ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ مەن برۋنەيدىڭ سۇلتانى جۇڭگو مەن شىعىس وڭتۇستىك ازيا ەلدەرى وداعىنىڭ سۇحپات قاتىناس ورناتقاندىعىنىڭ 30 جىلدىعىن ٴوزارا تەلەگرامما جولداپ قۇتتىقتادى

来源:جۇڭگو قازاق راديو تورابى     |责编:阿依娜古丽|     发布日期: 2021-07-20 10:13

 

ٴوز حابارىمىز. 7-ايدىڭ 19 ـ كۇنى مەملەكەتتىك كەڭەستىڭ زۇڭليى لي كىچياڭ مەن شىعىس وڭتۇستىك ازيا ەلدەرى وداعىنىڭ كەزەكتى ٴتوراعا ەلى برۋنەيدىڭ سۇلتانى حاساننار ٴوزارا قۇتتىقتاۋ تەلەگرامما جولداپ، جۇڭگو مەن شىعىس وڭتۇستىك ازيا ەلدەرى وداعىنىڭ سۇحپات قاتىناس ورناتقاندىعىنىڭ 30 جىلدىعىن اتاپ ٴوتتى.


    لي كىچياڭ قۇتتىقتاۋ تەلەگرامماسىندا بىلاي دەدى : وتكەن 30 جىلدان بەرى جۇڭگو مەن شىعىس وڭتۇستىك ازيا وداعىنداعى ەلدەر جاپا – ماشاقاتتا بىرگە بولىپ، ۇدەرە العا تارتىپ، ٴار ەلدىڭ، سونداي – اق وڭىرلەردىڭ ورنىقتىلىعى، دامۋى، كوركەيۋى ٴۇشىن ماڭىزدى ۇلەس قوسىپ، ازيا – تىنىق مۇحيت ٴوڭىرى سەلبەستىگىنە ۇلگى جانە تيپتىك ونەگە ورناتتى. بىلتىردان بەرى جۇڭگو مەن شىعىس وڭتۇستىك ازيا ەلدەرى وداعى جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا تىزە قوسا توتەپ بەرىپ، ٴوزارا قارايلاساتىن، بەينەت پەن زەينەتتى بىرگە وتكەرەتىن تاعدىرلاس ورتاق تۇلعا رۋحىن اناعۇرلىم ايگىلەدى.


    لي كىچياڭ بىلاي دەدى : قازىر جۇڭگو مەن شىعىس وڭتۇستىك ازيا ەلدەرى وداعىنىڭ قاتىناسى جالپى بەتتىك دامۋدىڭ جاڭا كەزەڭىنە ٴوتتى، جۇڭگو شىعىس وڭتۇستىك ازيا وداعىمەن بىرلىكتە اناعۇرلىم جوعارى دەڭگەيدەگى ستراتەگيالىق سەرىكتەستىك قاتىناستى قول ۇستاسا سومداپ، اناعۇرلىم تىعىز تاعدىرلاس ورتاق تۇلعا قۇرىپ، بولاشاقتاعى وڭىرلىك جانە الەمدىك سايىستارعا اناعۇرلىم ويداعىداي توتەپ بەرىپ، ەكى جاقتىڭ 11 ەلدەگى 2 ميلليارد ادامنان استام حالقىنا باقىت جاراتۋدى قالايدى.


    حاساننار قۇتتىقتاۋ تەلەگرامماسىندا شىعىس وڭتۇستىك ازيا ەلدەرى وداعى اتىنان ەكى جاقتىڭ سۇحپات قاتىناھ ورناتقاندىعىنىڭ 30 جىلدىعىن جانە جۇڭگو كوممۋنيستىك پارتياسىنىڭ 100 جىلدىق مەرەي تويىن شىن جۇرەكتەن قۇتتىقتاپ، شىعىس وڭتۇستىك ازيا ەلدەرى وداعى مەن جۇڭگو قاتىناسىنىڭ 30 جىلدان بەرى سۇبەلى تابىستارعا قول جەتكىزىپ، ستراتەگيالىق جانە جان ـ جاقتى سەرىكتەستىك قاتىناستىڭ بىرىنە اينالعاندىعىن القايتىندىعىن ٴبىلدىردى. ول بىلاي دەدى: ەكى جاق جۇقپالى اۋرۋعا قارسى تۇرۋدا سەلبەستىك جاساپ، ەكونوميكا ـ ساۋدا، گۋمانيتارلىق سياقتى سالالارداعى اۋىس ـ كۇيىس، سەلبەستىك ۇزدىكسىز تەرەڭدەدى. جۇڭگونىڭ شىعىس وڭتۇستىك ازيا ەلدەرى وداعىنىڭ وزەكتى ورنىن باتىل قولداعاندىعىنا العىس ايتامىن، شىعىس وڭتۇستىك ازيا ەلدەرى وداعى مەن جۇڭگونىڭ ستراتەگيالىق سەرىكتەستىك قاتىناسىنىڭ ەكى ەل حالقىنا ٴتىپتى دە كوركەم بولاشاق جاراتاتىندىعىنا سەنەمىن.

اۋدارعان: قاناتبەك جۇماباي ۇلى

中央广播电视总台 央广网 版权所有

لي كىچياڭ مەن برۋنەيدىڭ سۇلتانى جۇڭگو مەن شىعىس وڭتۇستىك ازيا ەلدەرى وداعىنىڭ سۇحپات قاتىناس ورناتقاندىعىنىڭ 30 جىلدىعىن ٴوزارا تەلەگرامما جولداپ قۇتتىقتادى

لي كىچياڭ مەن شىعىس وڭتۇستىك ازيا ەلدەرى وداعىنىڭ كەزەكتى ٴتوراعا ەلى برۋنەيدىڭ سۇلتانى حاساننار ٴوزارا قۇتتىقتاۋ تەلەگرامما جولداپ، جۇڭگو مەن شىعىس وڭتۇستىك ازيا ەلدەرى وداعىنىڭ سۇحپات قاتىناس ورناتقاندىعىنىڭ 30 جىلدىعىن اتاپ ٴوتتى.