13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 31 - ٴماجىلىسى بىرلەسپە گرۋپپا جيىنىن اشتى
ٴوز حابارىمىز. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 31 - ٴماجىلىسى كەشە تۇستەن بۇرىن بەيجيڭدەگى حالىق سارايىندا بىرلەسپە گرۋپپا جيىنىن اشىپ، مەملەكەتتىك حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ جاراقسىز قاتتى زاتتاردىڭ ورتانى لاستاۋىنان ساقتانۋ زاڭىنىڭ اتقارىلۋ احۋالىن تەكسەرۋ جونىندەگى مالىمەتىن قارادى ٴارى ارناۋلى تاقىرىپتا پىكىر الدى. كوميتەت باستىعى لي جانشۋ جيىنعا قاتىناستى ٴارى ٴسوز سويلەدى.
مەملەكەتتىك حالىق قۇرىلتايى تۇراقتى كوميتەتىنىڭ، ارناۋلى كوميتەتتەردىڭ قۇرامىنداعىلار زاڭدا بەلگىلەنگەن پرينسيپكە ساي تۇرمىستىق قوقىر ـ قوقسىقتاردى تۇرگە ايىرۋ مەن قۇرىلىس قوقىر ـ قوقسىقتارىن ٴبىر جاقتى ەتۋدى جەبەۋ، قاتەرلى جاراقسىز زاتتار، ەمدەۋ جاراقسىز زاتتارى، جەدەل جولدامالار مەن ازىق-تۇلىك جانە باسقادا تۇتىنۋ بۇيىمدارىنىڭ قوراپتارىن ٴبىرجايلى ەتۋدى كۇشەيتۋ، اۋىل شارۋاشىلىعى ، اۋىل ـ قىستاق ورتاسىن پارمەندى جونگە سالۋ ، قاتتى جاراقسىز زاتتاردى كادەگە جاراتۋداي ماسەلەلەر جايلى سۇراۋ قويىپ كەڭەس قۇردى.
مەملەكەتتىك كەڭەستىڭ مۇشەسى ۋاڭ يۇڭ، ەكولوگيالىق ورتا مينيسترلىگى، مەملەكەتتىك دامۋ جانە رەفورمالاۋ كوميتەتى، تۇرعىن ٴۇي، قالا ـ اۋىل قۇرىلىسى مينيسترلىگى، ساۋدا ىستەرى مينيسترلىگى ، مەملەكەتتىك دەنساۋلىق ساقتاۋ، سالاماتتىق كوميتەتى، ونەركاسىپ جانە ينفورماتسيالاندىرۋ مينيسترلىگى، اۋىل شارۋاشىلىعى، اۋىل ـ قىستاق مينيسترلىگى، مەملەكەتتىك پوچتا مەكەمەسى سياقتى قاتىستى تاراۋلاردىڭ جاۋاپتى جولداستارى جانە ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ جاۋاپتى جولداستارى ماجىلىسكە قاتىناسىپ، پىكىر-ۇسىنىستاردى تىڭداپ، كوپشىلىكتىڭ سۇراۋلارىنا جاۋاپ بەردى.
لي جانشۋ مىنالاردى اتاپ كورسەتتى: جاراقسىز قاتتى زاتتاردىڭ لاستانۋىنان ساقتانۋ جانە ونى جونگە سالۋ-لاستانۋدان ساقتانۋ جانە ونى جونگە سالۋدان قامال الۋ شايقاسىن ويداعىداي جۇرگىزۋدىڭ ماڭىزدى مىندەتى. شي جينپيڭنىڭ ەكولوگيالىق وركەنيەت يدەياسىن جانە ونىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، حالىق قۇرىلتايىنىڭ فۋنكتسيالىق ورنىن شىعار ٴتۇيىن ەتىپ ، لاستانۋدان ساقتانۋ جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزۋدەي پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن مىقتاپ ارقاۋ ەتىپ ، ۇزدىكسىز كۇش سالىپ، زاڭمەن باسقارۋ ارقىلى تۇنىق سۋ، جاسىل تاۋدى قورعاۋ كەرەك.
اۋدارعان: امانتاي مۇسايىپ ۇلى
