ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

ب م ۇ-نىڭ «ورگانيزمدەردىڭ الۋان تۇرلىلىگى شارتىن» جاساسقان جاقتار جينالىسىنىڭ 15-ماجىلىسىندە «كۇنميڭ جارناماسى» ماقۇلداندى

来源:جۇڭگو قازاق راديو تورابى     |责编:阿依娜古丽|     发布日期: 2021-10-14 09:54

 

ٴوز حابارىمىز. ب م ۇ - نىڭ «ورگانيزمدەردىڭ الۋان تۇرلىلىگى شارتىن» جاساسقان جاقتار جينالىسى 15 - رەتكى ٴماجىلىسىنىڭ 1-كەزەڭدىك ماجىلىسىندە 10-ايدىڭ 13-كۇنى «كۇنميڭ جارناماسى» ماقۇلداندى. «جارناما» ٴارقايسى جاقتاردى ارەكەت قولدانىپ، جەر شارىنىڭ تىرشىلىك ورتاق تۇلعاسىن بىرگە قۇرۋ ۇندەۋىنە ٴۇن قوسىپ، ورگانيزمدەردىڭ الۋان تۇرلىلىگىنىڭ جويىلۋىن تەجەپ، ادامزاتتىڭ ىرىس-قۇتىن ارتتىرىپ، باياندى دامۋدى جۇزەگە اسىرۋعا ۇندەدى.


    جينالىستىڭ ٴتوراعاسى، جۇڭگو ەكولوگيالىق ورتا مينيسترى حۋاڭ رۇنچيۋ بىلاي دەدى: شارتتاسقان جاقتارمەن كەڭ كولەمدە كەڭەسۋ ارقىلى جۇڭگو «كۇنميڭ جارناماسىن» جازىپ شىقتى ءارى ىلگەرىندى-كەيىندى 2 رەت پىكىر الىپ، ەڭ زور ورتاق تانىمعا قول جەتكىزۋدى ماقسات ەتە وتىرىپ سوڭعى نۇسقانى دايىندادى. «كۇنميڭ جارناماسىنىڭ» باستى ماقساتى ٴار جاقتىڭ ساياسي تىلەگىن شوعىرلى بەينەلەپ، حالىقارالىق قوعامعا ورگانيزمدەردىڭ الۋان تۇرلىلىگىن قورعاۋ سالاسىندا قيمىل ورىستەتۋىمىزدەگى بەرىك بەكىمىمىز بەن ورتاق تانىمىمىزدى اڭىس ەتۋ بولىپ تابىلادى. بۇل مالىمدەمە كۇشتى اڭىس تاراتىپ، دۇنيە جۇزىنە ورگانيزمدەردىڭ الۋان تۇرلىلىگىنەن ايرىلۋ ماسەلەسىن شەشۋ بەكىمىمىزدى كورسەتەدى ٴارى ٴبىزدىڭ وسى رەتكى جوعارى دارەجەلى ماجىلىستە تالقىلانعان تاقىرىپتاردا اناعۇرلىم پارمەندى ارەكەت قولداناتىنىمىزدى اڭعارتادى.


    «جارنامادا» مىناداي ۋادە بەرىلدى: ٴوز ەلىنىڭ ورگانيزمدەردىڭ الۋان تۇرلىلىگىن قورعاۋ ستراتەگياسى مەن ارەكەت جوسپارىن جاساۋدى تەزدەتۋ جانە ونى جاڭالاۋ؛ ٴونىمدى قورىق جەر جۇيەسىن ساپالاندىرۋ جانە ورناتۋ؛ بۇكىل جەر شارى ورتاسىنىڭ زاڭدىق جۇلگەسىن بەلسەنە كەمەلدەندىرۋ؛ وركەندەۋ جولىنداعى ەلدەرگە «2020-جىلدان كەيىنگى بۇكىل جەر شارىنداعى ورگانيزمدەردىڭ الۋان تۇرلىلىگى جۇلگەسىن» اتقارۋعا قاجەتتى قارجى، تەحنيكا جانە قابىلەت قۇرىلىسىنا كوپتەپ قولداۋ كورسەتۋ؛ «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتى» سياقتى قازىرگى كوپ جاقتى ورتا كەلىسىمدەرىمەن سەلبەستىكتى جانە سايكەستىرۋ ارەكەتىن اناعۇرلىم نىعايتىپ، قۇرلىق، تۇشتى سۋ جانە تەڭىز - مۇحيت ورگانيزمدەرىنىڭ الۋان تۇرلىلىگىن قورعاۋ جانە قالپىنا كەلتىرۋدى ىلگەرىلەتۋ كەرەك.


    ەكولوگيالىق ورتا مينيسترىنىڭ ورىنباسارى جاۋ يىڭمين بىلاي دەدى: كوپتەگەن ەلدەر ورگانيزمدەردىڭ الۋان تۇرلىلىگىن كليمات وزگەرىسىنەن، ەكونوميكانىڭ دامۋىنان، بۇقارانىڭ اقاۋسىز، باياندى دامۋىنان بولە قاراۋعا بولمايتىندىعىن تانىپ جەتتى ٴارى ورگانيزمدەردىڭ الۋان تۇرلىلىگىنىڭ ازايۋىن جانە كليمات داعدارىسىن تۇتاس تۇلعالىق، جۇيەلى تاسىلمەن شەشۋدى شۇعىل قاجەت ەتەدى. كەيبىر ەلدەر «كۇنميڭ جارناماسى» دۇرىس بەتالىسقا قادام تاستاۋدىڭ توتەنشە ماڭىزدى قادامى بولىپ بۇكىل جەر شارىنداعى ورگانيزمدەردىڭ الۋان تۇرلىلىگىن ونان ارى قورعاۋعا سەپتىگىن تيگىزەدى دەستى.


    «جارنامادا» مىنالار ۋادە ەتىلدى: «2020–جىلدان كەيىنگى دۇنيە جۇزىندەگى ورگانيزمدەردىڭ الۋان تۇرلىلىگى جۇلگەسىن» جاساۋعا، اتقارۋعا كەپىلدىك ەتىپ، قازىرگى ورگانيزمدەردىڭ الۋان تۇرلىلىگىنىڭ ازايۋىن تەجەۋ، سونداي–اق ەڭ كەش بولعاندا 2030-جىلى ورگانيزمدەردىڭ الۋان تۇرلىلىگىن قالپىنا كەلتىرۋ جولىنا تۇسىرۋگە كەپىلدىك ەتىپ، «ادام مەن تابيعاتتىڭ جاراسىمدى قاتار ٴومىر ٴسۇرۋىنىڭ» 2050-جىلعى بولاشاعىن جاپپاي جۇزەگە اسىرۋ كەرەك.


اۋدارعان: كۇلان ىرىسباي قىزى

中央广播电视总台 央广网 版权所有

ب م ۇ-نىڭ «ورگانيزمدەردىڭ الۋان تۇرلىلىگى شارتىن» جاساسقان جاقتار جينالىسىنىڭ 15-ماجىلىسىندە «كۇنميڭ جارناماسى» ماقۇلداندى

ب م ۇ - نىڭ «ورگانيزمدەردىڭ الۋان تۇرلىلىگى شارتىن» جاساسقان جاقتار جينالىسى 15 - رەتكى ٴماجىلىسىنىڭ 1-كەزەڭدىك ماجىلىسىندە 10-ايدىڭ 13-كۇنى «كۇنميڭ جارناماسى» ماقۇلداندى