ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

مەملەكەتتىك 14-كەزەكتى سپورت جارىسىنىڭ دايىندىق قىزمەتتەرى نەگىزىنەن ورىندالىپ بولدى

来源:جۇڭگو قازاق راديو تورابى     |责编:阿依娜古丽|     发布日期: 2021-09-14 09:22

 

ٴوز حابارىمىز. 14-كەزەكتى مەملەكەتتىك سپورت جارىسى 9-ايدىڭ 15-كۇنى شي-اندا رەسمي باستالادى. قازىر ٴتۇرلى دايىندىق قىزمەتتەر ىستەلىپ بولدى.


    وسى رەتكى مەملەكەتتىك سپورت جارىسىن قارسى الۋ ٴۇشىن، شانشي ولكەسى بۇكىل ولكەدەگى 13 قالا رايونعا ورنالاسقان 53 الاڭ-ساراي قۇرىلعىلارىن جاڭادان نەمەسە وزگەرتىپ سالدى.


    ەندى عانا جاڭالانعان شي-ان ورتا مەكتەبىنىڭ دەنە-تاربيە سارايى 14-كەزەكتى سپورت جارىسى ەرلەر ۆاليبول جارىسىنىڭ U20 جارىسىن ۇستىنە الدى، قازىر بارلىق دايىندىق قىزمەتتەر تولىق ورىندالىپ بولدى، 9-ايدىڭ 14-كۇنى العاشقى جارىس وتكىزىلەدى. 14-كەزەكتى مەملەكەتتىك سپورت جارىسى ەرلەر ۆاليبول جارىسى U20 جارىسىن اتقارۋ كوميتەتىنىڭ مەڭگەرۋشىسى، شي-ان قالاسى اشۋ رايونىن باسقارۋ كوميتەتىنىڭ قاتىستى جاۋاپتىسى چيان حۋۋي بىلاي دەدى: جابدىقتار تۇگەلدەي سىناق ەتىلىپ بولدى، الاڭ-سارايلاردىڭ اماندىعىن ساقتاۋ، ٴورت ٴوشىرۋ، جارىقتاندىرۋ، كوپ مەديا سياقتى قاتتى بولشەك جۇيەسى مەن ٴتۇرلى جارىس اسپاپتارىن كوپ رەت سىناق ەتۋ جانە قامتاماسىزداندىرۋ جاتتىعۋى ورىندالىپ بولدى، سونداي-اق مەرزىم بويىنشا قورعاۋ، كۇتىمدەۋ جۇمىستارى ىستەلىپ، جارىس شارت-جاعدايى تولىق ازىرلەندى.
جۇقپالى اۋرۋلاردان ساقتانۋ جانە ونى تىزگىندەۋ تالابىنا ساي، مەملەكەتتىك سپورت جارىسى كەزىندە، 14-كەزەكتى سپورت جارىسىن ۇيىمداستىرۋ كوميسسياسى جارىسقا قاتىستى ادامداردى «ٴتۇيىندى» تاسىمالداپ، بۇكىلدەي جابىق باسقارۋ جۇرگىزەدى. قازىر سپورتشىلار قىستاعىنداعى ەمدەۋ قىزمەت وتەۋ ورتالىعى، تەحنيكالىق ٴمانساپتىلار قىستاعى جانە اقپارات قۇرالدارى قىستاعى ەمدەۋ پۋنكتى، 14-كەزەكتى سپورت جارىسىندا تەمپۋراتۋراسى ورلەگەندەردى قابىلداۋ ورنى سياقتىلار ىسكە قوسىلدى.


    9-ايدىڭ 13-كۇنىنە دەيىن، 14-كەزەكتى سپورت جارىسىنىڭ تەحنيكالىق ٴمانساپتىلار قىستاعىنا سپورت جارىسىنىڭ تورەشىسى جانە باقىلاۋشىسى بولاتىن 1885 ادام ورنالاستى. اۋرۋدان ساقتانۋ تالابى بويىنشا، تەحنيكالىق ٴمانساپتىلار قىستاعى جابىق باسقارىلىپ، وسىنداعى بارلىق ادام ەكى كۇندە ٴبىر رەت نۋكلەين قىشقىلىن تەكسەرتەدى.

اۋدارعان: گۇلنۇر قابىلقاق قىزى

中央广播电视总台 央广网 版权所有

مەملەكەتتىك 14-كەزەكتى سپورت جارىسىنىڭ دايىندىق قىزمەتتەرى نەگىزىنەن ورىندالىپ بولدى

14-كەزەكتى مەملەكەتتىك سپورت جارىسى 9-ايدىڭ 15-كۇنى شي-اندا رەسمي باستالادى. قازىر ٴتۇرلى دايىندىق قىزمەتتەر ىستەلىپ بولدى.