ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

«قيىن-قىستاۋ جاعدايدا جول تاۋىپ، دامۋدى كوزدەيىك» دەگەن تاقىرىپتاعى ارناۋلى حاباردىڭ «باجى تاراۋىنان سوعىلعان توسىن تەلەفون» دەگەن ءبولىمى

来源:جۇڭگو قازاق راديو تورابى     |责编:达吾力别克 |     发布日期: 2022-05-13 14:02
ءوز  حابارىمىز. ورتا، شاعىن كاسىپورىندار ەلىمىزدىڭ حالىق شارۋاشىلىعى مەن الەۋمەتتىك دامۋىنداعى ماڭىزدى كۇش. جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتى تارالعاننان بەرى ورتا، شاعىن كاسىپورىندار دامۋدا ءبىرشاما زور سوققىعا جانە ىقپالعا ۇشىرادى. ماي اقىسىن، باجىنى ازايتۋ، كەشىرىم ەتۋ، قارجى قۇراۋ وزىندىك قۇنىن تومەندەتۋ، ۇكىمەتتىڭ قىزمەت وتەۋىن ساپالىلاندىرۋداي ءبىر قىدىرۋ ساياساتتىق كەشەندى شارالار ىركەس-تىركەس اتقارىلدى، كوپتەگەن ورتا، شاعىن كاسىپورىندار قيىنشىلىققا قارسى ۇدىرە العا تارتىپ، مۇشكىل جاعدايدا شىعار جول تاۋىپ، ەكونوميكانىڭ قالپىنا كەلۋىن، دامۋىن جەبەدى. « قيىن-قىستاۋ جاعدايدا جول تاۋىپ، دامۋدى كوزدەيىك » دەگەن تاقىرىپتاعى ارناۋلى حاباردىڭ بۇگىن « باجى تاراۋىنان سوعىلعان توسىن تەلەفون » دەگەن ءبولىمىن تىڭدايسىزدار.
 
بەيجيڭدەگى تۇرمىستىق قاجەتتى بۇيىمدار زات اينالىمى تاسىمال سەرىكتىگىنىڭ جاۋاپتىسى جوۋ يۇڭساي ءار كۇنى قىزمەت ورنىنا باراردان بۇرىن زات جەتكىزەتىن كولىكتەردى ورنالاستىراتىن اداممەن كولىك جاعدايىن الدىن الا الىستان ۇعىسۋعا داعدىلانعان. جوۋ يۇڭساي بىلاي دەدى: بەلگىلەمە بويىنشا شوفەرلەرىمىز قاتەرلى رايونعا بارىپ-كەلگەننەن كەيىن ۇيلەرىندە وڭاشالانادى، ال وڭاشالانسا زات جەتكىزىپ بەرە المايدى، تاسىمال قۋاتىمىز دا تومەندەيدى. الايدا، سەرىكتىگىمىزدىڭ ءبىر ورتاق تانىمى بار، ياعني، زات جەتكىزۋدى توقتاتپاۋ ءارى وزىندىك قۇندى تومەندەتۋ.
 
قاتەرلى رايونداعى ءبىر دۇكەن زاكاز بەرگەندە، سول رايونداعى باسقا قاريدارلاردىڭ زات جوتكەۋ سۇرانىسى بار ما، جوق پا؟ ءيا بولماسا ءالى زاكاز بەرمەگەنبە؟ دەگەن ماسەلە جايلى جوۋ يۇڭساي مەن ونىڭ قىزمەتتەستەرى دۇكەندەردىڭ، قاريدارلاردىڭ سۇرانىستارىن مۇمكىندىكتىڭ بارىنشا ءبىر جولدا قاناعاتتاندىرۋ شاراسىن شىعارىپ، شوعىرلى جەتكىزۋ ءادىسى ارقىلى شوفەرلەردىڭ قاتەرلى رايونعا بارۋ رەت سانىن ازايتتى.  سوندادا كەيبىر شوفەرلەردىڭ تۇرعان جەرىندەگى جۇقپالى اۋرۋدان ساقتانۋعا-تىزگىندەۋگە سايكەسۋ ءۇشىن قىزمەت ورنىنا بارا المايتىن احۋالدار بار.
 
