بەيجيڭ قالاسىندا جۇقپالى اۋرۋدان ساقتانۋ-تىزگىندەۋ قىزمەتى اناعۇرلىم جەدەلەپ، جاۋاپكەرشىلىك اناعۇرلىم تياناقتاندى
ٴوز حابارىمىز. بەيجيڭ قالاسىندا قوعامدىق ساقتانۋ، تىزگىندەۋ شارالارى ۇزدىكسىز كۇشەيىپ، جۇقپالى اۋرۋدى تەز ٴبىر جاقتى ەتۋ، قاعىس قالدىرماۋ قاتاڭ ىستەلۋدە. 5-ايدىڭ 16-كۇنىنەن باستاپ 12 رايوندا جالعاستى ٴۇش رەت نۋكلەين قىشقىلىن وڭىرلىك تەكسەرۋ جالعاستى جۇرگىزىلدى.
بەيجيڭ قالالىق ۇكىمەت اقپارات كەڭسەسىنىڭ مەڭگەرۋشىسى شۇي حىجيان بىلاي دەدى : بۇل رەتكى جۇقپالى اۋرۋ تارالۋ كەزىندە بەيجيڭدە نۋكلەين قىشقىلىن وڭىرلىك تەكسەرۋ 10 رەت ورىستەدى، ٴار رەتكى تەكسەرۋدە كورمەسكى اۋرۋلار بايقالدى. بەيجيڭدە تاياۋدا 4 رەت شوعىرلى جۇعىمدالۋ جاعدايى تۋىلدى، مۇنداعى كەزەك كۇتتىرمەيتىن مىندەت يۋە گىجۋاڭ بازارىنداعى جۇقپالى اۋرۋعا قاتىستى حاۋىپ - قاتەرلەردى تەز ارادا تەكسەرىپ، تىزگىندەۋدى تياناقتاندىرۋ بولىپ پتىر.
شۇي حىجيان بىلاي دەدى: ٴار كۇنى تولىق انىقتاپ تەكسەرۋگە تاباندى بولۋ، ماسەلەلەردى تاۋىپ شىعۋ، تەز ٴارى قاعىس قالدىرماي شەشۋ كەرەك. نۋكلەين قىشقىلىن كوپ مارتە وڭىرلىك تەكسەرۋدىڭ رولىن ەڭ زور دارەجەدە ساۋلەلەندىرۋ، جاسىرىن اۋرۋدىڭ تارالۋىن تولىق الاستاۋ، قوعامدا جۇقپالى اۋرۋدى جويۋدى جەدەل جۇزەگە اسىرۋ كەرەك.
جۇقپالى اۋرۋدان ساقتانۋ-تىزگىندەۋ تالابى بويىنشا 5-ايدىڭ 17 كۇنىنەن باستاپ بەيجيڭ قالاسىندا جابىق مەڭگەرۋ رايونى، باسقارۋ ـ مەڭگەرۋ رايونى توڭىرەگىندەگى الەۋمەتتىك قاتىناس، مەترو ٴىشىنارا لەنيالارىندا جانە بەكەتتەردە جولاۋشىلاردىڭ سالاماتتىعى دەنساۋلىق شارت تاڭباسى ارقىلى تەكسەرىلەدى.
اۋدارعان: قاناتبەك جۇماباي ۇلى
