ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جەر-جەردەگى جوعارى مەكتەپتەر ٴمورال ارقىلى ادام تاربيەلەۋدى وزەكتى بۋىن ەتىپ، ستۋدەنتتەردىڭ يدەيالىق-ساياسي تاربيەسىندە تىڭ تابىستارعا قول جەتكىزدى

来源:جۇڭگو قازاق راديو تورابى     |责编:古丽美热|     发布日期: 2021-12-02 17:26
 
ٴوز حابارىمىز. عاسىرلىق ۇلى جوسپار وقۋ-اعارتۋدى نەگىز ەتەدى. 2016-جىلى 12-ايدا باس شۋجي شي جينپيڭ جوعارى مەكتەپتەردىڭ يدەيالىق-ساياسي قىزمەتى جونىندەگى مەملەكەتتىك ماجىلىستە مىنالاردى باسا دارىپتەدى : جوعارى مەكتەپتەردىڭ يدەيالىق-ساياسي قىزمەتى جوعارى مەكتەپتەردىڭ قانداي ادام تاربيەلەۋىنە، ادامدى قالاي تاربيەلەۋىنە، سونداي-اق كىم ٴۇشىن ادام تاربيەلەۋى سىندى ٴتۇبىرلى ماسەلەگە سايادى. ٴمورال ارقىلى ادام تاربيەلەۋدى وزەكتى بۋىن ەتۋگە تاباندى بولىپ، يدەيالىق-ساياسي قىزمەتتى وقۋ-اعارتۋدىڭ، وقىتۋدىڭ تۇتاس بارىسىنا ٴسىڭىرىپ، تۇتاس بارىستا ادام تاربيەلەۋدى، جان-جاقتى ادام تاربيەلەۋدى جۇزەگە اسىرىپ، ەلىمىزدىڭ جوعارى وقۋ-اعارتۋ ىستەرىنىڭ دامۋىندا جاڭا جاعداي اشۋعا قۇلشىنۋ كەرەك. 

بىرنەشە جىلدان بەرى جەر-جەردەگى جوعارى مەكتەپتەر باس شۋجي شي جينپيڭنىڭ ٴسوزىنىڭ رۋحىن مۇقيات دايەكتى تياناقتاندىرىپ، جوعارى مەكتەپتەردىڭ يدەيالىق-ساياسي قىزمەتىن كورنەكتى ورىنعا قويىپ، پارمەندى، ٴونىمدى شارالار قولدانىپ، ستۋدەنتتەردىڭ يدەيالىق-ساياسي تاربيەسىندە ۇزدىكسىز تىڭ تابىستارعا قول جەتكىزدى. رۇيجين قالاسى حۋاۋ قىستاعىنىڭ ىرگەسىندەگى تاۋداعى جاپ-جاسىل 17 ٴتۇپ قاراعاي ەرەكشە كوز تاراتادى، ٴاربىر اعاشقا حۋاۋ قىستاعىنداعى قۇربانداردىڭ اتى-ٴجونى جازىلعان ەسىم كارتوچكاسى اشىلعان، جەرگىلىكتى ادامدار ونى سەنىم اعاشى دەپ اتادى. 

گاننان پەداگوگيكا داشۋەسىندە ٴبىر ايدا ٴبىر رەت وتكىزىلەتىن باس تاقىرىپتى توڭكەرىستىك اڭگىمە جارىسى وزدىرىلىپ كەلەدى. وقىتۋشى-وقۋشىلار وزدەرى قۇراستىرىپ، وزدەرى رەجيسسەرلىك ەتىپ، وزدەرى ورىنداعان كولەمدى مۋزيكا-ٴبي ەپوسى « حالىق رەسپۋبليكاسى وسى ارادان باستالعان » سياقتى توڭكەرىستىك كلاسسيكالىق شىعارمالار وقۋشىلاردىڭ « وقۋ بارىسىندا ورىنداۋ، ورىنداۋ بارسىندا ۇيرەنۋ، ۇيرەنۋ بارىسىندا ٴتۇسىنۋ، ٴتۇسىنۋ بارىسىندا جۇزەگە اسىرۋىنا » مۇمكىندىك جاسادى. گاننان پەداگوگيكا ۋنيۆەرسيتەتى اقپارات جانە تاراتۋ ينستيتۋتىنداعى 2019-جىلى قابىلدانعان ديكتورلىق كلاسىنىڭ وقۋشىسى جاڭ شينيان بىلاي دەدى: وسى قيمىلدىڭ اسەرىندە، توڭكەرستىك مادەنيەت ماعان كەڭ ٴورىس سيلادى، مەن توتەنشە تەبىرەنىپ وتىرمىن، مەن دە توڭكەرىستىك مادەنيەتتى ۇزدىكسىز جالعاستىرىپ، قىزىل گەندى ۇرپاقتان-ۇرپاققا جالعايمىن. 

