ٴوز حابارىمىز. مەملەكەتتىك كەڭەس تاياۋدا «2021-جىلدان 2030-جىلعا دەيىنگى جۇڭگو ايەلدەر ٴىسىن دامىتۋ پروگرامماسىن» جانە «2021-جىلدان 2030-جىلعا دەيىنگى جۇڭگو بالالار ٴىسىن دامىتۋ پروگرامماسىن» باسىپ تاراتتى. 

    پارتيانىڭ 18-قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى ايەلدەر مەن بالالار سونداي-اق وتباسى قىزمەتىنە ايرىقشا ءمان بەرىپ، ايەلدەر مەن بالالار ىستەرىندە تاريحي جاڭا تابىسقا قول جەتكىزدى. اتالعان ەكى پروگرامما پارتيا 19-قۇرىلتايىنىڭ جانە پارتيا 19-كەزەكتى ورتالىق كوميتەتىنىڭ ەكىنشى، ٴۇشىنشى، ٴتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ماركسيزم-لەنينيزم، ماۋ زىدۇڭ يدەياسى، دىڭ شياۋپيڭ نازارياسى، ۇشكە ۋاكىلدىك ەتۋ ماڭىزدى يدەياسى، عىلمي دامۋ كوزقاراسى، شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا دامۋ تانىمىن تاباندىلىقپەن دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، ايەلدەر مەن بالالار ٴىسىن دامىتۋدىڭ جۇڭگوشا سوتسياليستىك جولىمەن جۇرۋگە تاباندى بولىپ، الداعى 10 جىلداعى ايەلدەر مەن بالالار ٴىسىن دامىتۋدىڭ نىسانا-مىندەتتەرى جوسپارلانىپ ورنالاستىرىلدى. 

    ايەلدەر ٴىسىن دامىتۋ پروگرامماسىندا دەنساۋلىق، وقۋ-اعارتۋ، ەكونوميكا، شەشىم جاساۋ جانە باسقارۋعا قاتىناسۋ، قوعامدىق قامتاماسىزداندىرۋ، وتباسى قۇرىلىسى، قورشاعان ورتا، زاڭ سىندى 8 سالا ارقاۋ ەتىلىپ، 75 ٴتۇرلى نەگىزگى نىسانا مەن 93 ٴتۇرلى تاكتيكالىق شارا العا قويىلدى. بالالار ٴىسىن دامىتۋ پروگرامماسىندا دەنساۋلىق، حاۋىپسىزدىك، وقۋ-اعارتۋ، يگىلىك، وتباسى، قورشاعان ورتا، زاڭ قورعاۋ سىندى 7 سالا ارقاۋ ەتىلىپ، 70 ٴتۇرلى نەگىزگى نىسانا مەن 89 ٴتۇرلى تاكتيكالىق شارا العا قويىلدى.

اۋدارعان : شالقار قازەز ۇلى