ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 31-ٴماجىلىسى جابىلدى

来源:جۇڭگو قازاق راديو تورابى     |责编:古丽美热|     发布日期: 2021-10-24 11:08

 

ٴوز حابارىمىز. 13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 31-ٴماجىلىسى 10-ايدىڭ 23-كۇنى تۇستەن بۇرىن بەيجيڭ حالىق سارايىندا جابىلدى. ماجىلىستە داۋىسقا سالۋ ارقىلى وتباسى تاربيەسىن جەبەۋ زاڭى، قۇرلىق مەملەكەت شەكاراسى زاڭى، قازىنالىق باقىلاۋ زاڭىنا وزگەرىس ەنگىزۋ جونىندەگى قاۋلى ماقۇلداندى. كوميتەت باستىعى لي جانشۋ ٴماجىلىستى باسقاردى. 

    ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ مەملەكەتتىك كەڭەسكە ساۋدا ورتاسىندا جاڭالىق اشۋدى تۇيىندە سىناق ەتكەن قالالاردا ولشەم زاڭىن ۋاقىتشا رەتتەپ قولدانۋعا ۇقىق بەرۋ قاتىستى بەلگىلەمەلەرى جونىندەگى قاۋلىسى داۋىسقا سالىپ ماقۇلداندى. 

    ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ مەملەكەتتىك كەڭەسكە ٴىشىنارا رايونداردا تۇرعىن ٴۇي، جەر باجىسى رەفورماسىن تۇيىندە سىناق ەتۋ قىزمەتىن ورىستەتۋگە ۇقىق بەرۋ جونىندەگى قاۋلىسى داۋىسقا سالىپ ماقۇلداندى. 

    ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ مەملەكەت قورعانىسىنا جۇمىلدىرۋ ٴتۇزىلىس رەفورماسىن تەرەڭدەتۋ مەزگىلىندە قاتىستى زاڭدىق بەلگىلەمەلەردى ۋاقىتشا رەتتەپ قولدانۋ جونىندەگى قاۋلىسى داۋىسقا سالىپ ماقۇلداندى. 

    ماجىلىستە مەملەكەتتىك حالىق قۇرىلتايى تۇراقتى كوميتەتىنىڭ «جۇڭحۋا حالىق رەسپۋبليكاسى مەن چيلي رەسپۋبليكاسىنىڭ قىلمىستىلاردى وتكىزىپ بەرۋ-وتكىزىپ الۋ شارتىن» بەكىتۋ جونىندەگى قاۋلىسى، «سوقىرلارعا، كورۋ قۋاتى كەدەرگىگە ۇشىراعاندارعا نەمەسە باسپا تۋىندىلاردى وقۋدا قيىنشىلىعى بارلارعا قولايلىلىق جاراتۋ ماراكاش شارتىن» بەكىتۋ جونىندەگى قاۋلىسى داۋىسقا سالىپ ماقۇلداندى. 

    ماجىلىستە مەملەكەتتىك حالىق قۇرىلتايىنىڭ باقىلاۋ-تەكسەرۋ، ٴءادىليا كوميتەتى، قازىنا-ەكونوميكا كوميتەتى، سىرتقى ىستەر كوميتەتى، قورشاعان ورتا جانە بايلىقتى قورعاۋ كوميتەتى، قوعامدىق قۇرىلىس كوميتەتى جەكە-جەكە ورتاعا قويعان 13-كەزەكتى مەملەكەتتىك حالىق قۇرىلتايى 4-ٴءماجىلىسىنىڭ ءتوراعالار القاسى قاراۋعا تاپسىرعان ۋاكىلدەر ۇسىنعان كەڭەس جوبالاردى قاراۋ ناتيجەسى جونىندەگى بايانداما داۋىسقا سالىپ ماقۇلداندى. 

    ماجىلىستە مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسى داۋىسقا سالىپ ماقۇلداندى، مىندەتكە تاعايىنداۋ، مىندەتىنەن قالدىرۋعا قاتىستى جوبا داۋىسقا سالىپ ماقۇلداندى. 

    داۋىسقا سالۋعا قاتىستى ىستەر ورىندالعاننان كەيىن، لي جانشۋ ٴءسوز سويلەدى. 

