ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

عاسىرلىق كۇرەس-جاڭا جورىق: حالىق ٴۇشىن قىزمەت ىستەۋ ٴۇن قوسۋ مەحانيزمى كەمەلدەندىرىلىپ، حالىق تۇرمىسىنداعى قيىن ماسەلەلەر شىنايى شەشىلۋدە

来源:جۇڭگو قازاق راديو تورابى     |责编:阿依娜古丽|     发布日期: 2021-10-12 10:19

 

ٴوز حابارىمىز. پارتيا تاريحىن ۇيرەنۋ، يدەيانى وياتۋ، ناقتى ىستەر ىستەۋ، جاڭا جاعداي جاراتۋ ٴۇردىسى دابىرالى قانات جايعا وسىناۋ كۇندەردە، جەر ـ جەردە بۇقارامەن تىعىز قاتىستى ۇساق ىستەردەن باستاپ مىقتى يگەرىلىپ، حالىق ٴۇشىن قىزمەت ىستەۋ ٴۇن قوسۋ مەحانيزمى شىنايى كەمەلدەندىرىلىپ، حالىق تۇرمىسىنداعى قيىن ماسەلەلەر باعىتتامالى تۇردە شەشىلىپ، پارتيا تاريحىن ۇيرەنۋ تاربيەسىنە جانە قىزمەتىنە تەڭ ٴمان بەرىلىپ، حالىق تۇرمىسىمەن توعىسۋ ارقىلى ۇيرەنۋ جەتىستىكتەرىنەن بۇقارا ناقتى يگىلىككە كەنەلگەندىكتەرىن ايقىن سەزىنۋدە.


    انحۇي ولكەسى «14-بەسجىلدىق» كەزىندەگى حالىق ىستەرىن دامىتۋ جوباسىن جاساپ شىعىپ، قوعامدىق قۇتقارۋ، بالالار يگىلىگى، حالىق ىستەرى سياقتى «سەگىز ٴىرى قىزمەت وتەۋ جۇيەسىن» قۇرىپ، قوعامدىق قۇتقارۋدىڭ نەگىزگى ساتى نەگىزىن كۇشەيتۋ ينجەنەرياسى سياقتى «ون ٴىرى حالىق ٴۇشىن قىزمەت وتەۋ ينجەنەرياسىن» اتقاردى. انحۇي ولكەلىك حالىق ىستەرى مەڭگەرمەسىنىڭ باستىعى جاڭ دۇڭيۇن بىلاي دەدى: «انحۇي ولكەسىندە قارتتار كومەك جوسپارى» اتقارىلۋدا، مۇندا جاسى ۇلعايماعان قارت ەرىكتىلەر 80 جاستان اسقان قارتتارعا ٴوزارا كومەكتەسۋ، قامقورلىق جاساۋ نەگىزگى تاقىرىپ ەتىلگەن ەرىكتى قىزمەت وتەۋ جۇمىسى اتقارىلادى؛ ولكە بويىنشا اۋىل - قىستاقتاردا قارتتاردى كۇتىمگە الۋعا قىزمەت وتەۋ رەفورما سىناق ٴتۇيىن قىزمەتى ورىستەتىلەدى؛ قوعامدىق يىنجەنەريالار زەيىندەستىرىلىپ جۇرگىزىلىپ، 5 جىل ىشىندە انحۇي ولكەسىندە الەۋمەتتىك رايون ىستەرىن زەيىندەستىرىپ ىستەۋ جولىن تابۋعا قۇلشىنىس جاسالۋدا.


    نانجيڭ قالالىق قالا باسقارۋ مەكەمەسى الدىمەن بۇكىل قالاداعى ورگان اۋلاسىندا كولىك توقتاتۋ ورنىنان ورتاق يگىلىكتەنۋ سىناق ٴتۇيىن قىزمەتىن ورىستەتىپ، العاشقى توپتا ورتاق يگىلىكتەنەتىن 18 كولىك توقتاتۋ ورنىن اشىپ، كولىك توقتاتۋدى لەككە ٴبولىپ ورنالاستىرىپ، بۇكىل قالا تۇرعىندارىنا اشىق ۇستاۋدى اتقاردى. قالىپتى قىزمەت كۇندەرىندەگى كەشكى ساعات 6 دان كەلەسى كۇنى ساعات 8 گە دەيىن، اپتا سوڭىندا جانە زاڭدا بەلگىلەنگەن مەرەكە، دەمالىس كۇندەرىندە تۇتاس كۇنى بويى كولىك توقتاتۋعا بولادى، ٴار ايدا 150 يۋان عانا اقى تولەنەدى.


