ، قۇتقارۋ قىزمەتىندە جان سۇيىنتەر ناتيجە جاراتتى.
90-جىلدار تۇلەگى بولعان، ىشكى موڭعۇل اۆتونوميالى رايونى ورمان ٴورت ٴسوندىرۋ، ورتتەن ساقتانۋ باس اترەتى ۇلكەن ھىنگان تارماق اترەتى چيچيان ورتا اترەتىنىڭ ساياسي جەتەكشىسى، پارتيا ياچەيكا شۋجيى ۋاڭ دىپىڭ ٴوزىنىڭ جاستىق كوكتەمىن ورمان قورعاۋعا ارنادى. ول تۇرعان ورتا اترەت ۇزاق جىلدار بويى بايىرعى ورمان ٴوڭىرىنىڭ قويناۋىندا تاباندىلىقپەن قىزمەت ىستەپ، بارعان سايىن الۋاندانا تۇسكەن ٴتۇرلى قۇتقارۋ مىندەتىن جاڭالىق جاراتا ورىنداۋ قابىلەتىن ۇزدىكسىز جوعارىلاتتى.
اۋدارعان: قاناتبەك جۇماباي ۇلى