    لي جانشۋ بىلاي دەدى: بيىل مەملەكەت مەنشىگىندەگى مال-مۇلىكتى باسقارۋ جاعدايى جونىندەگى جالپىلىق بايانداما جالعاستى ٴتورتىنشى جىل قارالدى، سونداي-اق مەملەكەت مەنشىگىندەگى جاراتىلىستىق بايلىقتى، مال-مۇلىكتى باسقارۋ جاعدايى جونىندەگى ارناۋلى بايانداما تۇڭعىش رەت تىڭدالدى جانە قارالدى. مەملەكەت مەنشىگىندەگى جاراتىلىستىق بايلىق، مال-مۇلىك−نەگىزگى زاڭ مەن زاڭداردا مەملەكەت مەنشىگىندە بولادى دەپ بەلگىلەنگەن ٴتۇرلى جاراتىلىستىق بايلىق، جالپى حالىق پەن ۇرپاقتاردىڭ ورتاق باعالى بايلىعى. پارتيا ورتالىق كوميتەتىنىڭ جاراتىلىستىق بايلىق رەفورماسى مەن دامۋى جونىندەگى شەشىم-ورنالاستىرۋلارىن مۇقيات دايەكتى تياناقتاندىرىپ، مەملەكەتتىڭ جاراتىلىستىق بايلىق، مال-مۇلىك باسقارۋ ٴتۇزىلىسىن اقاۋسىزداندىرىپ، مەملەكەتتىڭ بايلىق حاۋىپسىزدىگىن قامتاماسىز ەتۋ قابىلەتىن جوعارىلاتىپ، جاراتىلىستىق بايلىقتىڭ ەكونوميكالىق، قوعامدىق دامۋ مەن ەكولوگيالىق وركەنيەت قۇرىلىسىنداعى نەگىزدىك تىرەكتىك رولىن اناعۇرلىم ويداعىداي ساۋلەلەندىرۋ كەرەك. 

    لي جانشۋ مىنالاردى اتاپ كورسەتتى: وسى رەتكى تۇراقتى كوميتەت ٴماجىلىسى باس شۋجي شي جينپيڭنىڭ ورتالىقتىڭ حالىق قۇرىلتايى قىزمەتى ماجىلىسىندە سويلەگەن ماڭىزدى ٴسوزى مەن ٴماجىلىستىڭ رۋحىن ۇيرەنۋدى، دايەكتىلەندىرۋدى ٴبىرىنشى كەڭەس تارتىپكە ەنگىزدى. ٴار دارەجەلى حالىق قۇرىلتايلارى مەن ونىڭ تۇراقتى كوميتەتتەرى ۇيرەنۋدى، دايەكتىلەندىرۋدى جان-جاقتى، جۇيەلى، ىشكەرىلەي ويداعىداي ورىستەتۋى كەرەك. پارتيانىڭ جاپپاي باسشىلىعى سىندى ەڭ جوعارى ساياسي پرينسيپكە تاباندى بولىپ، جۇڭگوشا سوتسياليستىك ساياسي دامۋ جولىمەن بۇلجىماي ٴجۇرۋ ٴۇشىن، ٴبىز شەتەلدىڭ ساياسي وركەنيەتىنىڭ پايدالى جەتىستىكتەرىنەن ۇلگى الۋىمىز، الايدا جۇڭگونىڭ ساياسي ٴتۇزىمىنىڭ نەگىزىن استە تاستاماۋىمىز، باتىستىڭ اتالمىش «نەگىزگى زاڭ بيلىگىنىڭ»، كوپ پارتيالى سايلاۋ باسەكەسىنىڭ، ٴۇش ۇقىقتى ٴبولىپ جۇرگىزۋىنىڭ، ەكى پالاتا ٴتۇزىمىنىڭ، ٴادىليا دەربەستىگىنىڭ ازدىرۋى مەن ىقپالىنا باتىل قارسى تۇرۋىمىز، ونى تەجەۋىمىز جانە ودان ساقتانۋىمىز كەرەك. حالىق قۇرىلتايى ٴتۇزىمىنىڭ ەلىمىزدىڭ جالپى بارىستاعى حالىق دەموكراتياسىن جۇزەگە اسىرۋداعى ماڭىزدى تۇزىمدىك دانەكەرلىك رولىن ساۋلەلەندىرۋ كەرەك. حالىق قۇرىلتايى قىزمەتىنىڭ ساپاسى مەن ورەسىن جاپپاي جوعارىلاتىپ، حالىق قۇرىلتايى مەن ونىڭ تۇراقتى كوميتەتىنىڭ وزىندىك قۇرىلىسىن جاپپاي كۇشەيتۋ كەرەك.

اۋدارعان: گۇلنۇر قابىلقاق قىزى

中央广播电视总台 央广网 版权所有

13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 31-ٴماجىلىسى جابىلدى

ماجىلىستە مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميتەتىنىڭ ٴىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسى داۋىسقا سالىپ ماقۇلداندى، مىندەتكە تاعايىنداۋ، مىندەتىنەن قالدىرۋعا قاتىستى جوبا داۋىسقا سالىپ ماقۇلداندى