كوكتەم مەرەكەسى كەزىندە نەگىزگى ساتىعا بارۋ : بۇلدىرگەن باعبانداردىڭ «بال شىرىن» كاسىبى
ٴوز حابارىمىز. كوكتەم مەرەكەسى تاياپ قالدى، جياڭسۋ ولكەسى ياڭجوۋ قالاسى چاڭجياڭ وزەنى بويىنداعى وسىزامانعى اۋىل شارۋاشىلىق عىلىم ـ تەحنيكا كاسىپ باقشاسىنىڭ بۇلدىرگەن جىلىجايىندا ٴۇرىپ اۋىزعا سالعانداي بۇلدىرگەندەر كوز جاۋىن الادى. تاماشالاۋعا كەلگەندەردىڭ اياعى ۇزىلمەي، ەگىنشىلەرمەن بىرگە مول ٴونىم شاتتىعىنا شومۋدا. «كوكتەم مەرەكەسىندە نەگىزگى ساتىعا بارۋ» دەگەن تاقىرىپتاعى جەلىلەس حاربدىڭ بۇگىنگى كەزەگىندە «بۇلدىرگەن باعبانداردىڭ بال شىرىن كاسىبى» دەگەن مازمۇن بەرىلەدى.
ياڭجوۋ ۋنيۆەرسيتەتىنىڭ اسپيرانتى شىڭ يۇي كاسىپ باقشاسىندا تەحنيكالىق جەتەكشىلىك ەتكەنىنە 4 جىل بولدى، ول ۇستازدارىنا ىلەسىپ باقشا رايونىندا «سورەدە بۇلدىرگەن ٴوسىرۋ» تەحنيكاسىن زەرتتەدى.
سورە بۇلدىرگەننىڭ ونىمدىلىگى جاقسى، تەحنيكالىق تالابى دا جوعارى. تۇقىمدى تاجىريبەحانادا ۋىتسىزداندىرۋ، جىلىجايدى اۆتوماتتاندىرىپ باسقارۋ كەرەك. «بۇلدىرگەن باعبانداردىڭ» جەتەكتەۋىنىڭ ارقاسىندا، بارلىق جۇمىس ٴتارتىبى قاراپايىمداستىرىلىپ، ولشەمدەندىرىلدى.
چىڭ يۇي بىلاي دەدى : ٴبىز 40 مۋ جەردەگى 20 جىلىجاي جۇمىستارىن بىرنەشە مينۋتتا ـ اق ورىنداپ بولامىز. ميكرو كومپيۋتەر ارقىلى اۆتوموتتى مەڭگەرىلىپ سۋارىلادى، بەينە ادامداردىڭ تاماق جەگەنى سياقتى، تاڭەرتەڭ، ٴتۇس، كەش دەپ 3 ۋاقىت بەلگىلەنەدى.
اۆتوماتتاندىرۋ جۇيەسىنىڭ ەنگىزىلۋى ەگىنشىلەردىڭ تابىسقا وڭاي جەتۋىنە مۇمكىندىك جاسادى.
چىڭ يۇيدىڭ باستاۋىنداعى باعباندار باقشا رايونىندا 5 - 6 باعبان بار، ولاردىڭ بارلىعى گاۋ حۇڭشىڭ پروفەسسوردىڭ وقۋشىسى.
گاۋ حۇڭشىڭ بىلاي دەدى: وسى بىرنەشە جىلدان بەرى كوپتەگەن ستۋدەنتتەر تاربيەلەندى، اۋىل ـ قىستاقتى كوركەيتۋدە، ٴسوز جوق، كاسىپتىك ماماندار ات سالىسۋ كەرەك.
ەندى ٴبىر جىلدان سوڭ وقۋ تاۋىساتىن چىڭ يۇي «بۇلدىرگەن باعبانى » بولۋدى ۇزدىكسىز جالعاستىرا بەرەتىندىگىن ايتتى.
چىڭ يۇي بىلاي دەدى: مەن ٴار ٴتۇرلى بۇلدىرگەن سورتتارىن جەپ ٴدامىن تاتىپ كورگەنمىن، سوندىقتان ٴتىپتى دە كوپتەگەن ادامداردىڭ بۇلدىرگەن جەپ عۇزىرلانۋىن ٴۇمىت ەتەمىن.
اۋدارعان: قاناتبەك جۇماباي ۇلى