ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

بەيجيڭ قىسقى وليمپيك سپورت جارىسى مەن مۇگەدەكتەر قىسقى ولىمپيك سپورت جارىسىنىڭ الاۋ جەتكىزۋ لەنياسى تۇراقتاندى، وليمپيك سپورت جارىسى تاريحىندا تۇڭعىش رەت ماشينا ادام سۋ استىندا الاۋ جالعايدى

来源:جۇڭگو قازاق راديو تورابى     |责编:阿依娜古丽|     发布日期: 2022-01-22 17:03


    ٴوز حابارىمىز. بەيجيڭ 2022 - جىلعى قىسقى وليمپيك سپورت جارىسىن ۇيىمداستىرۋ كوميتەتى 1-ايدىڭ 21-كۇنى قىسقى وليمپيك سپورت جارىسى مەن مۇگەدەكتەر قىسقى وليمپيك سپورت جارىسىنىڭ الاۋ جەتكىزۋ لەنياسىن جاريالادى. بەيجيڭ قىسقى وليمپيك سپورت جارىسىنىڭ الاۋى 2-ايدىڭ 2-كۇنىنەن 4-كۇنىنە دەيىن بەيجيڭ، يانچيڭ، جاڭجياكوۋ ٴۇش جارىس رايونىندا وتكىزىلەدى.


    بەيجيڭ قىسقى وليمپيك سپورت جارىسىنىڭ الاۋ جالعاۋشىلارى 1200 ادام اينالاسىندا، مۇگەدەكتەر قىسقى وليمپيك سپورت جارىسىنىڭ الاۋ جالعاۋشىلارى 600 ادام اينالاسىندا بولادى. بەيجيڭ قىسقى وليمپيك سپورت جارىسىن ۇيىمداستىرۋ كوميتەتى ادام كۇشى بايلىعى ٴبولىمىنىڭ باستىعى، بەيجيڭ قىسقى وليمپيك سپورت جارىسى جانە مۇگەدەكتەر قىسقى ولىمپيك سپورت جارىسى قولباسشىلىق شتابى ورنالاستىرۋ ورتالىعىنىڭ اتقارۋشى مەڭگەرۋشىسى يان چىڭ بىلاي دەدى: قىسقى وليمپيك سپورت جارىسىنىڭ الاۋ جالعاۋشىلارى ٴار سالا، ٴار كاسىپتەن كەلگەن، نەداۋىر ۋاكىلدىك سيپاتقا جانە العاباسارلىققا يە. باسىم كوپ ساندىسى ٴوندىرىس پەن قىزمەتتىڭ ٴبىرىنشى شەبىنە تامىر تارتىپ، كورنەكتى ۇلەس قوسقان «ەرەكشە قاراپايىم ادامدار». مۇنىڭ ىشىندە جاسى ەڭ ۇلكەنى 86 جاستا، ەڭ كىشىسى 14 جاستا. الاۋ جالعاۋشىلاردىڭ ىشىندە 20 نەشە مەملەكەت پەن رايوننان كەلگەن حالىقارالىق دوستار بار.


    وسى رەتكى الاۋ جەتكىزۋدەگى جارقىن ٴتۇيىن-ماشينا ادام مەن اۆتوماتتى شوفەرلىك سياقتى كەڭ كولەمدە قولدانىلاتىن بولاشاققا يە، بولاشاق دامۋ بەتالىسىنا ۇيلەسەتىن تەحنيكالار الاۋ جەتكىزۋ بارىسىنا سىڭىرىلگەندىگى بولىپ تابىلادى. بەيجيڭ قىسقى وليمپيك سپورت جارىسىن ۇيىمداستىرۋ كوميتەتى الاۋ جەتكىزۋ ارناۋلى توبىنىڭ اقپارات ٴمانساپتىسى يۋان ديڭ بىلاي دەدى : 2-ايدىڭ 2-كۇنى تۇستەن كەيىن سۋ جولىندا قوس مەكەندى ماشينا ادام الاۋدى سۋ استىندا ماشينا ادامعا تاپسىرىپ بەرەدى. بۇل وليمپيك تاريحىنداعى تۇڭعىش رەت ماشينا ادام اراسىنداعى الاۋ جەتكىزۋ بولىپ تابىلادى. شوۋگاڭ بولات باقشاسىندا وسى الاۋ جەتكىزۋ مايدانىندا ٴبىر بولەك جولدا شوفەرسىز اۆتوموبيل جۇرگىزۋ ارقىلى الاۋ جەتكىزۋ مىندەتى ورىندالادى.


اۋدارعان: قاناتبەك جۇماباي ۇلى

中央广播电视总台 央广网 版权所有

بەيجيڭ قىسقى وليمپيك سپورت جارىسى مەن مۇگەدەكتەر قىسقى ولىمپيك سپورت جارىسىنىڭ الاۋ جەتكىزۋ لەنياسى تۇراقتاندى، وليمپيك سپورت جارىسى تاريحىندا تۇڭعىش رەت ماشينا ادام سۋ استىندا الاۋ جالعايدى

بەيجيڭ 2022 - جىلعى قىسقى وليمپيك سپورت جارىسىن ۇيىمداستىرۋ كوميتەتى 1-ايدىڭ 21-كۇنى قىسقى وليمپيك سپورت جارىسى مەن مۇگەدەكتەر قىسقى وليمپيك سپورت جارىسىنىڭ الاۋ جەتكىزۋ لەنياسىن جاريالادى.