ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

جەر-جەر ءتۇرلى اپات، شىرعالاڭدارعا مەڭزەس جالپىلىق جاتتىعۋ جۇرگىزدى

来源:جۇڭگو قازاق راديو تورابى     |责编:达吾力别克 |     发布日期: 2022-05-13 13:55
ءوز  حابارىمىز. 5-ايدىڭ 12-كۇنى-14-رەتكى مەملەكەت بويىنشا اپاتتان ساقتانۋ، اپات زيانىن ازايتۋ كۇنى، بيىلعى وسى كۇننىڭ باستى تاقىرىبى-« اپات حاۋىپ-قاتەرىن ازايتىپ، كورىكتى مەكەندى قورعاۋ ». جەر-جەر ءتۇرلى اپات، شىرعالاڭدارعا مەڭزەس جالپىلىق جاتتىعۋ جۇرگىزىپ، شۇعىل جاعدايعا توتەپ بەرۋ، ءبىر جاقتى ەتۋ قۋاتتارىن ارتتىردى.
 
5-ايدىڭ 12-كۇنى تۇستەن كەيىن ساعات 14: 27 مينۋت وتكەندە سىچۋان ولكەسىنىڭ ۋىنچۋان اۋدانىنداعى يىڭشيۋ باستاۋىش مەكتەبى جەر سىلكىنىسىنە شۇعىل توتەپ بەرۋ جالپىلىق جاتتىعۋىن جاسادى. سيگنال تاراتىلعاننان كەيىنگى ءبىر مينۋت ىشىندە، يىڭشيۋ باستاۋىش مەكتەبىندەگى وقىتۋشى-وقۋشىلار مىنبە جانە ۇستەل-ورىندىقتاردىڭ استىنا بۇعىنىپ قاتەردەن ساقتانۋ ماشىعىن جاسادى. ءبىر مينۋتتان كەيىن ولار تاعى تۇگەلدەي دەنە تاربيە الاڭىنا تارتىپپەن بارىپ الاڭقى جەردە باس ساۋعالاۋدى ۇيرەندى. يىڭشيۋ باستاۋىش مەكتەبىنىڭ باستىعى حى لين بىلاي دەدى: بالالار ساقتىق دابىلىنىڭ داۋىسىن ەستي سالا، ءبىزدىڭ نۇسقاعان باعىتىمىز بويىنشا شاماسى 10 سەكۋنتتا كوزدەگەن جەرگە جۇگىرىپ جەتتى.  
 
جياڭشي ولكەسىنىڭ 2022-جىلعى اپات، شىرعالاڭدارعا شۇعىل توتەپ بەرۋ، قۇتقارۋ جالپىلىق جاتتىعۋى جيۋجياڭ قالاسى مەن گانجوۋ قالاسىندا وتكىزىلدى. جاتتىعۋدا جيۋجياڭ قالاسىنىڭ تاسقىن مەزگىلىنەن كەيىنگى جالعاسۋ ۋاقىتى ەڭ ۇزاق، كۇشەمەلىلىگى ەڭ زور جاۋىن-شاشىن كەزەڭىنە توتەپ بەرۋ كوزدە ۇستالىپ، تاسقىننان ساقتانۋ، قاتەردەن اراشالاۋ ماشىقتارى جاسالدى. مەملەكەت بويىنشا تۇڭعىش ءىرى تيپتى سۋ ۇستىندە شۇعىل جاعدايعا توتەپ بەرۋ، قۇتقارۋ ينجەنەرياسى كەمەسى بولعان « جۇڭگونىڭ شۇعىل جاعدايعا توتەپ بەرۋ جيۋجياڭى » اتتى كەمە تۇڭعىش رەت جاتتىعۋعا سالىندى. جياڭشي ولكەسى جيۋجياڭ قالاسى شۇعىل جاعدايعا توتەپ بەرۋ، باسقارۋ جالپىلىق اكىمشىلىك زاڭ اتقارۋ تارماق اترەتىنىڭ باستىعى جاۋ حۇڭكۇي بىلاي دەدى: وسى جاڭا جابدىقتاردىڭ ىسكە قوسىلۋى جيۋجياڭ جانە چاڭجياڭ رايونىنداعىلاردىڭ، سونداي-اق پوياڭحۋ رايونىنداعىلاردىڭ تاسقىنعا قارسى اتتانىپ، قاتەردەن اراشالاۋىنا پارمەندى كەپىلدىك ەتتى.
 
   يۇننان ولكەسىندە 7.3 بال جەر سىلكىنۋگە ەلىكتەپ زور قۇتقارۋ ماشىعى جاسالدى. شۇعىل جاعدايعا توتەپ بەرۋ، ءورت ءوشىرۋ،   اۆياتسيا سياقتى ءار جاقتاعىلار بىرلەسىپ اپات تۋىلعاننان كەيىنگى 10 ساعات ىشىندە اپاتقا ۇشىراعانداردىڭ نەگىزگى تۇرمىسىنا ءونىمدى كومەك كورسەتۋ ماشىعىن جاسادى.
 
اۋدارعان: امانتاي مۇسايىپ ۇلى
 
 
 

中央广播电视总台 央广网 版权所有

جەر-جەر ءتۇرلى اپات، شىرعالاڭدارعا مەڭزەس جالپىلىق جاتتىعۋ جۇرگىزدى

5-ايدىڭ 12-كۇنى-14-رەتكى مەملەكەت بويىنشا اپاتتان ساقتانۋ، اپات زيانىن ازايتۋ كۇنى، بيىلعى وسى كۇننىڭ باستى تاقىرىبى-« اپات حاۋىپ-قاتەرىن ازايتىپ، كورىكتى مەكەندى قورعاۋ ».