ٴوز حابارىمىز. مەملەكەتتىك ساياسي كەڭەس پارتگرۋپپاسىنىڭ نازاريا ۇيرەنۋ وزەكتى گرۋپپاسى 1- ايدىڭ 21- كۇنى 2022 ـ جىلعى 1 ـ رەتكى توپتىق ۇيرەنۋىن وتكىزىپ، باس شۋجي شي جينپيڭنىڭ 19 ـ كەزەكتى ورتالىق ٴتارتىپ تەكسەرۋ كوميتەتىنىڭ التىنشى جالپى ماجىلىسىندە سويلەگەن ماڭىزدى ٴسوزى مەن جالپى ٴماجىلىستىڭ رۋحىن ۇيرەنىپ، ٴتۇسىنىپ، ساياسي كەڭەستىڭ ٴىس جۇزىندىك جاعدايىمەن ۇشتاستىرىپ، دايەكتىلەندىرۋدىڭ، تياناقتاندىرۋدىڭ ناقتى شارالارىن اقىلداسىپ ورنالاستىردى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ٴتوراعاسى، پارتگرۋپپاسىنىڭ شۋجيى ۋاڭ ياڭ ٴماجىلىستى باسقاردى ٴارى ٴسوز سويلەدى.

ماجىلىستە مىنالار اتاپ كورسەتىلدى: باس شۋجي شي جينپيڭنىڭ ماڭىزدى ٴسوزى پارتيا مەن مەملەكەت ىستەرى دامۋىنىڭ جالپى جاعدايى تۇرعىسىنان، جاڭا داۋىردەگى پارتيانىڭ وزىندىك توڭكەرىسىنىڭ تابىستى امالياتىن تەرەڭ قورىتىندىلاپ، پارتيانى جاپپاي قاتاڭ باسقارۋدا قول جەتكەن تاريحي جاسامپازدىق تابىستاردى، وسى بارىستا قول جەتكىزگەن جان ـ جاقتى، تەرەڭ قاتپارلى ىقپالدى جۇيەلى بايىمداپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، پارتيانىڭ 20 ـ قۇرىلتايىنىڭ جەڭىسپەن اشىلۋىن قارسى الۋ جونىندە ستراتەگيالىق ورنالاستىرۋ جاسادى، بۇل جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدىڭ پروگراممالىق حۇجاتى، سونداي ـ اق حالىق ساياسي كەڭەسىنىڭ پارتيا قۇرىلىسىن كۇشەيتۋدەگى نەگىزگى ولشەمى جانە ارەكەت باعدارلاماسى. ساياسي كەڭەستىڭ پارتگرۋپپاسى يدەيا مەن ارەكەتتى باس شۋجي شي جينپيڭنىڭ ماڭىزدى ٴسوزى مەن جالپى ٴماجىلىستىڭ رۋحىمەن شىن مانىندە بىرلىككە كەلتىرىپ، پارتيانىڭ 18 ـ قۇرىلتايىنان بەرگى پارتيانىڭ تاريحي تاجىريبەلەردى قورىتىندىلاپ جانە پايدالانىپ، پارتيانى باسقارۋدا، پارتيانى جونگە سالۋدا قول جەتكىزگەن نازاريالىق جاڭالىق اشۋدى، امالياتتىق جاڭالىق اشۋدى، تۇزىمدىك جاڭالىق اشۋدى ىشكەرىلەي ىلگەرىلەتىپ، شىرىكتەسۋگە قارسى كۇرەستىڭ قاتاڭ دا كۇردەلى جاعدايىن جاپپاي يگەرىپ، قاتاڭ نەگىزگى اۋەننەن اۋىتقىماۋعا تاباندى بولىپ، پارتيانى جاپپاي قاتاڭ باسقارۋدى تاباندىلىقپەن ىشكەرىلەي ىلگەرىلەتۋ كەرەك. يدەيالىق ـ ساياسي جەتەكشىلىكتى ساياسي كەڭەستىڭ مىندەت اتقارۋ جالپى بارىسىنا ٴسىڭىرىپ، پارتيانىڭ بيلىك جۇرگىزۋ نەگىزى مەن بۇقارالىق نەگىزىن ونان ارى بەكەمدەۋ كەرەك. باستان ـ اياق ٴوز قۇرىلىسىن كۇشەيتىپ، بورىش تانىمىن، جاۋاپكەرشىلىك ارقالاۋدى كۇشەيتىپ، پارتيالىلىق سانالىقتى جوعارىلاتىپ، «ٴتورت تانىمدى» كۇشەيتىپ،«ٴتورت سەنىمدى» بەكەمدەپ، «ەكىنى قورعاۋدى» ورىنداپ، يدەيالىق جاقتان نەگىزدى بەكەمدەپ، جەمقورلىقتان، ازعىنداۋدان ساقتانۋ قابىلەتىن كۇشەيتىپ، تاماشا جىگەرمەن قىزمەت جاۋاپكەرشىلىگىن ادا ەتىپ، ورنىقتى، اقاۋسىز ەكونوميكالىق ورتانى، مەملەكەتتىڭ تىنىش قوعامدىق ورتاسىن، ستيلى پاك، سالتى دۇرىس ساياسي ورتانى ساقتاۋعا ٴتيىستى ۇلەس قوسۋ كەرەك.

اۋدارعان: سەرىك راقىم ۇلى