ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

فۋجيان ولكەسىنىڭ پۋتيان، شيامىن قالالارى جۇقپالى اۋرۋدىڭ ەڭ جاڭا ينفورماتسياسى مەن ساقتانۋ شارالارىن حابارلاندىردى

来源:جۇڭگو قازاق راديو تورابى     |责编:阿依娜古丽|     发布日期: 2021-09-14 09:28

 

ٴوز حابارىمىز. فۋجيان ولكەسىنىڭ پۋتيان قالاسى، شيامىن قالاسى 9-ايدىڭ 13-كۇنى كەشتە جەكە-جەكە اقپارات جاريالاۋ ٴماجىلىسىن اشىپ، جۇقپالى اۋرۋدان ساقتانۋ جانە ونى تىزگىندەۋدىڭ ەڭ جاڭا ينفورماتسياسىن حابارلاندىردى، 9-ايدىڭ 13-كۇنى كەشكى ساعات 8 گە دەيىن پۋتيان قالاسى جاڭا تيپتى ايدارشا ۆيرۋسپەن جۇعىمدالعان 79 ادامنىڭ نۋكلەين قىشقىلىنىڭ بولىمدى ەكەندىگىن، مۇنىڭ ىشىندە 58 ناۋقاستىڭ دياگنوزىنىڭ تۇراقتانعانىن، اۋرۋ بەلگىسى جوق 21 ادامنىڭ بارلىعىن مالىمدەدى. 9-ايدىڭ 13-كۇنى كەشكى ساعات 6 عا دەيىن فۋجيان ولكەسىنىڭ شيامىن قالاسىندا 12 ناۋقاسقا دياگنوز قويىلدى.


    پۋتيان قالاسىنىڭ جۇقپالى اۋرۋدان ساقتانۋ-تىزگىندەۋ جونىندەگى اقپارات جاريالاۋ ماجىلىسىندە پۋتيان قالاسىنىڭ شيانيوۋ اۋدانى 9-ايدىڭ 14-كۇنىنەن باستاپ بارلىق ادامداردىڭ 2-كەزەكتى نۋكلەين قىشقىلىن تەكسەرۋدى ورىستەتتى. فۋجيان ولكەسى پۋتيان قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ياۋ بيڭشان بىلاي دەدى: 13-قىركۇيەك ساعات 20 عا دەيىن، حاۋىپ-قاتەرى جوعارى فىڭتيڭ قالاشىعىندا نۋكلەين قىشقىلىن جالپى بەتتىك تەكسەرۋ ەكى رەت جۇرگىزىلىپ، ەندى 3-كەزەك تەكسەرۋ ورىستەتىلۋدە، بۇكىل اۋدانداعى 855 مىڭ 373 ادامنان نۋكلەين قىشقىلىنان ۇلگى الۋ جۇمىسى ورىندالىپ، 548 مىڭ 740 ادام تەكسەرىلىپ بولدى، قالعاندارىنىڭ ناتيجەسى تاڭ سارىدە تۇگەل شىعادى.


    نازار اۋدارۋعا تاتيتىنى، شيامىن ۋنيۆەرسيتەتىنە قاراستى 1 - دوحتىرحانا نۋكلەين قىشقىلىن داعدىلى تەكسەرۋ بارىسىندا ٴبىر بولىمدى ناۋقاستى بايقادى، قازىر وسى دوحتىرحانا سىرتقا قاراتا ەمدەۋ قىزمەتىن ۋاقىتشا توقتاتتى. شيامىن قالاسىنىڭ ورىنباسار باستىعى لياۋ حۋاشىڭ بىلاي دەدى: دوحتىر، سەسترا، بالنيتساعا جاتقان ناۋقاس، كۇتۋشى قاتارلىلاردى قامتىعان10 مىڭ 355 ادامنىڭ نۋكلەين قىشقىلى تۇندەلەتىپ تەكسەرىلىپ، ورىندالۋ مولشەرى %100 بولىپ، بارلىعى بولىمسىز بولدى.


