ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

لي كىچياڭ بەيجيڭ شيەحى ەمحاناسىندا قىزمەت تەكسەردى ٴارى مەديتسينا ماماندارىنىڭ اڭگىمە ٴماجىلىسىن اشتى

来源:جۇڭگو قازاق راديو تورابى     |责编:阿依娜古丽|     发布日期: 2021-09-15 09:51

 

ٴوز حابارىمىز. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 9-ايدىڭ 13-كۇنى بەيجيڭ شيەحى ەمحاناسىنا بارىپ قىزمەت تەكسەردى ٴارى مەديتسينا ماماندارىنىڭ اڭگىمە ٴماجىلىسىن اشىپ، ەمدەۋ، دەنساۋلىق ساقتاۋ ىستەرىنىڭ دامۋى جانە جاڭالىق جاراتۋ جونىندەگى ۇسىنىس ـ پىكىرلەردى تىڭدادى.


    ول مىنالاردى باسا دارىپتەدى: شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتى مەن مەملەكەتتىك كەڭەستىڭ شەشىم ورنالاستىرۋلارىن دايەكتىلەندىرىپ، حالىقتى بارىنەن جوعارى قويىپ، ٴومىردى قاستەرلەۋگە تاباندى بولىپ، حالىقتىڭ سالاماتتىعىن قامتاماسىز ەتۋدى حالىق تۇرمىسىنىڭ قۇت-ىرىسىن ارتتىرۋدىڭ ماڭىزدى مازمۇنى ەتىپ، مەديتسينا ورەسىن باتىلدىقپەن جوعارى دەڭگەيگە كوتەرىپ، ەمدەۋ، دەنساۋلىق ساقتاۋعا قىزمەت كورسەتۋ ساپاسى مەن دەڭگەيىن ۇزدىكسىز جوعارىلاتۋ كەرەك.


    لي كىچياڭ الدىمەن ەمحانانىڭ ساقا ماماندارىنا امانداسا بارىپ، ولاردان حال سۇرادى.


    لي كىچياڭ ەمحانانىڭ عىلمي سارايىندا «عاسىرلىق سەلبەستىك جانە اۋرۋ تاريحى كورمەسىن» ەكسكۋرسيالاپ، كورمە تاقتالارىن كوزدەن كەشىرىپ، تانىستىرۋدى تىڭدادى. ول بىلاي دەدى: شيەحى ەمحاناسى ەلىمىزدىڭ وسى زامانعى مەديتسينا جانە مەديتسينا وقۋ-اعارتۋىنىڭ دامۋىنا جاسامپازدىق ۇلەس قوسىپ، تالاي جىلدان بەرى كوپتەگەن اۋرۋ ـ سىرقاۋلاردى، اسىرەسە، قيىن، سالماقتى ناۋقاستاردى ٴساتتى قۇتقاردى. تاڭداۋلى ٴداستۇردى ۇزدىكسىز ساۋلەلەندىرىپ، ناۋقاستاردىڭ جانە ناۋقاس وتباسىنداعىلاردىڭ سەنىم ارتاتىن ەمحاناسى بولىپ جالعاستى قۇلشىنۋىن ٴۇمىت ەتەمىن.


    اڭگىمە ماجىلىسىندە جاڭ شۋياڭ، ۋ پيشين، چيۋ گۇيشيڭ، جۋ لان، ۋ دۇڭ، لاڭ جيڭحى قاتارلى ماماندار ٴسوز سويلەدى. لي كىچياڭ بىلاي دەدى: مەديتسينا عىلىمى ادامزاتقا، دەنساۋلىققا، تىرشىلىككە تىكەلەي بايلانىستى، سوندىقتان، شيپاگەرلىك ٴمورال توتەنشە ماڭىزدى. جۇڭگونىڭ ەرتە زامانعى تاڭداۋلى شيپاگەرلىك ٴمورالدىق داستۇرى جانە وسى زامانعى اق حالاتتى پەرىشتەلەردىڭ شيپاگەرلەرلىك مەيىرىمنەن ايىرىلماۋى-بۇقارانىڭ دەنساۋلىعىن قورعاۋ سۇيىسپەنشىلىگىن ايگىلەدى. بۇقارانىڭ تۇرمىس ورەسىنىڭ جوعارىلاۋىنا بايلانىستى، دەنساۋلىققا بولعان قاجەتى دە كۇن سايىن ارتىپ كەلەدى، قالىڭ ەمدەۋ قىزمەتكەرلەرى اجالعا اراشاشى، جارالىعا مەدەت بەرۋ وسكەلەڭ مىندەتىن ارقالاپ وتىر، ناۋقاستى ماڭداي الدى ورىنعا قويىپ، ومىرگە قۇرمەت ەتىپ، مەيىر باعىشتاۋ ارقىلى شيپاگەرلىك شىڭىنا قول جەتكىزۋ كەرەك.


