ينفورماتسيا اشكەرەلەۋ: mzjubao@cnr.cn

ەل ٴىشى حابارلارى

قىزىل گەندى جالعاستىرعان انحۇيدىڭ دابيەشان بايىرعى رايونى شىت جاڭا بەينەگە ەندى

来源:جۇڭگو قازاق راديو تورابى     |责编:阿依娜|     发布日期: 2022-05-16 17:21

 

ٴوز حابارىمىز. انحۇي ولكەسىندەگى 19 اۋدان (قالا، رايون) دابيەشان توڭكەرىستىك بايىرعى رايونىنا جاتادى. پارتيا 18-قۇرىلتايىنان بەرى، انحۇيداعى قالىڭ كادرلار مەن بۇقارا باس شۋجي شي جينپيڭنىڭ تاپسىرماسىن ەستە بەرىك ساقتاپ، بايىرعى رايون رۋحىن ساۋلەلەندىرىپ، جالعاستىرىپ، جاڭا ٴداۋىر ەرەكشەلىگىنە يە بايىرعى رايوندى گۇلدەندىرۋدىڭ، دامىتۋدىڭ جاڭا جولىن قۇلشىنا اشتى.

كەزەكتە انحۇيدىڭ جينجاي اۋدانى داۋان قىستاعىنىڭ تۇرعىندارى ٴبىر جىلداعى ەڭ قاربالاس مەزگىلگە ٴوتتى. تاياۋ جىلداردان بەرى، قىستاقتاعى تاۋلى وڭىردە سۋ ٴۇستى ساياحاتى، جەمىس تەرۋ سياقتى ساياحات نىساندارى ساياحاتشىلاردى وزىنە باۋرادى، قىستاق تۇرعىندارى ٴوز ماڭايىنان-اق تۇراقتى كىرىسكە يە بولدى.


    دابيەشان قويناۋىنداعى داۋان قىستاعى انحۇيدىڭ باسقا كەدەي قىستاقتارى سياقتى قاتىناسى قولايسىز، دامۋى مەشەۋ، كەدەيلەسۋ مولشەرى جوعارى ەدى. بايىرعى رايونداعى حالىق تۇرمىسىن باس شۋجي شي جينپيڭ ەسىنەن شىعارمادى. پارتيا 18-قۇرىلتايىنان بەرى، باس شۋجي شي جينپيڭ انحۇيعا ەكى رەت بارىپ قىزمەت تەكسەرىپ، تەكسەرۋ-زەرتتەۋ جۇرگىزىپ، انحۇيدان نىسانالىق جاۋاپكەرشىلىكتى كۇشەيتىپ، كەدەيلىكتەن قۇتىلدىرۋدان قامال الۋ قىزمەتىن بار كۇشپەن ويداعىداي ىستەپ، حالىققا بەرگەن ۋادەسىن ٴىس-ارەكەتى ارقىلى ورىنداۋدى تالاپ ەتتى. شىنايى تاپسىرما العا باسۋدىڭ قوزعاۋشى كۇشىنە اينالدى، انحۇي ولكەسى دابيەشان توڭكەرىستىك بايىرعى رايونىن كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانى ەتىپ، ساياسات، نىسان، قارجى سياقتى جاقتارداعى سۇيەمەلدەۋ تەبىنىن ۇزدىكسىز ارتتىردى، 2020-جىلى دابيەشان توڭكەرىستىك بايىرعى رايونىنداعى ارحيۆ تۇرعىزىلىپ، كارتشكا بەرىلگەنٴبىر ميلليون 273 مىڭ كەدەي تۇگەلدەي كەدەيلىكتەن قۇتىلىپ، 954 كەدەي قىستاق كەدەيلىك قاتارىنان شىعارىلىپ، جاپپاي دوڭگەلەك داۋلەتتى قوعام قۇرۋ نىساناسى ۋاعىندا جۇزەگە اسىرىلدى.


    تۇنىق سۋ، جاسىل تاۋ-انحۇيدىڭ دابيەشان توڭكەرىستىك بايىرعى رايونىنىڭ ەڭ ۇلكەن ەكولوگيالىق ابزالدىلىعى. 10 جىلدان بەرى، بايىرعى رايون جاسىل دامۋ جولىن بەلسەنە قاراستىرىپ، 4 ميلليون 300 مىڭ مۋ جەرگە ورمان ٴوسىرىپ، جاسىلداندىرىپ، 2400 شارشى كيلومەتردەن استام اۋماقتا توپىراقتىڭ شايىلۋىن جونگە سالدى. حوشان اۋدانىندا جەرگىلىكتى ورىن قاعىر بەتكەيلەردى ورماندى جەرگە اينالدىرىپ، ورمان شارۋاشىلىعى ەكونوميكاسىن زور كۇشپەن دامىتقاندىقتان، 2021-جىلى ورمان شارۋاشىلىعىنىڭ جالپى ٴونىم قۇنى 15 ميلليارد يۋانعا جەتتى.


