ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

مەملەكەتتىك كەڭەس كەڭسەسى «جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋ، شارۋاشىلىق قۇرۋ قىزمەتىن ونان ارى ويداعىداي ىستەۋ جونىندەگى ۇقتىرۋدى» باسىپ تاراتتى

来源:جۇڭگو قازاق راديو تورابى     |责编:阿依娜|     发布日期: 2022-05-14 10:15


    ٴوز حابارىمىز. مەملەكەتتىك كەڭەس كەڭسەسى تاياۋدا «جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋ، شارۋاشىلىق قۇرۋ قىزمەتىن ونان ارى ويداعىداي ىستەۋ جونىندەگى ۇقتىرۋدى» باسىپ تاراتتى.


    «ۇقتىرۋدا» مىنالار اتاپ كورسەتىلدى: جوعارى مەكتەپ بىتىرگەن وقۋشىلار قاتارلى جاستاردىڭ كاسىپتەنۋى حالىق تۇرمىسىنىڭ باقىتىنا، ەكونوميكانىڭ دامۋىنا جانە مەملەكەتتىڭ بولاشاعىنا سايادى، جوعارى مەكتەپ بىتىرگەن وقۋشىلار قاتارلى جاستاردىڭ كاسىپتەنۋىن كاسىپتەندىرۋ قىزمەتىندەگى ەڭ ماڭىزدى ٴتۇيىن ەتىپ، جوعارى مەكتەپ بىتىرگەن قيىنشىلىعى بار وقۋشىلاردىڭ كاسىپتەنۋىنە كومەكتەسۋدى ٴتۇيىن ەتىپ، قازىرگى جانە بۇدان بىلايعى ٴبىر مەزگىلدەگى جوعارى مەكتەپ بىتىرگەن وقۋشىلار قاتارلى جاستاردىڭ كاسىپتەنۋ، شارۋاشىلىق قۇرۋ قىزمەتىن ويداعىداي ىستەۋ كەرەك.


    «ۇقتىرۋدا» مىنالار ورتاعا قويىلدى: كاسىپتەنۋ ورنىن كوپ ارنامەن اشۋ قاجەت. كاسىپورىنداردىڭ كاسىپتەنۋ كولەمىن كەڭەيتىپ، جوعارى مەكتەپ بىتىرگەن وقۋشىلاردى قابىلداعان ٴارى ٴبىر جىلدان استاپ ەڭبەك توقتامىنا قول قويعان ورتا، شاعىن، ۇساق كاسىپورىندارعا ٴبىر جولدا جۇمىسقا ورنالاستىرۋ قوسىمشا قاراجاتى بەرىلەدى. نەگىزگى ساتىلاردىڭ جۇمىستانۋ، قوعامدىق قامتاماسىزداندىرۋ، ەمدەۋ ـ دەنساۋلىق ساقتاۋ، قارتتاردى كۇتىمدەۋگە قىزمەت وتەۋ، قوعامدىق قىزمەت، ٴادىليالىق كومەك سياقتى جۇمىستانۋ ورايىن اشىپ، الەۋمەتتىك اۋماقتاردىڭ ارناۋلى قىزمەت ورىندارىندا قىزمەت ورايى بولسا الدىمەن قابىلداۋ نەمەسە بەلگىلى مولشەردە جوعارى مەكتەپ بىتىرگەن وقۋشىلاردى ارناۋلى قابىلداۋى كەرەك. دەربەس شارۋاشىلىق قۇرۋعا جانە يكەمدى جۇمىستانۋعا قولداۋ كورسەتىپ، بەلگىلەمە بويىنشا شارۋاشىلىق قۇرۋ قوسىمشا قاراجاتى، شارۋاشىلىق قۇرۋ كەپىلدىك قارىز اقشاسى جانە ٴوسىمى ەسەپكە الىنعان قارىز اقشا، باجىنى كەمەيتۋ، كەشىرىم ەتۋ، قوعامدىق قامسىزداندىرۋ قوسىمشا قاراجاتى سياقتى ساياساتتار جولعا قويىلادى. جۇقپالى اۋرۋدىڭ ىقپالىنا ۇشىراعان رايونداردىڭ ورتا، باستاۋىش مەكتەپ، بالالار باقشاسى، ورتا دارەجەلى كاسىپتىك مەكتەپ وقىتۋشىلارىنىڭ تولىمدىلىعىن ” الدىمەن قىزمەتكە شىعۋ، ونان سوڭ تەكسەرىپ دالەلدەۋ “ سىندى كەزەڭدىك شارالار بويىنشا اتقارۋعا بولادى.


    «ۇقتىرۋدا» مىنالار تالاپ ەتىلدى: باياندى جۇمىستانۋعا قىزمەت وتەۋدى كۇشەيتىپ، جۇمىس ىزدەۋ، جۇمىستانۋ رەسميەتتەرىن قاراپايىمداستىرىپ جانە ساپالىلاندىرىپ، جاستاردىڭ جۇمىستانۋىنا كومەكتەسۋدى، سۇيەمەلدەۋدى كۇش سالا كۇشەيتۋ كەرەك.

اۋدارعان: نازار ٴارىپ ۇلى

中央广播电视总台 央广网 版权所有

مەملەكەتتىك كەڭەس كەڭسەسى «جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋ، شارۋاشىلىق قۇرۋ قىزمەتىن ونان ارى ويداعىداي ىستەۋ جونىندەگى ۇقتىرۋدى» باسىپ تاراتتى

مەملەكەتتىك كەڭەس كەڭسەسى تاياۋدا «جوعارى مەكتەپ بىتىرگەن وقۋشىلار قاتارلى جاستاردىڭ جۇمىستانۋ، شارۋاشىلىق قۇرۋ قىزمەتىن ونان ارى ويداعىداي ىستەۋ جونىندەگى ۇقتىرۋدى» باسىپ تاراتتى.