    قازىر فۋجيان ولكەلىك دەنساۋلىق ساقتاۋ، سالاماتتىق كوميتەتى بۇكىل ولكەدەگى 2079 ەمدەۋ قىزمەتكەرىن، يادرو قىشقىلىن جىلجىمالى تەكسەرەتىن 4 اۆتوموبيلدى اتتانىسقا كەلتىرىپ، پۋتياننىڭ جۇقپالى اۋرۋدان ساقتانۋ-تىزگىندەۋ قىزمەتىن بار كۇشپەن قولدادى. ەكى جەر قاتىستى شارالار قولدانىپ، جۇقپالى اۋرۋدىڭ ٴورشۋىن، كەڭەيۋىن تەجەدى.


    پۋتيان قالاسىنىڭ ورىنباسار باستىعى حۋ گوفاڭ بىلاي دەدى: پۋتيان نۋكلەين قىشقىلىن تەكسەرۋ مەن تارالمالى اۋرۋدى تەكسەرۋدى بارىنشا كۇشەيتىپ، جۇقپالى اۋرۋدىڭ تارالۋىن تەز ارادا توستى. قازىر 177 ادامدىق تارالمالى اۋرۋدى تەكسەرۋ گرۋپپاسىن ۇيىمداستىرىپ، جىلجىمالى تەكسەرۋ قىزمەتىن جاپپاي ورىستەتتى، قازىر نەگىزگى تۇرمىستىق بۇيىمدار جەتكىلىكتى، باعا تۇراقتى.


    شيامىن قالاسىنىڭ ورىنباسار باستىعى لياۋ حۋاشىڭ بىلاي دەدى : ٴبىرىنشى، بۇكىل قالادا جۇقپالى اۋرۋدان ساقتانۋ-تىزگىندەۋ قىزمەتى ورىستەتىلىپ، ادامداردىڭ اعىلىمى زور كۇشپەن ازايتىلدى، ەكىنشى، تارالمالى اۋرۋ قاينارىن تەكتەۋ تەزدەتىلىپ، جۇعىمدالۋشىلار جاپپاي تەكسەرىلدى، ٴۇشىنشى، حاۋىپ ـ قاتەر ٴوڭىرىن باسقارۋدى كۇشەيتىپ، رايوندارعا، دارەجەگە ٴبولىپ باسقارۋ، تىزگىندەۋ شارالارى اتقارىلدى.

شيامىن قالاسىنىڭ جۇقپالى اۋرۋعا توتەپ بەرۋ قىزمەتىنە قولباسشىلىق ەتۋ شتابى 9-ايدىڭ 13-كۇنى كەشتە حابارلاندىرۋ جاريالاپ بىلاي دەدى، بۇكىل قالاداعى تۇرعىندار شاعىن رايونىندا، قىستاقتاردا جابىق باسقارۋدى جولعا قويىلىپ، ادامدار اعىلىمى ازايتىلادى. قالا تۇرعىندارى مەن بۇقارانىڭ شۇعىل جاعدايى بولماسا شيامىن قالاسىنان كەتۋىنە جول قويىلمايدى. 9 -ايدىڭ 14-كۇنى ساعات نولدەن باستاپ، شيامنان كەتۋ راسىندا قاجەت بولسا، دەنساۋلىق شارت تاڭباسى ٴارى 48 ساعات ىشىندەگى نۋكلەين قىشقىلىن تەكسەرۋ بولىمسىز كۋالىگى بولۋ كەرەك.

اۋدارعان: كۇلان ىرىسباي قىزى

中央广播电视总台 央广网 版权所有

فۋجيان ولكەسىنىڭ پۋتيان، شيامىن قالالارى جۇقپالى اۋرۋدىڭ ەڭ جاڭا ينفورماتسياسى مەن ساقتانۋ شارالارىن حابارلاندىردى

فۋجيان ولكەسىنىڭ پۋتيان قالاسى، شيامىن قالاسى 9-ايدىڭ 13-كۇنى كەشتە جەكە-جەكە اقپارات جاريالاۋ ٴماجىلىسىن اشىپ، جۇقپالى اۋرۋدان ساقتانۋ جانە ونى تىزگىندەۋدىڭ ەڭ جاڭا ينفورماتسياسىن حابارلاندىردى