ەلىمىزدەگى جوعارى مەكتەپتەر سوتسياليزمنىڭ قۇرىلىسشىلارى مەن ءىزباسارلارىن تاربيەلەۋ سىندى كەلەلى مىندەتتى ارقالاپ وتىر. 2016-جىلى 12-ايدا باس شۋجي شي جينپيڭ جوعارى مەكتەپتەردىڭ يدەيالىق-ساياسي قىزمەتى جونىندەگى مەملەكەتتىك ماجىلىستە مىنالاردى اتاپ كورسەتتى: يدەيالىق-ساياسي قىزمەتتى وقۋ-اعارتۋدىڭ، وقىتۋدىڭ تۇتاس بارىسىنا ٴسىڭىرۋ كەرەك. « يدەيالىق-ساياسي قىزمەت تۇبىرىنەن العاندا ادام تاربيەلەۋ قىزمەتى، وقۋشىلاردى ارقاۋ ەتىپ، وقۋشىلارعا قامقورلىق جاساپ، وقۋشىلارعا قىزمەت ەتىپ، وقۋشىلاردىڭ يدەيالىق ورەسىن، ساياسي ساناسىن، ٴمورالدىق قاسيەتىن، مادەنيەت ساپاسىن ۇزدىكسىز جوعارىلاتىپ، وقۋشىلاردى ٴمورالدى دا قابىلەتتى، جان-جاقتى جەتىلگەن دارىندىلارعا اينالدىرۋ كەرەك »-دەدى. 

سوڭعى جىلدارى جەر-جەردەگى جوعارى مەكتەپتەر ٴمورال ارقىلى ادام تاربيەلەۋدى نەگىز، مۇرات-سەنىم تاربيەسىن وزەك، سوتسياليستىك وزەكتى قۇن كوزقاراسىن جەتەكشى ەتىپ، يدەيالىق-ساياسي قىزمەت دەڭگەيىن جاپپاي جوعارىلاتتى. 

نانكاي ۋنيۆەرسيتەتىندە « وقىتۋشى-وقۋشىلار بىرگە ات سالىسىپ، وتان ٴۇمىتىن اقتاۋ » ادام تاربيەلەۋ ينجەنەرياسىن اتقارىپ، وقىتۋشىلار وقۋشىلاردى وتانىمىزدىڭ جەر-جەرىنە باستاپ، پارتيا مەن مەملەكەتتىڭ كەلەلى دامۋ ستراتەگياسىن ارقاۋ ەتىپ، امالياتتىق تەكسەرۋ-زەرتتەۋ قيمىلىن ورىستەتىپ، قوعامدىق اماليات بارىسىندا وتاندى ٴسۇيۋ نيەتىن وتان ٴۇمىتىن اقتاۋ ساپارىنا اينالدىردى. نانكاي داشۋەسى ماركسيزم شۋەيۋانىنىڭ جاس وقىتۋشىسى شياۋ گۋاڭۋىن بىلاي دەدى : وقىتۋشى جەتەكشىلىك ەتىپ، نەگىزگى ساتىعا، باتىس بولىككە، كەدەي وڭىرلەرگە، توڭكەرىستىك بايىرعى رايوندارعا بارادى. قازىرگى وقۋ-اعارتۋ تاربيەسى ستۋدەنتتەردى دۇنيەگە، ومىرگە، قۇنعا دۇرىس كوزقاراس ورناتۋعا جەتەكتەيدى، اسىرەسە، بۇگىنگى تاڭدا ٴبىز تاريحي ماتەرياليزم مەن دۇرىس پارتيا تاريحى كوزقاراسىن ورناتۋدى دارىپتەيمىز. 

