ورتالىق ۇيىمداستىرۋ ٴبولىمى ورتالىق كوميتەت اتىنان پارتيا جارناسىنان 20 ميلليون يۋان بوساتىپ، حىنان ولكەسىنىڭ تاسقىننان ساقتانۋ ، اپاتتان قۇتقارۋ قىزمەتىنە قولداۋ كورسەتتى
ٴوز حابارىمىز. تاياۋدا ورتالىق ۇيىمداستىرۋ ٴبولىمى ورتالىق كوميتەت اتىنان پارتيا جارناسىنان حىنان ولكەسىنە 20 ميلليون يۋان ارناۋلى قارجى ٴبولىپ بەرىپ، تاسقىننان ساقتانۋ، اپاتتان قۇتقارۋ قىزمەتىن قولداۋعا جۇمسادى.
ورتالىق ۇيىمداستىرۋ ٴبولىمى مىنالاردى تالاپ ەتتى : حىنان قاتارلى اپاتقا ۇشىراعان رايوندارداعى ٴار دارەجەلى ۇيىمداستىرۋ تاراۋلارى باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، ىرىقتىلىقپەن جاۋاپكەرشىلىك ارقالاپ ، اتويلاپ الدا ٴجۇرىپ ، نەگىزگى ساتى پارتيا ۇيىمدارى مەن قالىڭ پارتيا مۇشەلەرىن ، كادرلاردى جاۋىنگەر قورعاندىق رولى مەن اۆانگارد ۇلگىلىك رولىن تولىق ساۋلەلەندىرۋگە ۇندەپ جانە باستاپ ، تاسقىننان ساقتانۋ ، اپاتتان قۇتقارۋ ، اپاتتان كەيىنگى قايتا قۇرۋ قاتارلى قىزمەتتەردى بار كۇشپەن ويداعىداي ىستەپ ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن شىنايى قامتاماسىزداندىرۋ كەرەك.
ورتالىق ۇيىمداستىرۋ ٴبولىمى بىلاي دەپ باسا دارىپتەدى : بۇل پارتيا جارناسىن دەر كەزىندە نەگىزگى ساتىعا بەرىپ، ارناۋلى قارجىنى ٴوز ورنىنا جۇمساپ، نەگىزىنەن تاسقىننان ساقتانۋ، اپاتتان قۇتقارۋدىڭ ٴبىرىنشى شەبىندە شايقاس جاساپ جاتقان نەگىزگى ساتى پارتيا مۇشەلەرىنەن، كادرلارىنان جانە بۇقاراسىنان حال سۇراۋعا، اپات اۋىر بولعاندىقتان تۇرمىسىندا قيىنشىلىق تۋىلعان پارتيا مۇشەلەرىنەن ، بۇقارادان حال سۇراۋعا جۇمساۋ كەرەك.
اۋدارعان: كۇلان ىرىسباي قىزى