    نانجيڭ قالاسىندا شارت - جاعدايى بار ورگان، كاسىپورىن، ٴىس ورىندارىنان جالپى كولىك ورنىنىڭ % 20 مولشەرى سىرتقا اشىق ۇستالىپ ورتاق يگىلىكتەنۋ تالاپ ەتىلدى، 10-ايدىڭ سوڭىنا دەيىن نانجيڭدەگى ٴارقايسى رايون، قالا باسقارمالارى كولىك توقتاتۋ جاعدايىن ۇعىسىپ، جوعارىداعى كولىك توتقاتۋ ورتاق يگىلىك جوسپارىنىڭ اتقارىلۋ جاعدايىن مالىمدەپ، جىل سوڭىنا دەيىن قالا تۇرعىندارىنا ٴبىر توپ ورتاق يگىلىك كولىك ورنىن جاريالاۋعا جانە اشىق ۇستاۋعا كۇش سالۋدا.


    بيىل شينجياڭ حوتان اۋەجايىندا «قارتتاردىڭ زەيىندەستىرىلگەن تەحنيكادان پايدالانۋ قيىنشىلىعىن شەشۋ مىندەتىن ورىنداۋ تىزىمدىگى، بۇقاراعا ناقتى ىستەر ىستەۋ مىندەتىن ورىنداۋ تىزىمدىگى» تىڭنان جاسالىپ جانە اتقارىلىپ، ٴار ۇلت بۇقاراسىنا جولاۋشىلاۋ جاعىندا اناعۇرلىم دالمە ـ ٴدال، قولايلى قىزمەت وتەلدى. حوتان كەريا اۋەجاي باس ديرەكتورىنىڭ ورىنباسارى ليۋ تاۋ بىلاي دەدى: ٴبىز بيىل اۋەجاي عيماراتىندا جاۋاپتى ادامنىڭ تەلەفونىن، ارىز ـ شاعىم تەلەفونىن اشىق جاريالاپ، جاۋاپتى باسشىلاردىڭ تەلەفونىن اشىق ۇستاپ، جولاۋشىلاردىڭ ايروپلانعا شىعۋ بارىسىندا جولىققان قيىنشىلىقتارى مەن ماسەلەلەرىن شەشۋ ارناسىن ىركىلىسسىزدەندىردىك. جولاۋشىلار مەن قاريدارلاردىڭ قاجەتىن قىزمەت وتەۋ نىسانامىز ەتىپ بەلگىلەدىك.


اۋدارعان: قاناتبەك جۇماباي ۇلى

中央广播电视总台 央广网 版权所有

عاسىرلىق كۇرەس-جاڭا جورىق: حالىق ٴۇشىن قىزمەت ىستەۋ ٴۇن قوسۋ مەحانيزمى كەمەلدەندىرىلىپ، حالىق تۇرمىسىنداعى قيىن ماسەلەلەر شىنايى شەشىلۋدە

جەر ـ جەردە بۇقارامەن تىعىز قاتىستى ۇساق ىستەردەن باستاپ مىقتى يگەرىلىپ، حالىق ٴۇشىن قىزمەت ىستەۋ ٴۇن قوسۋ مەحانيزمى شىنايى كەمەلدەندىرىلىپ، حالىق تۇرمىسىنداعى قيىن ماسەلەلەر باعىتتامالى تۇردە شەشىلىپ، پارتيا تاريحىن ۇيرەنۋ تاربيەسىنە جانە قىزمەتىنە تەڭ ٴمان بەرىلىپ، حالىق تۇرمىسىمەن توعىسۋ ارقىلى ۇيرەنۋ جەتىستىكتەرىنەن بۇقارا ناقتى يگىلىككە كەنەلگەندىكتەرىن ايقىن سەزىنۋدە.