ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جاڭا يدەيا جەتەكشىلىگىندەگى جاڭا جورىق: شاڭحاي قالاسىندا ەكونوميكانى جوعارى ساپالى دامىتۋ اياق الىسى جەدەلدەپ، «14ـ بەسجىلدىق جوسپاردا تاماشا باستاما جاراتىلدى

来源:جۇڭگو قازاق راديو تورابى     |责编:古丽美热|     发布日期: 2022-01-23 11:02

 

ٴوز حابارىمىز. شاڭحاي قالاسى پارتيا مەن مەملەكەت قىزمەتىنىڭ جالپى جاعدايىندا توتەنشە ماڭىزدى ورىنعا يە. باس شۋجي شي جينپيڭ بىلاي دەپ انىق ايتتى: جوعارى ساپالى دامۋدىڭ كۇش سالۋ ٴتۇيىنىن ناقتى ەكونوميكاعا اۋدارۋ؛ ناقتى ەكونوميكا عىلىم-تەحنيكادا جاڭالىق جاراتۋ، وسىزامانعى فينانس، ادام كۇشى بايلىعى سايكەستى داميتىن كاسىپ سالاسى جۇيەسىن جەدەل قۇرىپ، شاڭحايدىڭ الەمدىك قالالار جۇيەسىندەگى ىقپال كۇشى مەن باسەكەلىك قۋاتىن جالپى بەتتىك جوعارىلاتۋ كەرەك. 

    2021-جىلعى كۇردەلى دە اۋىر حالىقارالىق ورتا جانە ەل ىشىندە جۇقپالى اۋرۋ تارالۋ سياقتى قات-قابات سايىستار تۋىلعان جاعدايدا، شاڭحاي قالاسىندا ەكونوميكانى جوعارى ساپالى دامىتۋ اياق الىسى جەدەلدەي ٴتۇستى. بۇكىل قالانىڭ ٴوندىرىس جالپى ٴونىم قۇنى تۇڭعىش رەت 4 تريلليون يۋاننان اسىپ، مەملەكەت بويىنشا قالالاردىڭ الدىڭعى قاتارىنا ٴوتىپ، «14-بەسجىلدىق» جوسپاردىڭ تاماشا باستاماسى جاراتىلدى. 

    2021-جىلى شاڭحاي قالاسىنىڭ ونەركاسىپ ارتقان قۇنى تۇڭعىش رەت ٴبىر تريلليون يۋاننان اسىپ، مەملەكەت بويىنشا الدىڭعى ورىندى يەلەدى. پۋدۇڭدا «جۇڭگو چيپى»، «جاڭالىق جاراتىلعان ٴدارى»، «كوك اسپان ارمانى» سياقتى جوعارى دەڭگەيلى كاسىپتەردە جاراتىلعان قۇن جالپى مولشەرى ٴبىر تريلليون يۋاننان استى. 2022-جىلعى تۇڭعىش قىزمەت كۇنىندە جيىنى 317 ميلليارد 600 ميلليون يۋان قارجى قوسىلعان 82 ءىرى نىساندا پۋدۇڭدا شوعىرلى جۇمىس باستالىپ، دۇنيە ٴجۇزى دارەجەلى 3 ۇلكەن كاسىپ شوعىرىنىڭ جەدەل قالىپتاسۋى ٴتۇيىندى قاتتى يادرو كاسىبىنە ۇزدىكسىز تەبىن قوسىتى. شاڭحاي قالالىق ەكونوميكا جانە ينفورماتسيالاندىرۋ كوميتەتىنىڭ مەڭگەرۋشىسى ۋ جينچىڭ بىلاي دەدى: ينتەگرالدى تىزبەك، بيولوگيالىق ٴدارى-دارمەك، جاساندى زەيىن، وسى ٴۇش ٴىرى ستراتەگيالىق كاسىپتى دامىتۋ-ورتالىق شاڭحايعا تاپسىرعان ستراتەگيالىق مىندەت. پۋدۇڭدا وسى ٴۇش ٴىرى كاسىپ سالاسىنىڭ نەگىزى وتە جاقسى، كوپتەگەن ۇزدىك كاسىپورىندار دا بار، بۇل جولى تاعى دا ٴبىر توپ نىساندا ٴتۇيىندى تۇردە جۇمىس باستالىپ، ٴۇش ۇلكەن كاسىپ جاعى % 50 نىسان سانىن، % 80 قارجى سوماسىن ۇستادى، وسى ٴۇش ۇلكەن كاسىپ پۋدۇڭدا اناعۇرلىم زور رول اتقارىپ، پۋدۇڭ رايونىنىڭ كاسىپ سالاسىنىڭ جوعارى ساپالى دامۋىنا سەركە بولىپ، دۇنيە جۇزىلىك باسەكەلىك قۋاتقا يە كاسىپ شوعىرىن قۇرۋعا ۇلگى كورسەتەدى دەۋگە بولادى. 

