ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

تايفىڭ داۋىلى «ساندۋ» تەڭىز بەتىندە سوققاننان كەيىن شاڭحايدان جىراقتادى

来源:جۇڭگو قازاق راديو تورابى     |责编:阿依娜古丽|     发布日期: 2021-09-14 09:32

 

ٴوز حابارىمىز. بيىل «ساندۋ» اتتى 14-ٴنومىرلى تايفىڭ داۋىلىنىڭ ىقپالىنان 9-ايدىڭ 13-كۇنىنەن 15-كۇنىنە دەيىن جياڭسۋ، جىجياڭ، شاڭحاي قاتارلى جەرلەردە ٴۇرتىس بوران سوعىپ نوسەر قۇيدى. سۋ يگىلىگى مينيسترلىگى 9-ايدىڭ 13-كۇنى نوسەرلى جاڭبىردان، تاسقىننان ساقتانۋ قىزمەتىنە تاعى ٴبىر رەت ورنالاستىرىپ، تاسقىن جانە قۋاڭشىلىق اپاتىنان ساقتانۋ 4-دارەجەسىندەگى شۇعىل جاعدايعا توتەپ بەرۋ ۇندەۋىن باستادى.


    اۋا رايى تاراۋلارىنىڭ مەجەلەۋىنشە،«ساندۋ» تايفىڭ داۋىلى ساعاتىنا 5 تە 10 كيلومەتر جىلدامدىقپەن سولتۇستىكتەن قيىس باتىسقا قاراي باياۋ جىلجيدى. 14-كۇنىنەن 15-كۇنىنە دەيىن كۇندىز، «ساندۋ» چاڭجياڭ ساعاسىنىڭ سىرتقى تەڭىزى ماڭىنداعى تەڭىز ايدىنىندا سوعادى نەمەسە باياۋ جىلجيدى، 9-ايدىڭ 15-كۇنى تۇننەن باستاپ شىعىس قيىس سولتۇستىككە قاراي جىلجيدى، كۇشەمەلىلىگى بىرتىندەپ السىرەيدى.


    شاڭحاي قالاسىندا 9-ايدىڭ 13-كۇنى كەشكى ساعات 6 عا دەيىن 331 مىڭ ادام حاۋىپسىز جەرگە جوتكەلدى، ساياحات كورىنىس رايوندارى، ساۋىق -سايران ورىندارى 9-ايدىڭ 14-كۇنى جابىلدى، ورتا، باستاۋىش مەكتەپ، بالالار باقشاسى ساباق توقتاتتى. بۇدان سىرت، جياڭسۋ ولكەسى نانتۇڭ قالاسىنداعى بارلىق ورتا، باستاۋىش مەكتەپتەر مەن بالالار باقشاسى9-ايدىڭ 14-كۇنى ساباق توقتاتتى.


    اۋا رايىنان الدىن الا مالىمەتكە نەگىزدەلگەندە، «ساندۋ» تايفىڭ داۋىلىنىڭ جالپى بەتالىسى السىرەپ، كەزەكشى ايروپلاننىڭ قاتىناۋىنا جاسايتىن ىقپالى مەجەمەن بارىنشا تومەندەيدى، جىجياڭ ولكەسىنىڭ حاڭجوۋ، ۋىنجوۋ، تايجوۋ اۋەجايلارىنىڭ كەزەكشى ايروپلانى 9-ايدىڭ 13-كۇنى كەشتە قالپىنا كەلدى. ٴتىلشىنىڭ شاڭحاي اۋەجاي توبىنان ۇعىسۋىنشا،«ساندۋ» اتتى تايفىڭ داۋىلىنىڭ قازىرگى ٴوتۋ جول مەجەسىنە نەگىزدەلگەندە، شاڭحاي قالاسىنىڭ پۋدۇڭ جانە حۇڭچياۋ اۋەجايى 9-ايدىڭ 14-كۇنىنەن باستاپ بىرتىندەپ قالپىنا كەلەدى.

اۋدارعان: كۇلان ىرىسباي قىزى

中央广播电视总台 央广网 版权所有

تايفىڭ داۋىلى «ساندۋ» تەڭىز بەتىندە سوققاننان كەيىن شاڭحايدان جىراقتادى

بيىل «ساندۋ» اتتى 14-ٴنومىرلى تايفىڭ داۋىلىنىڭ ىقپالىنان 9-ايدىڭ 13-كۇنىنەن 15-كۇنىنە دەيىن جياڭسۋ، جىجياڭ، شاڭحاي قاتارلى جەرلەردە ٴۇرتىس بوران سوعىپ نوسەر قۇيدى