يدەيالىق-ساياسي ساباق ٴمورال ارقىلى ادام تاربيەلەۋ ٴتۇبىرلى مىندەتىن تياناقتاندىرۋداعى شەشۋشى ساباق. يدەيالىق-ساياسي ساباقتىڭ باۋراۋ قۋاتىن كۇشەيتۋ ٴۇشىن، حۋنان پەداگوگيكا داشۋەسى توراپتا يدەيالىق-ساياسي تاربيەنى بەلسەنە ورىستەتىپ، مامان-وقىمىستىلاردىڭ كۇشىنە سۇيەنىپ، توراپ ارقىلى ادام تاربيەلەۋ جەتەكشى ۇيىرمەسىن قۇردى. حۋنان پەداگوگيكا ۋنيۆەرسيتەتى ۇگىت ٴبولىمىنىڭ ورىنباسار باستىعى چىن ليرۇڭ بىلاي دەدى : وقۋشىلاردى ينتەرنەت مادەنيەت قۇرىلىسىنىڭ قوجاسىنا، ينتەرنەتتى وزەكتى قۇن كوزقاراسىنىڭ بيىگىنە اينالدىرۋ ٴبىزدىڭ ەجەلدەن بەرگى تانىمىمىز. وقۋشىلاردىڭ وزدەرى ۇناتاتىن ۇگىت-لەكسيا ماماندارىن تانىستىرۋىنا وراي بەرىپ،بىرنەشە جىلدىق دامۋ ارقىلى قازىر 40 تان استام توراپتا باسقالاردىڭ قارسى الۋىنا يە بولعان توپتاردى قۇردىق. 

قازىر ەلىمىزدەگى جوعارى مەكتەپتەردىڭ ماركستىك نازاريا، عىلمي اتاق تۇيىندەرىنىڭ سانى ۇزدىكسىز ارتىپ، يدەيالىق-ساياسي ساباقتاعى وقىتۋشىلار قوسىنى جەدەل زورايدى. 2016-جىلدان قازىرگە دەيىن، ٴبىر توپ تاڭداۋلى يدەيالىق-ساياسي تايانىشتار قىزمەت ىستەي ٴجۇرىپ دوكتورلىق وقۋ اتاعىن الىپ، يدەيالىق-ساياسي قىزمەت قوسىنىنىڭ نازاريالىق ورەسى مەن كاسىپتىك قابىلەتىن كۇش سالا جوعارىلاتتى. سونىمەن بىرگە، ەلىمىزدەگى جوعارى مەكتەپتەردىڭ يدەيالىق-ساياسي قىزمەتىنىڭ ارنالارى مەن ادىستەرى دە ۇزدىكسىز مولايۋدا. بيىل 5-ايدا 12 ٴتۇرلى 200 الەۋمەتتىك ٴنومىر « العاشقى توپتاعى جوعارى مەكتەپتەردىڭ يدەيا-ساياسي تۇرىندەگى الەۋمەتتىك ٴنومىر ٴتۇيىندى قۇرىلىس تىزىمدىگىنە » تاڭدالىپ، جاڭاشا، كەڭ كولەمدى ينتەرنەتتەگى يدەيالىق-ساياسي ماركا نىساندارىنان ٴبىر توبىن قۇرۋعا كۇش سالىندى. 

يدەيالىق-ساياسي تاربيە نەگىزىنىڭ بارعان سايىن بەكەمدەلۋىنە بايلانىستى، ەلىمىزدەگى جوعارى مەكتەپتەردىڭ ادام تاربيەلەۋ، ٴمورال ارقىلى ادام تاربيەلەۋ جاعىنداعى رولى بارعان سايىن كورنەكتىلەندى. قالىڭ جاس وقۋشىلار ٴداۋىر جاۋاپكەرشىلىگى مەن تاريحي بورىشتى ارقالاپ، باتىلدىقپەن ٴداۋىردىڭ الدىڭعى لەگىندە جۇرەتىن اتويشى، ٴورىس اشۋشى بولىپ، جۇڭگو ارمانىن جۇزەگە اسىرۋدىڭ جاندى امالياتى بارىسىندا جاستىق جىگەرىن شىڭداپ، بيىك بەلەستەرگە قانات قاقتى. 


اۋدارعان: سەرىك راقىم ۇلى 
 
 

中央广播电视总台 央广网 版权所有

جەر-جەردەگى جوعارى مەكتەپتەر ٴمورال ارقىلى ادام تاربيەلەۋدى وزەكتى بۋىن ەتىپ، ستۋدەنتتەردىڭ يدەيالىق-ساياسي تاربيەسىندە تىڭ تابىستارعا قول جەتكىزدى

يدەيالىق-ساياسي تاربيە نەگىزىنىڭ بارعان سايىن بەكەمدەلۋىنە بايلانىستى، ەلىمىزدەگى جوعارى مەكتەپتەردىڭ ادام تاربيەلەۋ، ٴمورال ارقىلى ادام تاربيەلەۋ جاعىنداعى رولى بارعان سايىن كورنەكتىلەندى.