    تۇتىنۋ−ەكونوميكالىق ارتۋدىڭ ەڭ نەگىزگى، ەڭ ورنىقتى، ەڭ باياندى قوزعاۋشى كۇشى. وتكەن ٴبىر جىلدا شاڭحاي قالاسىندا حالىقارالىق تۇتىنۋ ورتالىعى قالاسى ەڭ الدىمەن جەتىلدىرىلدى جانە قۇرىلدى. تۇتاس جىلدا قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى ٴبىر تريلليون 800 ميلليارد يۋانعا جەتىپ، ۇقساس مەزگىلدەگىدەن %13.5 ارتتىرىپ، مەملەكەت بويىنشا ٴىرى قالالاردا الدىڭعى ورىندى يەلەدى. شاڭحاي قالالىق تۇتىنۋشىلاردىڭ ۇقىق-مۇددەسىن قورعاۋ كوميتەتىنىڭ باس حاتشىسى تاۋ ايليان بىلاي دەدى: قامداۋ جاعىندا كۇش-قۋاتتى تولىق جۇمساپ، تىندىرىمدى ىستەر ىستەپ، دۇنيە ٴجۇزى بايلىعىن شوعىرلاندىرىپ، ەكونوميكا قاينارى كوزىن اشىپ، مەملەكەت ۇردىسىندىك ماركالار جەتىلدىرىپ، ساپانى جوعارىلاتىپ، سيىمدىلىقتى ارتتىرۋدى جەبەپ، جاڭا كاسىپ فورماتسياسىنىڭ، جاڭا ۇلگىنىڭ جەدەل دامۋىن اناعۇرلىم ىلگەرىلەتۋ جولىندا قۇلشىنۋدامىز. ەندى ٴبىر جاعىنان، ٴبىز سۇرانىس جاعىنان كۇش سالىپ، شاڭحاي تۇتىنۋشىلارىنىڭ ەرەكشەلىگىن تۇتىنۋدىڭ ساپاسىن جوعارىلاتىپ، سيىمدىلىعىن ارتتىرۋدىڭ قوزعاۋشى كۇشىنە اينالدىرۋعا كۇش سالۋدامىز. 

