ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

مەملەكەتتىك ساياسي كەڭەس قوس اپتالىق كەڭەس ٴماجىلىسىن اشىپ، «وتاندى، شياڭگاڭدى، اۋمىندى ٴسۇيۋ قۋاتى قۇرىلىسىن ونان ارى جوعارىلاتۋ» توڭىرەگىندە ۇكىمەت ٴىسىن اقىلداسىپ كەڭەس بەردى

来源:جۇڭگو قازاق راديو تورابى     |责编:阿依娜|     发布日期: 2022-05-14 10:13

 

ٴوز حابارىمىز. ساياسي كەڭەس مەملەكەتتىك 13-كەزەكتى كوميتەتىنىڭ 62-رەتكى قوس اپتالىق كەڭەس اڭگىمە ءماجىلىسى 5-ايدىڭ 13-كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى. ول مىنالاردى باسا دارىپتەدى: باس شۋجي شي جينپيڭنىڭ شياڭگاڭ، اۋمىن قىزمەتى جونىندەگى ماڭىزدى بايىمداۋلارىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، وتاندى، شياڭگاڭدى، اۋمىندى ٴسۇيۋ قابىلەتى قۇرىلىسىنىڭ قاجەتتىلىگى مەن كوكەي تەستىلىگىن جەتە تانىپ، «وتانشىلداردىڭ شياڭگاڭدى باسقارۋ»، «وتانشىلداردىڭ اۋمىندى باسقارۋ» ٴتۇبىرلى پرينسيبىنە، ۇلى ىنتىماق پەن ۇلى بىرلەستىككە تاباندى بولىپ، نازاردى تىرەكتى كۇشكە شوعىرلاندىرىپ، نەگىزدىك كۇشتى بەكەمدەپ، جاڭا كۇشتەردى جەتىلدىرىپ، ساياسيدى يگەرۋ قابىلەتىن، يدەياعا جەتەكشىلىك ەتۋ قابىلەتىن، ىنتىماقتاسا سەلبەسۋ قابىلەتىن، بۇقارامەن بايلانىس جاساۋ قابىلەتىن، ماسەلەنى شەشۋ قابىلەتىن قۇلشىنا جوعارىلاتىپ، تاماشا ساياساتتارمەن ەرەكشە رايوندى ويداعىداي باسقارۋىن جۇزەگە اسىرۋىنا دەم بەرىپ، «ٴبىر ەل، ەكى ٴتۇزىم» ٴامالياتىنىڭ ورنىقتى، باياندى جۇرگىزىلۋىنە كەپىلدىك ەتۋ كەرەك.


    ساياسي كەڭەستىڭ 11 مۇشەسى مەن ۇسىنىس ەتىلگەن ۋاكىلدەر ماجىلىستە ٴسوز سويلەدى، 90 نەشە مۇشە مەملەكەتتىك ساياسي كەڭەس مۇشەلەرىنىڭ مىندەت وتەۋ تەكشەسىندە پىكىر ٴبىلدىردى. مۇشەلەر لي جياچاۋدىڭ شياڭگاڭ ەرەكشە اكىمشىلىك رايونىنىڭ جاڭا كەزەكتى اكىمى بولىپ سايلانعاندىعىن قۇتتىقتادى، شياڭگاڭنىڭ جاراسىمدىلىعى مەن ورنىقتىلىعىنا جانە گۇلدەنىپ-كوركەيۋىنە، دامۋىنا تولىق سەنەتىندىكتەرىن ٴبىلدىردى. مۇشەلەر مىنانى ۇسىنىس ەتتى: شياڭگاڭ مەن اۋمىندى باسقارۋشىلاردىڭ بيلىك جۇرگىزۋ ورەسى مەن باسقارۋ، جونگە سالۋ قابىلەتىن جوعارىلاتۋدى كورنەكتى ورىنعا قويىپ، مەملەكەت مۇددەسىن بارىنەن دە جوعارى ورىنعا قوياتىن، حالىق تۇرمىسىنداعى قيىن ماسەلەلەردى شەشۋگە شەبەر، جاۋاپكەرشىلىك ارقالايتىن، ەرەكشە رايوندى باسقارۋ، جونگە سالۋ ۇيىرمەسى مەن ۇكىمەت قىزمەتكەرلەرى قوسىنىن قۇلشىنا قۇرۋ كەرەك. وتاندى، شياڭگاڭدى، اۋمىندى سۇيەتىن ساياسي توپتاردىڭ قوعامدىق ۇيىمدارىن ساياسي دەڭگەيدى جوعارىلاتۋعا، ٴوز ورنىن ٴدال تابۋعا، قىزمەت ٴتۇيىنىن يگەرۋگە، ٴوزىن جاڭالاۋدى ىلگەرىلەتۋگە، ىشكى باسقارۋدى كۇشەيتۋگە باستاۋ كەرەك. كاسىپتىك سالاداعى قايراتكەرلەردى ىنتىماقتاسۋعا، ۇيىستىرۋعا باسا ٴمان بەرىپ، وتاندى، شياڭگاڭدى، اۋمىندى سۇيەتىن كۇشتەر قوسىنىن كەڭەيتۋ كەرەك. وتاندى، شياڭگاڭدى، اۋمىندى سۇيەتىن زاپاس كۇش قۇرىلىسىن كۇشەيتۋ قاجەت. شياڭگاڭ، اۋمىن ساياسي كەڭەس مۇشەلەرى قوسىنىنىڭ قۇرىلىمىن ساپالىلاندىرۋى تيىس. شياڭگاڭ، اۋمىن جاستارى مەن ورەندەرىنىڭ وتانشىلدىق تاربيەسىن ۇزدىكسىز كۇشەيتۋ كەرەك.


    مەملەكەتتىك ساياسي كەڭەستىڭ ورىنباسار ٴتوراعاسى شيا باۋلۇڭ تاقىرىپتىق ٴسوز سويلەدى. مەملەكەتتىك كەڭەستىڭ شياڭگاڭ، اۋمىن كەڭسەسىنىڭ جاۋاپتىسى قاتىستى جاعدايلاردى تانىستىردى، ورتالىق كوميتەت بىرلىكساپ ٴبولىمىنىڭ، كوممۋنيستىك جاستار وداعى ورتالىق كوميتەتىنىڭ جاۋاپتىلارى ٴوزارا پىكىر اۋىستىردى.

 

اۋدارعان: نازار ٴارىپ ۇلى

中央广播电视总台 央广网 版权所有

مەملەكەتتىك ساياسي كەڭەس قوس اپتالىق كەڭەس ٴماجىلىسىن اشىپ، «وتاندى، شياڭگاڭدى، اۋمىندى ٴسۇيۋ قۋاتى قۇرىلىسىن ونان ارى جوعارىلاتۋ» توڭىرەگىندە ۇكىمەت ٴىسىن اقىلداسىپ كەڭەس بەردى

ساياسي كەڭەس مەملەكەتتىك 13-كەزەكتى كوميتەتىنىڭ 62-رەتكى قوس اپتالىق كەڭەس اڭگىمە ءماجىلىسى 5-ايدىڭ 13-كۇنى بەيجيڭدە اشىلدى.