جوۋ يۇڭساي بىلاي دەدى: شوفەرلەرىمىز قىزمەت ورنىنا كەلە الماي قالعان كەزدە قوعامداعى ۋاقىتتىق كولىكتەردى مايعا الامىز. قازىر سىرتقا مايعا بەرىلەتىن كولىكتەردىڭ نارقى قىمبات. باسىمىز قاتىپ قايتەرىمىزدى بىلە الماعان كەزدە سەرىكتىكتىڭ قازىنا جاۋاپتىسى چىڭ جۇن باجى تاراۋىنان سوعىلعان تەلەفونعا جاۋاپ قايتارىپ تروپكاسىن قويعاننان كەيىن، باجى تاراۋىنىڭ بىزگە 1 ميلليون يۋاننان استام باجى سوماسىن قايتارىپ بەرمەك بولعاندىعىن، ول ءۇشىن ءوتىنىش بەرۋىمىز كەرەك ەكەندىگىن ايتتى. سول كەزدە مەن قۋانعانىمنان ءوتىنىش بەرەيىك دەدىم.  ۇيتكەنى ءبىزدىڭ قارجى تىزبەگىمىزدەگى قيىن ءتۇيىن شىنىمەن شەشىلەتىن بولىپ تۇر.
 
وسى ۇقتىرۋدى بەيجيڭ تۇڭجوۋ رايوندىق باجى مەكەمەسى سۇڭجۋاڭ باجى بولىمشەسىنىڭ ءاربىر قىزمەتكەرى تيجاراتشىلار مەن ساۋداگەرلەرگە كۇندە تەلەفون سوعىپ ۇقتىرۋدا.  
 
  ساناققا قاراعاندا، 4-ايدىڭ 1-كۇنىنەن 5-ايدىڭ 10-كۇنىنە دەيىن 913 ميلليارد 800 ميلليون يۋان قايتارىلاتىن باجى سوماسى 1 ميلليون 500 مىڭعا جۋىق باجى تاپسىرۋشىنىڭ بانكە ەسەپ داپتەرىنە قوندىرىلدى. بۇلاردىڭ ىشىندەگى ورتا، شاعىن، ۇساق كاسىپورىنداردىڭ سالىستىرماسى %99 تەن، قايتارىلعان باجى سوماسىنىڭ سالىستىرماسى %70  تەن استى. قايتارىلعان وسى اقشالار جوۋ يۇڭساي تۇرعان شاعىن، ۇساق زات اينالىمى سەرىكتىگى سياقتى كاسىپورىنداردىڭ قيىنشىلىعىن شەشىپ، سەنىمىن سەرپىلتۋدە ماڭىزدى رول اتقاردى.
 
جوۋ يۇڭساي بىلاي دەدى: ءبىز ءار رەت كولىكتەردى ىسكە قوسقاندا، كوپشىلىكتىڭ كوڭىلى ساباسىنا تۇسەدى. ۇكىمەت وسىنداي تاماشا ساياساتپەن قولداۋ كورسەتىپ جاتقاندا قيىنشىلىقتاردى جەڭۋىمىز كەرەك.
 
اۋدارعان: امانتاي مۇسايىپ ۇلى
 
 

中央广播电视总台 央广网 版权所有

«قيىن-قىستاۋ جاعدايدا جول تاۋىپ، دامۋدى كوزدەيىك» دەگەن تاقىرىپتاعى ارناۋلى حاباردىڭ «باجى تاراۋىنان سوعىلعان توسىن تەلەفون» دەگەن ءبولىمى

ورتا، شاعىن كاسىپورىندار ەلىمىزدىڭ حالىق شارۋاشىلىعى مەن الەۋمەتتىك دامۋىنداعى ماڭىزدى كۇش. جاڭا تيپتى ايدارشا ۆيرۋسپەن جۇعىمدالعان وكپە قابىنۋ ىندەتى تارالعاننان بەرى ورتا، شاعىن كاسىپورىندار دامۋدا ءبىرشاما زور سوققىعا جانە ىقپالعا ۇشىرادى.