ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جەر-جەر كوپ ٴتۇرلى شارانى قاتار قولدانىپ، جۇقپالى اۋرۋدىڭ تارالۋ جولىن ۇزدى

来源:جۇڭگو قازاق راديو تورابى     |责编:古丽美热|     发布日期: 2021-10-24 11:36

 

ٴوز حابارىمىز: بەيجيڭ، ىشكى موڭعۇل قاتارلى كوپتەگەن جەرلەر كوپ ٴتۇرلى شارالاردى قاتار قولدانىپ، جۇقپالى اۋرۋدان ساقتانۋ -تىزگىندەۋ تورىن بەكەمدەدى. 

    بەيجيڭ قالاسى مىنانى حابارلاندىردى : 10-ايدىڭ 23-كۇنى ساعات 0 دەن 11 گە دەيىن بەيجيڭ قالاسىنىڭ چاڭپيڭ رايونىندا سىرت ولكە، قالالاردا ساياحاتتاپ بەيجيڭگە قايتىپ كەلىپ دياگنوز قويىلعان ءبىر ناۋقاس جانە قاتىستى 2 ناۋقاس تىڭنان قوسىلدى. بەيجيڭ قالاسى كولەمدى ٴماجىلىس، تالقى قاتارلى شوعىرلى قيمىلداردى ازايتۋدى تالاپ ەتتى، الەۋمەتتىك اۋماقتاعى شاحمات ويناۋ ٴۇيى ۋاقىتشا جابىلدى، جەكەلىك ەمدەۋ ورىندارىن، شاعىن ەمدەۋ ورىندارىن، دارىحانالاردى باقىلاۋ-باسقارۋ قاتاڭداسترىلدى. 

    ىشكى موڭعۇل اۆتونوميالى رايونى كوكحوت قالاسى10-ايدىڭ 23-كۇنى مىنانى حابارلاندىردى: كوكحوت قالاسىندا تاعى دا 3 ناۋقاس پەن ٴبىر كۇماندى ناۋقاس كوبەيدى. كوكحوت قالاسى مادەنيەت، دەنە تاربيە، ويىن-ساۋىق ورىندارىن ۋاقىتشا جاپتى، قارتتاردى كۇتىمدەۋ، تۇرمە جانە جوعارى، ورتا تەحنيكۋم مەكتەپتەرى تۇيىقتاپ باسقارىلدى. 

    حىبەي ولكەسى شىجياجۋاڭ قالاسىندا 10-ايدىڭ 23-كۇنى جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا شالدىققان ٴبىر ناۋقاس كوبەيدى، قازىر جۇعىمدالۋشىمەن تىعىز ارالاسۋشىلاردىڭ بارلىعىنا شوعىرلى اۋاشالاۋ مەديتسينالىق باقىلاۋ شاراسى قولدانىلىپ، ٴتۇرلى ساقتانۋ-تىزگىندەۋ شارالارى تارتىپپەن جۇرگىزىلۋدە. 

    گانسۋ ولكەسى 10-ايدىڭ 23-كۇنى مىنانى حابارلاندىردى: گانسۋدىڭ لانجوۋ، جاڭيە، جيايۇيگۋان، تيانشۇي، لۇڭنان قاتارلى جەرلەرىندە دياگنوزى تۇراقتانعان ناۋقاستار بايقالعان رايوندار شۇعىل جاعدايعا ٴوتىپ، ساياحات كورىنىس رايونى،كينو-تەاترحانا سياقتى ورىندار ۋاقىتشا جابىلىپ، قاتاڭ باسقارۋ شارالارى تياناقتاندىرىلىپ، ادامدار اعىلىمى مۇمكىندىكتىڭ بارىنشا ازايتىلدى. گانسۋ ولكەسىنىڭ بارلىق ولكە ارالىق كەزەكشى لەنياسى بۇكىلدەي توقتاتىلدى. 

    گۇيجوۋ ولكەسىنىڭ زۇن-ي قالاسى 10-ايدىڭ 23 -كۇنى مىنانى حابارلاندىردى: زۇن يى قالاسىندا حۇڭحۋاگاڭ رايونى، حۇيچۋان رايونى، شينپۋ جاڭا رايونى، بوجوۋ رايونى قاتارلى 4 رايوندا ۋاقىتتىق قاتىناس باسقارۋ-مەڭگەرۋ شاراسى اتقارىلىپ، قاتىسسىز قوعامدىق اۆتوموبيلدەردىڭ كىرىپ-شىعۋىنا قاتاڭ ٴتيىم سالىندى. 

    مادەنيەت جانە ساياحات مينيسترلىگى 10-ايدىڭ 23-كۇنى ۇقتىرۋ شىعارىپ، ولكە اتتاعان ساياحات تيجاراتى قيمىلىن باسقارۋ مەحانيزمىن قاتاڭ اتقارىپ، ساياحات ارناۋلى پويەزى كاسىبىمەن شۇعىلدانۋدى ۋاقىتشا توقتاتتى.


  اۋدارعان: كۇلان ىرىسباي قىزى 

中央广播电视总台 央广网 版权所有

جەر-جەر كوپ ٴتۇرلى شارانى قاتار قولدانىپ، جۇقپالى اۋرۋدىڭ تارالۋ جولىن ۇزدى

مادەنيەت جانە ساياحات مينيسترلىگى 10-ايدىڭ 23-كۇنى ۇقتىرۋ شىعارىپ، ولكە اتتاعان ساياحات تيجاراتى قيمىلىن باسقارۋ مەحانيزمىن قاتاڭ اتقارىپ، ساياحات ارناۋلى پويەزى كاسىبىمەن شۇعىلدانۋدى ۋاقىتشا توقتاتتى