    بايىرعى رايونداردى گۇلدەندىرۋدە شارۋاشىلىق شەشۋشى ٴتۇيىن بولىپ تابىلادى. 10 جىلدان بەرى، بايىرعى رايونداعى ولكە دارەجەلىدەن جوعارى ەرەكشە اۋىل شارۋاشىلىق ونىمدەر ابزال رايونى 15 كە جەتىپ، شاي، جۇڭگوشا ٴدارى ماتەريالدارى، جىبەك قۇرتى سياقتىلاردى ۋاكىل ەتكەن اۋىل شارۋاشىلىق ەرەكشەلىگىنە يە ابزال كاسىپ سالاسى جەدەل دامىدى. كولەمدەنگەن ونەركاسىپ كاسىپورىندارى 2810 عا جەتىپ، جاڭا ماتەريال، جاڭا ەنەرگيالى اۆتوموبيل، جوعارى دەڭگەيلى جابدىق جاساۋ سياقتىلاردى ۋاكىل ەتكەن جاڭادان گۇلدەنگەن كاسىپتەر جەدەل دامىدى. انچيڭ قالاسىندا تۇتاس اۆتوموبيل جاساۋ كاسىپورىندارىن باستاماشى ەتكەن جوعارعى، تومەنگى اعارداعى 110 نان استام اۆتوموبيل بولشەكتەرى كاسىپورىندارى شوعىرلانىپ، وڭىرلىك كاسىپتەردىڭ شوعىرلى دامۋىن جەبەدى.


    ولقىلىقتاردى تولىقتاپ، حالىق تۇرمىسىنا تيىمدىلىك جاسادى. 10 جىلدان بەرى انحۇيدىڭ دابيەشان توڭكەرىستىك بايىرعى رايونىندا «قالا-قالاشىقتاردىڭ بارلىعىنا جوعارى قارقىندى تەمىر جول قاتىناتۋ»، «اۋدانداردىڭ بارلىعىنا جوعارى قارقىندى تاس جول قاتىناتۋ» جۇزەگە استى. اۋدان كولەمىندەگى مىندەتتى وقۋ-اعارتۋداعى تەپە-تەڭدىك نەگىزىنەن جۇزەگە اسىرىلىپ، اۋدان وڭىرىنە شوعىرلانعان ەمدەۋ ورتاق تۇلعاسى قۇرىلىسى جاپپاي قامتۋ ورىندالدى. بايىرعى رايونداعى اۋىل-قىستاق تۇرعىندارىنىڭ جان باسىندىق بولىسكە سالۋعا بولاتىن كىرىسى 2012-جىلعى 6672 يۋاننان 2021-جىلى 16 مىڭ 244 يۋانعا جەتتى. الدا انحۇي ولكەسى انحۇيدىڭ باتىسىنداعى دابيەشان توڭكەرىستىك بايىرعى رايونىنىڭ چاڭجياڭ اتىراۋىمەن ٴبىر تۇلعالانىپ دامۋىن ٴتۇيىندى ىلگەرىلەتىپ، چاڭجياڭ اتىراۋىنداعى جاسىل اۋىل شارۋاشىلىق ونىمدەرىن ٴوندىرۋ، مانەرلەۋ، قامداۋ بازاسىن، جوعارى ساپالى قىزىل ساياحاتتان ۇلگى كورسەتۋ بازاسىن جانە دەنساۋلىق كۇتىمدەۋ بازاسىن جەدەل قۇرادى.

اۋدارعان: گۇلنۇر قابىلقاق قىزى

中央广播电视总台 央广网 版权所有

قىزىل گەندى جالعاستىرعان انحۇيدىڭ دابيەشان بايىرعى رايونى شىت جاڭا بەينەگە ەندى

ۇدەرە العا تارتىپ، جاڭا جورىقتا ۇلەس قوسىپ، جاڭا داۋىرگە قادام تاستاۋ، بايىرعى رايوننىڭ شىت جاڭا بەينەسىن كورۋ-قىزىل گەندى جالعاستىرعان انحۇيدىڭ دابيەشان بايىرعى رايونى شىت جاڭا بەينەگە ەندى