    2021-جىلعى شاڭحاي قالاسىندا اشىلعان ەكى ٴماجىلىس كەزىندە «بەس جاڭا قالا» قۇرىلىسى شاڭحاي قالالىق ۇكىمەتتىڭ قىزمەت بايانداماسىنا تۇڭعىش رەت ەنگىزىلدى. مۇندا جياديڭ، چيڭپۋ، سۇڭجياڭ، فىڭشيان، نانحۇي سىندى 5 جاڭا قالانى دەربەس ۋنيۆەرسال قالا ەتىپ قۇرىپ شىعۋ ايقىن بەلگىلەندى. ٴبىر جىلدا 50 كاسىپورىننىڭ باس شتابى، 62 زەرتتەۋ-تاپقىرلاۋ ورتالىعى كەلىسىم جاساسىپ، جاڭا قالاعا ىرگە تەپتى. حالىق تۇرمىسىنا قاتىستى 91 ماڭىزدى نىسان، 25 ٴتۇرلى ماڭىزدى قاتىناس ينجەنەرياسىندا جۇمىس باستالىپ، جالپى قوسىلعان قارجى 100 ميلليارد يۋاننان استى. شاڭحاي قالاسى جياديڭ رايوندىق پارتكومنىڭ شۋجيى لۋ فاڭجوۋ بىلاي دەدى: 2021-جىلى تيجارات-ساۋدا ورتاسى جاعىندا تاعى دا تىڭ قادام تاستالدى، سونداي-اق كەيبىر نىشاندىق، سەرپىندى شارۋاشىلىق-ساۋدا ورتاسىن جاقسارتۋ شارالارى العا قويىلدى، سوندىقتان كاسىپورىندار ۇزدىكسىز قارجى قوسىپ، شارۋاشىلىقتى شالقىتىپ، كولەمدى كەڭەيتىپ، ٴوندىرىستى ۇزدىكسىز ۇلعايتۋعا كامىل سەنىمگە يە بولدى. 

    بيىل شاڭحاي قالاسىندا «5 جاڭا قالا» قۇرىلىسى جالپى بەتتىك ىلگەرىلەپ «ٴبىر قالا، ٴبىر وزەك» قۇرىلىپ، «ٴبىر قالا، ٴبىر تىلەك» قالىپتاسىپ، قالا ٴوڭىرىنىڭ دامۋ جاعدايىن قايتا سومداۋ، جالپى تۇلعالىق ساپالاندىرۋ جەبەلەدى. شاڭحاي قالاسى سۇڭجياڭ رايوندىق پارتكومنىڭ شۋجيى چىڭ شياڭمين بىلاي دەدى: سۇڭجياڭ جاڭا قالاسى جاڭا دامۋ جاعدايىن قالىپتاستىرۋ بارىسىندا چاڭجياڭ اتىراۋى G 60 عىلىم-تەحنيكادا جاڭالىق جاراتۋ ٴدالىزى جوعارى ساپالى دامۋ جاڭا جاعدايىن قالىپتاستىرىپ، حالىقارالىق ىقپالعا يە جاڭالىق جاراتۋ تاكتيكا كوزىن اشادى. «14–بەس جىلدىق» جوسپار كەزىندە جوعارى ساپالى دامۋ- ورنىقتىلىق بارىسىندا ىلگەرىلەۋدە ساپالىق قامال الۋ بولىپ تابىلادى. وسى العى شارت بويىنشا، ٴبىز ناقتى ەكونوميكانى دامىتۋدا، اسىرەسە، وزىق جاساۋ كاسىبى تىرەك بولعان ناقتى ەكونوميكانى كۇشەيتۋ، ۇلعايتۋ، ساپالاندىرۋ ارقىلى نىق قاداممەن باياندى دامۋ نىساناسىنا جەتۋىمىزگە بولادى.


  اۋدارعان: قاناتبەك جۇماباي ۇلى 

中央广播电视总台 央广网 版权所有

جاڭا يدەيا جەتەكشىلىگىندەگى جاڭا جورىق: شاڭحاي قالاسىندا ەكونوميكانى جوعارى ساپالى دامىتۋ اياق الىسى جەدەلدەپ، «14ـ بەسجىلدىق جوسپاردا تاماشا باستاما جاراتىلدى

وزىق جاساۋ كاسىبى تىرەك بولعان ناقتى ەكونوميكانى كۇشەيتۋ، ۇلعايتۋ، ساپالاندىرۋ ارقىلى نىق قاداممەن باياندى دامۋ نىساناسىنا جەتۋىمىزگە بولادى