ٴوز حابارىمىز. ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلى 8 تاراۋ، ورىن تاياۋدا «2022-جىلعى كوكتەم مەرەكەسى كەزىندە ديقان جۇمىسكەرلەرگە قامقورلىق جاساۋ قىزمەت وتەۋ قيمىلىن ورىستەتۋ جونىندەگى ۇقتىرۋدى» باسىپ تاراتىپ، كوكتەم مەرەكەسى كەزىندە ديقان جۇمىسكەرلەرگە قىزمەت وتەۋدى قامتاماسىزداندىرۋ قىزمەتى جونىندە ورنالاستىرۋ جاسادى. 

    ۇقتىرۋدا مىنالار تالاپ ەتىلدى: ٴبىرىنشى، جولاۋشىلاۋعا ويداعىداي قىزمەت وتەۋ كەرەك. جەر-جەر اۋىلعا قايتقان ديقان جۇمىسكەرلەردى لەككە ٴبولىنىپ جولعا شىعۋعا بەلسەنە جەتەكتەۋ؛ جۇقپالى اۋرۋدان ساقتانۋ-تىزگىندەۋ تالابىن ٴبىر تۇتاس ويلاستىرىپ، ساپارعا شىققان ديقان جۇمىسكەرلەرگە دەر كەزىندە ارناۋلى اۆتوموبيل ورنالاستىرۋ، ارناۋلى تاسىمالداۋ قىزمەتىن ورىستەتۋگە ۇيىمداستىرۋ؛ ەكىنشى، جۇمىستاندىرۋعا قىزمەت وتەۋدى ويداعىداي ىستەۋ كەرەك. جەر-جەر جەرلىك جاعدايعا قاراي جۇمىس ورنىن ورنىقتىرىپ، جۇمىس ورنىن ساقتاۋ، ديقان جۇمىسكەرلەردى سىرتقا شىعىپ جۇمىس ىستەۋگە جەتەكتەۋ؛ سول جەردىڭ وزىندە، جاقىن ماڭدا جۇمىسقا ورنالاسۋعا، شارۋاشىلىق قۇرۋعا جەبەۋ كەرەك. ٴۇشىنشى، ديقان جۇمىسكەرلەردىڭ ەڭبەك قامتاماسىزداندىرۋ ۇقىق-مۇددەسىن ويداعىداي قورعاۋ؛ ەڭبەكاقىعا قارىزدار بولۋدى جونگە سالۋ قىسقى ارناۋلى قيمىلىن تىڭعىلىقتى جۇرگىزۋ كەرەك. ٴتورتىنشى، كوڭىل ٴبولۋدى، قامقورلىق جاساۋدى كۇشەيتۋ كەرەك. جەر-جەر الۋان فورماداعى «قامقورلىق جاساۋ» قيمىلىن بەلسەنە ورىستەتۋ؛ قيىنشىلىعى بار ديقان جۇمىسكەرلەردى ەڭ تومەنگى شەكتەن تۇسىرمەي قامتاماسىزداندىرۋدى كۇشەيتۋ؛ ديقان جۇمىسكەرلەرگە پارتيا مەن ۇكىمەتتىڭ مەيىرىن سەزىندىرۋ كەرەك.


اۋدارعان: قاناتبەك جۇماباي ۇلى