    لي كىچياڭ بىلاي دەپ اتاپ كورسەتتى: شيپاگەرلىك ونەرگە جاتىلۋ- عىلمي رۋح پەن كاسىپتىك رۋحتان ايرىلا المايدى. قالىڭ ەمدەۋ قىزمەتكەرلەرى مەديتسيناعا جان تانىمەن بەرىلىپ، تاباندىلىقپەن ىزدەنىس جاساپ، ٴاربىر ناۋقاستىڭ دەنساۋلىق جاعدايىن جتى قاداعالاپ، نەگىزدى بەكەمدەپ، شيپاگەرلىك ماماندىقتى قۇلشىنا زەرتتەپ، قيىن، سالماقتى ناۋقاستاردى كوزدە ۇستاي وتىرىپ، ەڭ تاماشا ەمدەۋ جوباسىن بەلسەنە قاراستىرۋ كەرەك. حالىقارالىق اۋىس ـ كۇيىس پەن سەلبەستىكتى كۇشەيتىپ، كلينيكالىق ەمدەۋدىڭ جاڭا تەحنيكاسىن، جاڭا دارىلەرىن، جاڭا ادىستەرىن ۇزدىكسىز قاراستىرۋ، جاڭالاۋ كەرەك. مەملەكەت جوعارى مەكتەپتەردىڭ، عىلمي زەرتتەۋ ورىندارىنىڭ جاڭالىق جاراتۋىن قولداۋمەن بىردەي ساياسات قولدانىپ، ٴبىر توپ جوعارى دەڭگەيدەگى ەمحانالاردىڭ حالىقارالىق ماڭداي الدى ورىندى كوزدەپ، نازاردى اۋرۋدى ەمدەۋ قاجەتىنە شوعىرلاندىرىپ، كلينيكالىق مەديتسينالىق زەرتتەۋ مەن جەتىستىكتەردى وندىرگىش كۇشكە اينالدىرۋ جاعىندا الدىڭعى لەكتە ٴجۇرىپ، ەمدەۋ دەڭگەيىن جوعارىلاتۋىنا قولداۋ كورسەتەدى. كەزەكتەگى جاڭا تيپتى ايدارشا ۆيرۋسى ٴتۇرىنىڭ شاپشاڭ وزگەرىسى سياقتى جاعدايلارعا مەڭزەس، تاجىريبەلەردى ۇزدىكسىز قورىتىندىلاپ، ەمدەۋ جوباسىن ساپالاندىرىپ، ۆاكسينانى ۇزدىكسىز كەمەلدەندىرۋ، اسىرەسە، ٴونىمدى ٴدارى ـ دارمەكتەردى زەرتتەۋ ـ اشۋ تەبىنىن ارتتىرىپ، ەمدەۋ ونىمدىلىگىن اناعۇرلىم جوعارىلاتۋ كەرەك.


    لي كىچياڭ بىلاي دەدى: ساپالى ەمدەۋ قىزمەت وتەۋىنىڭ بۇقاراعا اناعۇرلىم ويداعىداي تيىمدىلىك جاساۋىن ىلگەرىلەتۋ كەرەك. جوعارى دەڭگەيدەگى ەمحانالار رايونعا بولىنگەن وڭىرلىك ەمدەۋ ورتالىعىن، ەمدەۋ بىرىككەن تۇلعاسىن قۇرۋدا باستاماشىلدىق رولىن ساۋلەلەندىرىپ، ورتا، باتىس بولەكتەگى رايوندار مەن نەگىزگى ساتى، الەۋمەتتىك اۋماق ەمدەۋ قۇرىلىمدارىنىڭ دەڭگەيىن جوعارىلاتۋعا جەتەكشىلىك ەتىپ، ينتەرنەت پەن ەمدەۋدى سايكەستىرە دامىتىپ، نەگىزگى ساتىداعى، اسىرەسە، شەت ـ شالعاي وڭىرلەردەگى ناۋقاستاردىڭ ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاساۋ كەرەك. ەمدەۋ، ٴدارى ـ دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتىپ، وسى زامانعى ەمحانا باسقارۋ ٴتۇزىمىن ورناتۋ سياقتى رەفورما مىندەتتەرىن جوعارى ولشەممەن ويداعىداي تياناقتاندىرىپ، ەمدەلۋ قيىن بولۋ، ەمدەلۋ قىمبات بولۋ ماسەلەسىن اناعۇرلىم باسەڭدەتۋ كەرەك.


اۋدارعان: شالقار قازەز ۇلى

中央广播电视总台 央广网 版权所有

لي كىچياڭ بەيجيڭ شيەحى ەمحاناسىندا قىزمەت تەكسەردى ٴارى مەديتسينا ماماندارىنىڭ اڭگىمە ٴماجىلىسىن اشتى

لي كىچياڭ بەيجيڭ شيەحى ەمحاناسىنا بارىپ قىزمەت تەكسەردى ٴارى مەديتسينا ماماندارىنىڭ اڭگىمە ٴماجىلىسىن اشىپ، ەمدەۋ، دەنساۋلىق ساقتاۋ ىستەرىنىڭ دامۋى جانە جاڭالىق جاراتۋ جونىندەگى ۇسىنىس ـ پىكىرلەردى تىڭدادى.