ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ۋاڭ ياڭ مەملەكەتتىك ساياسي كەڭەس ٴتوراعالارىنىڭ ٴماجىلىسىن باسقارىپ اشتى

来源:جۇڭگو قازاق راديو تورابى     |责编:阿依娜古丽|     发布日期: 2021-09-14 09:46


    ٴوز حابارىمىز. ساياسي كەڭەس مەملەكەتتىك 13-كەزەكتى كوميتەتىنىڭ 59 ـ رەتكى ٴتوراعالار ٴماجىلىسى 9-ايدىڭ 13 ـ كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى ءارى ءسوز سويلەدى.


    ماجىلىستە مەملەكەتتىك ساياسي كەڭەستىڭ ۇسىنىس جوبا كوميتەتىنىڭ، ەكونوميكا كوميتەتىنىڭ، اۋىل شارۋاشىلىعى جانە اۋىل-قىستاق كوميتەتىنىڭ 2021-جىلى ارناۋلى دەموكراتيالىق باقىلاۋ قىزمەتىن ورىستەتۋ جاعدايى جونىندەگى مالىمەتى تىڭدالدى.


    ۋاڭ ياڭ مىنالاردى ايتتى : پارتيا 18 ـ قۇرىلتايىنان بەرى، پارتيا ورتالىق كوميتەتى حالىق ساياسي كەڭەسىنىڭ دەموكراتيالىق باقىلاۋ رولىن ساۋلەلەندىرۋگە ايرىقشا ٴمان بەردى، باس شۋجي شي جينپيڭ تالاي رەت ماڭىزدى ٴسوز سويلەپ، ٴبىر قىدىرۋ ماڭىزدى نۇسقاۋ بەرىپ، جاڭا داۋىردەگى ساياسي كەڭەستىڭ دەموكراتيالىق باقىلاۋ قىزمەتىن ويداعىداي ىستەۋگە ايقىن باعدار كورسەتتى. ج ك پ ورتالىق كوميتەتىنىڭ بەكىتۋىمەن بيىل مەملەكەتتىك ساياسي كەڭەس «14-بەسجىلدىق» جوسپاردى اتقارۋدى توڭىرەكتەي وتىرىپ دەموكراتيالىق باقىلاۋ قىزمەتىن ورىستەتۋ جوسپارىن جاسادى، ارناۋلى كوميتەتتەر جىل باسىندا بەلگىلەنگەن دەموكراتيالىق باقىلاۋ ٴتۇيىندى تاقىرىپتارى بويىنشا مۇقيات ۇيىمداستىرىپ اتقارىپ، قۇلشىنا ىزدەنىس جاساپ، العاشقى ادىمدا ىلگەرىلەۋشىلىككە قول جەتكىزدى.


    ۋاڭ ياڭ مىنالاردى باسا دارىپتەدى: «14 ـ بەسجىلدىق» جوسپاردىڭ دايەكتى اتقارىلۋىن ىلگەرىلەتۋدى باستان-اياق مىقتى يگەرىپ، دەموكراتيالىق باقىلاۋدى ورىستەتۋ؛ ناقتى ماسەلەلەردەن باستاپ كىرىسىپ، ىشكەرىلەي تەكسەرۋ ـ زەرتتەۋ جۇرگىزىپ، ماسەلەنىڭ ٴتۇيىنىن ٴداپ باسىپ تابۋ؛ ىشكەرىلەي كەڭەسىپ، اۋىس ـ كۇيىس جاساپ، اناعۇرلىم دالمە ـ ٴدال، تارتىمدى باقىلاۋ ۇسىنىسىن العا قويۋ كەرەك. ساياسي كەڭەستىڭ دەموكراتيالىق باقىلاۋ ەرەكشەلىگىن دۇرىس يگەرىپ، «باقىلاۋدى كەڭەسۋگە ٴسىڭىرۋ» ٴتاسىلىن جانە ٴادىسىن قاراستىرۋ؛ تاجىريبەلەردى ۇزدىكسىز قورىتىندىلاۋ؛ ٴوزارا اۋىس ـ كۇيىس جاساپ، ۇلگى الىپ، ساياسي كەڭەستىڭ دەموكراتيالىق باقىلاۋ ناقتى ونىمدىلىگىن قۇلشىنا جوعارىلاتۋ كەرەك.


    ٴتوراعالار ماجىلىسىندە 2021 ـ جىلعى 3 ـ رەتكى كوللەكتيۆ ۇيرەنۋ وتكىزىلدى، مەملەكەتتىك ساياسي كەڭەستىڭ مۇشەسى، چيڭحۋا ۋنيۆەرسيتەتى مەملەكەت تانۋ عىلىمىن زەرتتەۋ ورنىنىڭ باستىعى چىن لاي ۇسىنىس بويىنشا «جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋ، دامىتۋ جانە جاسامپازدىقپەن پايدالانۋ» تاقىرىبىندا بايانداما جاسادى.


اۋدارعان: قاناتبەك جۇماباي ۇلى

中央广播电视总台 央广网 版权所有

ۋاڭ ياڭ مەملەكەتتىك ساياسي كەڭەس ٴتوراعالارىنىڭ ٴماجىلىسىن باسقارىپ اشتى

ساياسي كەڭەس مەملەكەتتىك 13-كەزەكتى كوميتەتىنىڭ 59 ـ رەتكى ٴتوراعالار ٴماجىلىسى 9-ايدىڭ 13 ـ كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى ءارى ءسوز سويلەدى.